આજે શેરબજારમાં શું કરશો?
આજે શેરબજારમાં સ્ટરલાઈટ ટેકનોલોજીસ, કોલ ઇન્ડિયા લિમિટેડ, સ્ટેટ બેન્ક ઓફ ઇન્ડિયા, પાવર ફાઈનાન્સ કોર્પોરેશનના શેર્સની વધઘટ પર નજર રાખી શકાય
નાણાંકીય વર્ષ 2026-27નું બજેટ સંસદમાં રજૂ થી ગયું છે. શેરબજાર પર તેની નેગેટિવ અસર વધારે જોવા મળતાં સેન્સેક્સમાં 1500 પોઈન્ટનો ઘટાડો જોવા મળ્યો છે. બજારના નિષ્ણાતો હજીય બજેટની બાબતમાં તેલ અને તેલની ધાર જોઈને પછી વ્યાપક તારણ પર આવે તેમ જણાઈ રહ્યું છે. છતાં ફંડામેન્ટલની દ્રષ્ટિએ મજબૂત ગણાતો આજના માટેનો શેર છે સ્ટરલાઈટ ટેકનોલોજી લિમિટેડ-Sterlite Technologies Ltd. સ્ટરલાઈટનો NSE કોડ STLTECH અને BSE: 532374 છે.
માર્કેટ સ્મિથ ઇન્ડિયાએ આજે સ્ટરલાઈટ ટેક્નોલોજીના શેરમાં ટ્રેડિંગ કરવાની કે ઇન્વેસ્ટમેન્ટ કરવાની ભલામણ કરી છે. સ્ટરલાઈટ ટેક્નોલોજીના શેરનો પહેલી ફેબ્રુઆરી 2026ના દિવસનો બજાર ભાવ રૂ. 113નો છે. ફાઈવ-જી અને ડિજિટલ ઇન્ફ્રાસ્ટ્રક્ચરના સેક્ટરની આ અત્યંત મજબૂત કંપની છે. ઓપ્ટિકલ ફાઈબલ અને ટેલિકોમ ઇક્વિપમેન્ટના પણ ખાસ્સા કામકાજ કંપની પાસે છે. ચાર્ટની દ્રષ્ટિએ આ સ્ક્રિપ બ્રેકઆઉટ લેવલ પર છે. શેરના ભાવમાં છેલ્લા 100 દિવસથી જોવા મળેલી વધઘટની સરેરાશ દર્શાવે છે કે શેરનો ભાવ સારી છલાંગ લગાવી શકે છે.
આગામી બેથી ત્રણ મહિનાના ગાળામાં શેરનો ભાવ સુધરીને રૂ. 130ની સપાટીએ પહોંચી શકે છે. ટ્રેડરો કે ઇન્વેસ્ટર્સ રૂ. 104નો સ્ટોપલૉસ રાખીને આ શેરમાં સોદાઓ કરી શકે છે. ફંડામેન્ટલની દ્રષ્ટિએ વિચારીએ તો ડિજિટલ નેટવર્કની અને ક્લાઉડના નેટવર્કની ડિમાન્ડ આજકાલ વધી રહી છે. બજેટમાં પણ ડિજિટલ ડેટા અને ટેલિકોમ સિનર્જી પર ખર્ચ વધારવા પર ફોકસ કરવામાં આવેલું છે. સિનર્જીમાં દરેક સોર્સને એક કરીને સારામાં સારું માળખું ઊભું કરવા પર ફોકસ કરવામાં આવે છે.
આ કામકાજ કરવા માટે મૂડીખર્ચ મોટો કરવો પડે છે તે બાબત કંપનીના ફંડામેન્ટલ્સની દ્રષ્ટિએ એક નકારાત્મક પાસું ગણી શકાય છે. આ પાસાંને શેરના ભાવની વધઘટ માટે જવાબદાર બની શકે તેવા એક પરિબળ તરીકે પણ જોઈ શકાય છે. ટેલિકોમ ઇન્ડસ્ટ્રીમાં ચઢાવ ઉતારની સાઈકલ પણ જોવા મળે છે. તેને ધ્યાનમાં રાખીને સોદા કરી શકાય છે.
આજે ટ્રેડ કરવા પાત્ર શેર્સમાં પાવર ફાઈનાન્સ કોર્પોરેશનનો પણ સમાવેશ થાય છે. Power Finance Corporation Ltd-(PFC)ના શેર્સમાં રોકાણ કરવાની કે ટ્રેડિંગ કરવાની ભલામણ બજેટ પહેલાથી જ ટેકનિકલ ચાર્ટના નિષ્ણાતો કરી રહ્યા છે. એસબીઆઈ સિક્યોરિટીઝ ટેકનિકલે તેમાં ટ્રેડિંગ કરવાની ભલામણ કરેલી છે.રૂ. 380થી રૂ. 285ની રેન્જમાં સ્ક્રિપમાં લેવાલી કરવા જણાવવામાં આવ્યું છે. શેરનો ભાવ સુધરીને રૂ. 420નું મથાળું બતાવી શકે છે. રૂ. 365નો સ્ટોપલૉસ રાખીને રૂ. 420ના ટાર્ગેટ ભાવ સુધીમાં લાભ લેવા માટે આ સ્ક્રિપમાં રોકાણ કરી શકાય છે.
ટેકનિકલ ચાર્ટની દ્રષ્ટિએ શેરમાં બ્રેકઆઉટ આવી રહ્યું છે. શેરનું વોલ્યુમ વધી રહ્યું છે. આગામી દિવસોમાં તેમાં સારી મુવમેન્ટ-ગતિવિધિ જોવા મળી શકે છે. માળખાકીય સુવિધા માટે ફાઈનાન્સની સુવિધા ધરાવતી જાહેર ક્ષેત્રની એક મોટી ફાઈનાન્શિયલ ઇન્ટરમિડિયેટરી કંપની છે. આ સેક્ટર માટે સરકાર દ્વારા કરવામાં આવનારા મૂડીખર્ચનો કંપનીને લાભ મળી જ શકે છે.બજેટ રજૂ કરવામાં આવ્યું તે પહેલા પણ આ સ્ક્રિપમાં લેણ કરવાની ભલામણ કરવામાં આવી હતી.
આજના માટેના ત્રીજા શેર્સમાં Coal India Ltd-કોલ ઇન્ડિયા લિમિટેડનો સમાવેશ થાય છે. તેનો NSE કોડ COALINDIA અને BSE કોડ 533278 છે. બજેટ સ્ટોક તરીકે આ શેરમાં લેવાલી કરવાની ભલામણ કરવામાં આવી રહી છે. રૂ. 445થી 450ની રેન્જમાં સ્ક્રિપમાં લેણ કરી શકાય છે. ભાવ સુધરીને રૂ. 500ના મથાળે જઈ શકે છે. રૂ. 430નો સ્ટૉપલૉસ રાખીને સ્ક્રિપમાં કામકાજ કરી શકાય છે. અત્યારે સ્ક્રિપ નવા ટેકા માટેની સપાટી પર મજબૂત થઈ રહ્યો છે. સ્ક્રિપમાં મોમેન્ટમ વધી રહી છે. વોલ્યુમ પણ વધી રહ્યું છે. જાહેર ક્ષેત્રની આ કંપનીની ઓર્ડરબુક તગડી છે, જે તેની આવક અને નફામાં વધારો કરાવી શકે છે. પહેલી ફેબ્રુઆરી 2026ના રજૂ કરવામાં આવેલા કેન્દ્રિય બજેટમાં માળખાકીય સુવિધા અને એનર્જી પર કરવામાં આવેલા ફોકસનો કંપનીને ખાસ્સો લાભ મળી શકે છે.
ટેકનિકલ ચાર્ટની દ્રષ્ટિએ વાત કરવામાં આવે તો પહેલો શેર Titan Company Ltd-ટાઈટન કંપની લિમિટેડનો છે. તેનો BSE કોડ 500114 અને NSE કોડ TITAN છે. ચોઈસ બ્રોકિંગ કંપની આ શેરમાં લેવાલી કરવાની ભલામણ કરી ચૂકી છે. કંપનીના શેરનો વર્તમાન બજાર ભાવ રૂ. 3,975 છે. ટાર્ગેટ ભાવ રૂ. ₹4,50નો નક્કી કરવામાં આવ્યો છે. રૂ.3700નો સ્ટોપલૉસ રાખીને સ્ક્રિપમાં કામકાજ કરી શકાય છે. ટેકનિકલ ચાર્ટ દર્શાવે છે કે કંપનીના શેરનો ભાવ નવા નીચા ટોપ બનાવીને આગળ વધી રહ્યો છે. બીજા શબ્દોમાં કહીએ તો ભાવના દરેક નવી ઊંચી સપાટીએ શેર નવી ટેકાની સપાટી બનાવી રહ્યો છે. તેનો સરેરાશ ભાવ તેની મુવમેન્ટની એવરેજની ઉપર જ છે.
ગ્રાસિમ ઇન્ડસ્ટ્રીઝ લિમિટેડ-Grasim Industries Ltd પણ ટેકનિકલી સાઉન્ડ સ્ટોક ગણાય છે. તેનો BSE કોડ 500300 અને NSE કોડ GRASIM છે. ચોઈસ બ્રોકિંગે તેમાં બજેટ સ્ટોક તરીકે ખરીદી કરવાની કે ટ્રેડ કરવાની ભલામણ કરી છે. લાર્જ કેપ કંપની વ્યાપક ઇન્ડસ્ટ્રીયલ એક્સપોઝર ધરાવે છે. વર્તમાન સપાટીની આસપાસ મજબૂત ટેકો બનાવીને શેર છલાંગ લગાવવા તૈયાર થઈ રહ્યો હોવાનો સંકેત ટેકનિકલ ચાર્ટ આપી રહ્યો છે. ચાર્ટના નિષ્ણાતો સ્ક્રિપમાં પોઝિટિવ મુવમેન્ટ આવી રહી હોવાનો નિર્દેશ આપી રહ્યા છે.
આજે SBI (State Bank of India)-સ્ટેટ બેન્ક ઓફ ઇન્ડિયાનો શેર અન્ડરપરફોર્મ કરે તેવી શક્યતા હોવાનો સંકેત મળી રહ્યો છે. બજેટમાં સિક્યોરીટી ટ્રાન્ઝેક્શન ટેક્સમાં વધારો કરીને રૂ. 73,700 કરોડની વધારાની આવક ઊભી કરવાનો સરકારે બજેટમાં નિર્ણય લીધો તેને પરિણામે સ્ક્રિપના વોલ્યુમમાં ઘટાડો થવાની અને નાના નાના ટ્રેડર્સ એસટીટીને કારણ ખર્ચબોજ વધવાથી એફ એન્ડ ઓમાં તેમના કામકાજ ઘટાડી દે તેવી શક્યતા વચ્ચે પણ સ્ક્રિપમાં સોદા ઘટી જવાની સંભાવના છે. સ્ક્રિપમાં વેચવાલીનું ભારે દબાણ હોવાનું જણાઈ રહ્યું છે. ટૂંકા ગાળામાં આ સ્ક્રિપમાં લેવડદેવડ કરી શકાય તેમ જણાતું નથી. એસટીટીમાં વધારો થતો ડેરિવેટીવ્સમાં સોદા કરવાનો ખર્ચ વધી ગયો છે. તેથી ટ્રેડિંગ વોલ્યુમ ઘટી જશે.
આજે નિફ્ટીમાં શું કરશો?
નિફ્ટી 50-Nifty 50 તેના મહત્વના ટેકાની સપાટીની નીચે ઉતરી ગયો છે. બજેટ રજૂ કરવામાં આવ્યા તે પછીનો તેની ટેકાની સપાટી 24,550થી 24500ની હોવાનું જણાઈ રહ્યું છે. 29950 અને 255,100ની સપાટીએ ટેકો ધરાવે છે. ટેકનિકલ ચાર્ટ દર્શાવે છે કે ઇન્ડેક્સ અત્યારની સપાટીએ મજબૂત થઈ રહ્યો છે. આગળ વધવા માટે તૈયારી કરી રહ્યો છે.
બેન્ક નિફ્ટી-Bank Nifty 59,000ની સપાટીએ ટેકો ધરાવે છે. તેમ જ 59,800 સપાટી જણાઈ રહી છે. જાહેર ક્ષેત્રની બેન્કોમાં નબળાઈનો ટ્રેન્ડ હોવાનું જણાઈ રહ્યું છે.
બીએસઈન સેન્સેક્સSensex નજીકમાં 80,000ની સપાટીએ ટેકો ધરાવે છે. તેમ જ 81,500થી 82,000ની સપાટીએ પ્રતિકાર જોવા મળી રહ્યો છે.
નિફ્ટી મિડકેપ અને સ્મોલ કેપના શેર્સમાં બજેટ પછી બજારની સમગ્ર બજારની માફક જ ઘટાડો જોવા મળ્યો છે. સમગ્રતયા બજારનું સેન્ટિમેન્ટ નકારાત્મક છે.
એસએમઈ ઇન્ડેક્સSME Indexમાં અફરાંતફરી જવા મળી શકે છે. તેમાં નરમાઈ તરફી ઝુકાવ જોવા મળી શકે છે. સિક્યોરીટી ટ્રાન્ઝેક્શન ટેક્સના ભારને કારણે આ સ્થિતિ નિર્માણ થઈ હોવાનું જણાય છે.
