ઉત્પાદકોને Doxycycline અને Carbimazoleના પેકેટ પર દવાની નવી સાઇડ ઇફેક્ટ્સની વિગતો જાહેર કરવા CDSCOનો આદેશ
પ્રતીકાત્મક તસવીરઃ કોઈ એક કંપનીને નહિ, તમામ ઉત્પાદક કંપનીઓને આદેશ આપવામાં છે
- Carbimazoleમાંના ગ્રાન્યુલોસાઇટ્સ લોહીમાં ફરતાં શ્વેતકણોના પ્રમાણને અત્યંત ઘટાડી દે છે, તેથી દરદીની ચેપ સામે લડવાની શરીરની ક્ષમતા ઘટે છે.
- Doxycycline દવા લેનારને બેચેની-Restlessness, ચિંતા-Anxiety, ચીડિયાપણું-Irritability, ગભરાટ-Nervousness, ચક્કર આવવા-Dizzinessની થતી તકલીફ
અમદાવાદઃ Central Drugs Standard Control Organisation (CDSCO) 19 ફેબ્રુઆરી 2026ના રોજ આદેસ કરીને ભારતના તમામ રાજ્ય અને કેન્દ્રશાસિત પ્રદેશોના દવા નિયામકોને એન્ટિબાયોટિક doxycycline અને એન્ટી-થાયરોઇડ દવા carbimazoleની પેકેજ પર દવાની આડઅસર અંગે મૂકવામાં આવતી માહિતીમાં ઉપરોક્ત બંને દવાઓની નવી સાઇડ ઇફેક્ટ્સ ઉમેરવા ફરજિયાત કર દીધી છે. આ અંગેનો સૂચનાપત્ર દેશભરના દવા નિયામકોને તેમના પોતાના અધિકારક્ષેત્ર હેઠળના ઉત્પાદકોને મોકલી આપવા પણ જણાવી દીધું છે.
આ નિર્ણય Indian Pharmacopoeia Commission, ગાઝિયાબાદ સ્થિત National Coordination Centre Pharmacovigilance Programme of India (NCC-PvPI) દ્વારા Adverse Drug Reaction (ADR) રિપોર્ટના મૂલ્યાંકન બાદ લેવામાં આવ્યો છે. આ મુદ્દે 24 માર્ચ 2025ની 26મી Signal Review Panel બેઠકમાં ચર્ચા પણ કરવામાં આવી હતી.
Doxycycline માટે નવા સાઇડ ઇફેક્ટ્સ
PvPIએ Individual Case Study Reports (ICSR)ના આધારે ભલામણ કરી કે doxycycline આધારિત દવાઓના Prescribing Information Leaflet (PIL)માં નીચેના CNS Side Effects ઉમેરવા જોઈએ: આ દવા લેનારને બેચેની-Restlessness, ચિંતા-Anxiety, ચીડિયાપણું-Irritability, ગભરાટ-Nervousness, ચક્કર આવવા-Dizzinessની પણ તકલીફ થતી હોવાનું બહાર આવ્યું છે.
આ ભલામણને 8 જાન્યુઆરી 2026ની બેઠકમાં એન્ટીમાઇક્રોબિયલ અને એન્ટી-પેરાસિટિક માટેની Subject Expert Committee (SEC)એ સમર્થન આપ્યું અને આ સાઇડ ઇફેક્ટ્સને દવાના caution sectionમાં ઉમેરવાની પણ સલાહ આપી હતી.
Carbimazole માટે ગંભીર ચેતવણી
6 જાન્યુઆરી 2026ની SEC (એન્ડોક્રિનોલોજી અને મેટાબોલિઝમ) બેઠકમાં carbimazole માટે “Agranulocytosis”ને ADR તરીકે PILમાં સામેલ કરવાની ભલામણ કરવામાં આવી છે. Agranulocytosis એક જીવલેણ પરિસ્થિતિ છે, જેમાં ગ્રાન્યુલોસાઇટ્સ લોહીમાં ફરતાં શ્વેતકણોનો મહત્વપૂર્ણ પ્રકાર)નું પ્રમાણ અત્યંત ઘટી જાય છે, જેના કારણે ચેપ સામે લડવાની શરીરની ક્ષમતા ઘટે છે.
DCGIનો આદેશ
Rajeev Singh Raghuvanshi, Drugs Controller General of India (DCGI)એ રાજ્ય અને UT લાઇસન્સિંગ સત્તાધિકારીઓને લખિત સૂચના આપી છે કે તેઓ ઉત્પાદકોને આ નવા ADRs પેકેજ ઇન્સર્ટ અને પ્રચાર સામગ્રીમાં ઉમેરવા કહે.
તેમણે સત્તાધિકારીઓને આ અંગે લેવામાં આવેલા પગલાંની જાણ પોતાના કાર્યાલયને કરવા પણ કહ્યું છે.
નિષ્કર્ષ
આ પગલું દવાઓ અંગે વધુ પારદર્શિતા અને દર્દીઓની સુરક્ષા વધારવા માટે મહત્વપૂર્ણ છે. Prescribing Information Leaflet (PIL)માં નવા સાઇડ ઇફેક્ટ્સ ઉમેરવાથી ડોક્ટરો અને દર્દીઓને સંભવિત જોખમ અંગે વધુ જાગૃતિ મળશે.
