આજે શેરબજારમાં શું કરશો?

આજે અશોક લેલેન્ડમાં લેણ કરી શકાય

આજે ખરીદવા લાયક શેરમાં અશોક લેલેન્ડ–Ashok Leylandનો સમાવેશ થાય છે. શેરનો વર્તમાન બજાર ભાવ રૂ. 208.80ની આસપાસનો છે. Ashok Leylandનો શેર ગયા વર્ષના એપ્રિલથી સતત અપટ્રેન્ડમાં રહ્યો છે. રૂ. 100ના સપોર્ટ પરથી શરૂ થયેલી તેજી બાદ 11 ફેબ્રુઆરીએ શેરે રૂ. 215.35નો રેકોર્ડ હાઇ નોંધાવ્યો હતો. ત્યારબાદ થોડું પ્રોફિટ બુકિંગ જોવા મળ્યું હતું. શુક્રવારે શેર રૂ. 202ના સપોર્ટ પરથી ફરી ઉછળ્યો છે. અહીં 21-દિવસની મૂવિંગ એવરેજ અને ટ્રેન્ડલાઇન સપોર્ટ એકસાથે મળતા હોવાથી મજબૂત ટેક્નિકલ સપોર્ટ જોવા મળી રહ્યો છે. તેના પરથી સ્પષ્ટ થાય છે કે તેજીનો આખલો-બુલ્સ ફરી સક્રિય બન્યા છે. શેરનો ભાવ આજના સેશનમાં શેર નવી ઊંચાઈ બનાવી શકે છે.

• ખરીદીનો ભાવ: રૂ. 208
• સ્ટોપ-લોસ: ₹200
• ભાવ રૂ. 215 પહોંચે ત્યારે સ્ટોપ-લોસ ₹206 કરો
• ભાવ ₹225 પહોંચે ત્યારે સ્ટોપ-લોસ ₹210 કરો
• ટાર્ગેટ ભાવ રૂ. 230

આજે શેરબજારમાં રોકાણ કરવા લાયક શેર્સમાં Lenskart Solutions Ltd (LENS)નો સમાવેશ થાય છે. મોતીલાલ  ઓસવાલ બ્રોકરેજ હાઉસે આ કંપનીના શેર ખરીદવાની ભલામણ કરેલી છે. Lenskart Solutions Ltd (LENS) છેલ્લા કેટલાક અઠવાડિયામાં મજબૂત પોઝિટિવ મોમેન્ટમ દર્શાવી રહ્યો છે. ફેબ્રુઆરી 13, 2026 સુધી શેરે લગભગ ₹533નો 52 સપ્તાહની ઉચ્ચ સપાટીને આંબી જવામાં સફળતા મેળવી છે. શુક્રવારે બજાર બંધ આવ્યું ત્યારે રૂ. 489.10નો બંધ ભાવ આવ્યો હતો.

શેર્સમાં લેવાલી કરવાના કારણો નીચે મુજબ છે.

• છેલ્લા 1 મહિનામાં આશરે 16 ટકા સુધીનો ઉછાળો
• 52- સપ્તાહનો ઊંચો ભાવ જોયો: રૂ.533 (13 ફેબ્રુઆરી, 2026)
• 52-સપ્તાહનો નીચામાં નીચો ભાવ : રૂ.356.1 (10 નવેમ્બર, 2025)
• વર્તમાન ભાવ: ₹488–₹489 (20–22 ફેબ્રુઆરી, 2026)

શેર હાલમાં હાઈઝ પરથી થોડી પ્રોફિટ બુકિંગ પછી કન્સોલિડેશન ઝોનમાં જોવા મળે છે. Q3 FY26 નાણાકીય પ્રદર્શન સારુ રહ્યું છે.

• ત્રીજા ત્રિમાસિક ગાળામાં કંપનીની આવકમાં 37 ટકાનો વાર્ષિક ધોરણે વધારો જોવા મળ્યો છે.
• EBITDAમાં 6 ટકાનો ઉછાળો જોવા મળ્યો છે. કંપનીનો EBITDA ₹462 કરોડ સુધી પહોંચ્યો છે.

• EBITDA માર્જિન 20 ટકા સુધી વધ્યું છે.
• આ સુધારો ઓપરેશનલ કાર્યક્ષમતા અને સ્કેલિંગ મોડલના કારણે થયો છે.
• ડિસેમ્બર અંતે કોરિયામાં એક્વિઝિશન અપડેટ બાદ 4 ટકાનો ઉછાળો આવ્યો

• બ્રોકરેજ સપોર્ટ અને આંતરરાષ્ટ્રીય વિસ્તરણ ભાવનાને મજબૂત બનાવે છે.
• સ્ટોક 52-વિક હાઈ નજીક હોવાથી મજબૂત અપટ્રેન્ડમાં ગણાય
• EBITDA માર્જિન વિસ્તરણ લાંબા ગાળાની સ્કેલેબિલિટી દર્શાવે છે
• હાઈ ગ્રોથ + માર્જિન એક્સપાન્શન = વેલ્યુએશન પ્રીમિયમનું સમર્થન

• હાઈ લેવલ પર વોલેટિલિટી વધી શકે
• વેલ્યુએશન પ્રીમિયમ હોવાથી પરિણામોમાં થોડો પણ ધીમો પડકાર અસરકારક બની શકે
• એક્વિઝિશન ઇન્ટિગ્રેશન પર નજર રાખવી જરૂરી

Lenskart હાલમાં ગ્રોથ + પ્રોફિટેબિલિટીનું સંયોજન દર્શાવે છે. મજબૂત Q3 FY26 પરિણામો અને બ્રોકરેજ સપોર્ટને કારણે શેરમાં મોમેન્ટમ જાળવાઈ શકે છે. જોકે, રોકાણ પહેલાં વેલ્યુએશન અને બજાર પરિસ્થિતિનું મૂલ્યાંકન કરવું જરૂરી છે.

કલ્પતરુ પ્રોજેક્ટ્સ ઇન્ટરનેશનલ લિમિટેડ–Kalptaru Projects International Limited પણ આજે રોકાણ કરવા પાત્ર શેર્સમાંનો એક ગણી શકાય તેમ છે. આનંદ રાઠી બ્રોકરેજ હાઉસે કલ્પતરુ પ્રોજેક્ટ્સ ઇન્ટરનેશનલ લિમિટેડના શેર્સમાં લેણ કરવાની ભલામણ કરી છે. 20મી ફેબ્રુઆરીએ કલ્પતરુ પ્રોજેક્ટ્સ ઇન્ટરનેશનલ લિમિટેડના શેરનો ભાવ રૂ.29.20 વધીને રૂ. 1135.60 પર બંધ રહ્યો હતો. કંપનીના વર્તમાન અને આગામી મહિનાઓના પરફોર્મન્સની સંભાવનાઓને ધ્યાનમાં લેતા શેરનો ભાવ વધીને રૂ. 1408નું મથાળું બતાવી શકે છે.

• 2025-26ના નાણાકીય વર્ષના ત્રીજા ત્રિમાસિક ગાળામાં કંપનીની આવક રૂ. 5780 કરોડની રહી છે. આનંદ રાઠી ગ્રુપે રૂ. 5660 કરોડની આવક થવાની ધારણા આનંદ રાઠી બ્રોકરેજ હાઉસ દ્વારા બાંધવામાં આવી હતી. તેના કરતાંય વધુ આવક થઈ છે.
• કંપનીના ટ્રાન્સમિશન એન્ડ ડિસ્ટ્રીબ્યુશન, બિલ્ડિંગ એન્ડ ફેક્ટરીઝ તથા ઓઈલ એન્ડ ગેસ અને અર્બન ઇન્ફ્રાસ્ટ્રક્ચરના કામકાજમાં આવેલી ગતિને પરિણામે કંપનીની આવકમાં વધારો થયો છે. વાર્ષિક ધોરણે તુલના કરવામાં આવે તો વેરા પહેલાનો કંપનીનો નફો 0.31 ટકા વધ્યો છે.
• કંપનીનું ઓપનિંગ બેલેન્સ 70 ટકી જેટલું સારુ હતું અને કંપનીના બિલ્ડિંગ એન્ડ ફેક્ટરીના તથા ટ્રાન્સમિશન એન્ડ ડિસ્ટ્રીબ્યુશનન કામકાજમાં માર્જિન 10 ટકાથી ઉપર રહ્યા હોવાથી નાણાકીય પરફોર્મન્સ સારું રહ્યું હતું.
• કંપનીઓ મેળવેલા ફાઈનાન્સમાં વ્યાજના દર નીચા હોવાથી અને કંપનીના ચોખ્ખા દેવામાં ઘટાડો થયો હોવાથી પણ કંપનીને વેરો પહેલાનો નફો સુધર્યો છે.
• કંપનીની ઓર્ડર બુક તગડી હોવાથી અને નવા ઓર્ડરના અમલીકરણની કામગીરી પ્રભાવશાળી રહી હોવાથી અને નફાના માર્જિન ઊંચા રહ્યા છે.
• કંપનીએ કરેલા મૂડી ખર્ચ પર વળતર પણ સારુ છૂટ્યું છે. 2025-26ના પહેલા નવ માસના પરફોર્મન્સની કામગીરીનું પુનરાવર્તન 2026-27ના વર્ષમાં થવાની ધારણા છે.