આજે શેરબજારમાં શું કરશો?

એક્સિસ સિક્યોરિટીઝની ભલામણઃ Aurobindo Pharma અને GE Shipping ખરીદો, Indian Bank વેચો

શેરબજારમાં વેચવાલીનું દબાણ વધી રહ્યું હોય તેવા સમયમાં સ્થાનિક બ્રોકરેજ કંપની Axis Securitiesએ આગામી 3 થી 4 અઠવાડિયા માટે Aurobindo Pharma અને The Great Eastern Shipping Companyના શેર ખરીદવાની ભલામણ કરી છે. બીજીતરફ Indian Bank માટે ‘શોર્ટ’ એટલે કે વેચવાની સલાહ આપી છે. દરેક સ્ટોક અંગે બ્રોકરેજ કંપનીએ આપેલા વિશ્લેષણ પર નજર કરીએ.

Aurobindo Pharmaમાં લેણ કરો

ટાર્ગેટ પ્રાઇસ: રૂ.1,414 – રૂ.1,455
સ્ટોપ લોસ: રૂ.1,195

Aurobindo Pharmaના શેરે વીકલી ચાર્ટ પર જાન્યુઆરી 2025થી ચાલતી હોરીઝોન્ટલ ચેનલ ઉપર સ્પષ્ટ બ્રેકઆઉટ આપ્યો છે. શેરે રૂ. 1,266નો મહત્વપૂર્ણ લેવલ મજબૂત બુલિશ કેન્ડલ સાથે પાર કર્યો છે.

• આ બ્રેકઆઉટ સાથે ટ્રેડિંગ વોલ્યુમમાં પણ મોટો ઉછાળો જોવા મળ્યો છે, જે બજારના ઇન્વેસ્ટર્સ-ટ્રેડર્ની મજબૂત ભાગીદારી દર્શાવે છે.
• વીકલી RSI (Relative Strength Index) પણ 60ની આસપાસના રેઝિસ્ટન્સ ઝોનને પાર કરીને ઉપર ગયો છે, જે પોઝિટિવ મોમેન્ટમ દર્શાવે છે.
• શેર હાલમાં 20, 50, 100 અને 200 દિવસની SMA (Simple Moving Average)થી ઉપર ટ્રેડ થઈ રહ્યો છે અને આ તમામ એવરેજ ઉપર તરફ ટ્રેન્ડ કરી રહ્યા છે.

આ ટેક્નિકલ સંકેતોને ધ્યાનમાં રાખતાં બ્રોકરેજ મુજબ શેરમાં ₹1,414 થી ₹1,455 સુધી ઉછાળો આવી શકે છે.

Indian Bankના શેર્સ વેચી દો

ટાર્ગેટ પ્રાઇસ: રૂ. 818 – રૂ.800
સ્ટોપ લોસ: રૂ. 939

Indian Bankના શેરમાં ડેઇલી ચાર્ટ પર શોર્ટ ટર્મ ટ્રેન્ડ રિવર્સલ જોવા મળ્યો છે. શેરે છેલ્લા ચાર મહિનાથી ચાલતી રાઇઝિંગ ટ્રેન્ડલાઇન તોડી નાખી છે. તેથી ટૂંકા ગાળામાં ઘટાડાનો સંકેત મળે છે.

• આ બ્રેકડાઉન સાથે વોલ્યુમમાં વધારો થયો છે, જે કમજોરી દર્શાવે છે.
• શેર હાલમાં 20 અને 50 દિવસની SMAથી નીચે ટ્રેડ થઈ રહ્યો છે, જે બેરિશ-મંદીના ટ્રેન્ડને મજબૂત બનાવે છે.
• ડેઇલી અને વીકલી RSI પણ નેગેટિવ સેન્ટિમેન્ટ દર્શાવે છે.
• વીકલી RSIમાં નેગેટિવ ડાયવર્જન્સ પણ જોવા મળે છે, જે શેરમાં વધતી કમજોરી દર્શાવે છે.

આ સંકેતોના આધારે બ્રોકરેજ મુજબ શેર રૂ.818 થી ₹800 સુધી નીચે આવી શકે છે.

Great Eastern Shippingમાં લેણ કરી શકાય

ટાર્ગેટ પ્રાઇસ: રૂ.1,529 – રૂ.1,555
સ્ટોપ લોસ: રૂ.1,313

The Great Eastern Shipping Companyના શેર વીકલી ચાર્ટ પર હાયર ટોપ્સ અને હાયર બોટમ્સ બનાવી રહ્યા છે, જે મજબૂત અપટ્રેન્ડ દર્શાવે છે.

• શેરે રૂ.1,400ના હોરીઝોન્ટલ રેઝિસ્ટન્સ ઉપર બ્રેકઆઉટ આપ્યો છે.
• આ ઉછાળો વધતા ટ્રેડિંગ વોલ્યુમ સાથે જોવા મળ્યો છે, જે નવી ખરીદીની રસ દાખવે છે.
• શેર 20, 50, 100 અને 200 દિવસની SMAથી ઉપર ટ્રેડ થઈ રહ્યો છે.
• ડેઇલી અને વીકલી Bollinger Band પર Buy સિગ્નલ મળ્યા છે.
• વીકલી અને મન્થલી RSI પણ પોઝિટિવ મોમેન્ટમ દર્શાવે છે.

આ તમામ સંકેતોને ધ્યાનમાં રાખીને બ્રોકરેજ મુજબ શેર રૂ.1,529 થી રૂ.1,555 સુધી વધી શકે છે.