અમેરિકા-ઇરાન યુદ્ધને કારણે દુબઈના પ્રોપર્ટી માર્કેટમાં મંદી

• દુબઈની પ્રોપર્ટીમાં રોકાણ કરતાં ગુજરાતના ઇન્વેસ્ટર્સ તેલ અને તેલની ધાર જોઈને આયોજન કરે

દુબઈના રિયલ એસ્ટેટ બજારને પશ્ચિમ એશિયાના સંઘર્ષના કારણે મોટો ફટકો પડ્યો છે, પરંતુ હજી પણ મજબૂત સ્થિતિમાં ટકી રહ્યો છે. તાજેતરના આંકડાઓ મુજબ, એપ્રિલના પ્રથમ બે અઠવાડિયામાં રિયલ એસ્ટેટ ટ્રાન્ઝેક્શનમાં લગભગ 14 ટકાનો ઘટાડો નોંધાયો છે. આ ઘટાડો ગયા વર્ષના સમાન સમયગાળાની સરખામણીએ ઓછો છે. આ ઘટાડાનું મુખ્ય કારણ રોકાણકારોમાં વધતી અનિશ્ચિતતા અને પશ્ચિમ એશિયામાં ચાલી રહેલા તણાવ છે.

ઉપરાંત, નવા ભાડાના મકાનો માટેની માંગ પણ ઘટી ગઈ છે, જે દર્શાવે છે કે ખરીદદારો અને ભાડુઆતો બંને થોભો અને રાહ જુઓનું વલણ અપનાવી રહ્યા છે. દુબઈના મિલકતના માર્કેટને લાગેલા ફટકાની વિગતોમાં ઊંડા ઉતરીએ તો પશ્ચિમ એશિયાના યુદ્ધ અને ખાસ કરીને ઈરાન સાથેના તણાવને કારણે રોકાણકારોની વિશ્વાસમાં ઘટાડો થયો છે. રિયલ એસ્ટેટ ડીલ્સ અને ભાડાની માંગ બંનેમાં ઘટાડો જોવા મળ્યો છે. જોકે બજારમાં કોઈ મોટો ધરાશાયી થઈ ગયું હોય તેવો કડાકો બોલી ગયો નથી.

અમેરિકા અને ઇરાન વચ્ચેના સંઘર્ષના કારણે મિલકતના ખરીદદારો નવા રોકાણ કરવામાં વધુ સાવચેતી રાખી રહ્યા છે. બીજું પહેલાની માફક આંતરરાષ્ટ્રીય રોકાણકારો તાત્કાલિક નિર્ણય લેતા નથી. તેમના રોકાણ કરવાના વલણમાં થોભો અને રાહ જુઓનો અભિગમ વધી રહ્યો છે. તેથી જ પ્રોપર્ટી માર્કેટની ગતિ ધીમી પડી છે

પરંતુ નોંધપાત્ર બાબત એ છે કે  દુબઈનું રિયલ એસ્ટેટ માર્કેટ સંપૂર્ણ રીતે તૂટી ગયું નથી. રિયલ એસ્ટેટ માર્કેટ અત્યાર સુધી તો સ્થિરતા જાળવી બેઠું છે. રિયલ એસ્ટેટના માર્કેટના વિશેષજ્ઞોનું કહેવું છે કે દુબઈના પ્રોપર્ટી માર્કેટની વર્તમાન પરિસ્થિતિ કામચલાઉ મંદી જેવી છે. તેને સ્થાયી કે લાંબા ગાળાની મંદી તરીકે જોઈ શકાય નહિ. લાંબા ગાળા માટે તો દુબઈ હજી પણ ગ્લોબલ રોકાણ માટે આકર્ષક જ રહી શકે તેમ છે. માર્કેટ પર અસર મુખ્યત્વે ભાવનાત્મક પરિબળોને કારણે આવેલી છે. આ અસર ટૂંકા ગાળાની હોવાનું સંભાવના વધારે છે

પશ્ચિમ એશિયાના સંઘર્ષને કારણે દુબઈના પ્રોપર્ટી માર્કેટમાં ટૂંકા ગાળાનો દબાણ આવ્યો છે, પરંતુ બજાર હજી મજબૂત છે અને સંપૂર્ણ રીતે ધરાશાયી થવાનું કોઈ સ્પષ્ટ સંકેત નથી.