આજે શેરબજારમાં શું કરશો?
છેલ્લા એક અઠવાડિયા કરતાં વધુ સમયથી શેરનો ભાવ 21-દિવસની મૂવિંગ એવરેજ ઉપર ટકી રહ્યો છે. આ બધી જ નિશાનીઓ બુલિશ ટ્રેન્ડનો નિર્દેશ આપી રહ્યા છે.
ઉનો મિન્ડાના શેર્સમાં લેણ કરી શકાય તેમ હોવાનું શેરબજારના નિષ્ણાતોનું કહેવું છે. ઉનો મિન્ડાના શેરનો વર્તમાન બજાર ભાવ રૂ. 1109.70ની આસપાસનો છે. જોકે ઉનો મિન્ડાનો શેર આ વર્ષના શરૂઆતથી સતત ડાઉનટ્રેન્ડમાં રહ્યો હતો. પરંતુ છેલ્લા એક મહિના દરમિયાન તે કન્સોલિડેશન ફેઝમાં રહ્યો હતો અને આ અઠવાડિયે તેણે રૂ. 1,090ના મહત્વના રેઝિસ્ટન્સને તોડી નાખ્યું છે. તેની સાથે જ છેલ્લા એક અઠવાડિયા કરતાં વધુ સમયથી શેરનો ભાવ 21-દિવસની મૂવિંગ એવરેજ ઉપર ટકી રહ્યો છે. આ બધી જ નિશાનીઓ બુલિશ ટ્રેન્ડનો નિર્દેશ આપી રહ્યા છે.
રૂ. 1109.70ની સપાટીએ લેણ કરીને ઘટાડે રૂ. 10 80ની સપાટીએ વધુ લેવાલી કરીને ખરીદીનો એવરેજ ભાવ નીચે લાવી શકાય છે. રૂ. 1050નો સ્ટોપલોસ રાખીને કામકાજ કરી શકાય છે. ભાવ ઊંચા જાય તેમ તેમ સ્ટોપલોસ તમારી રિસ્ક લેવાની તાકાત પ્રમાણે અને નફો બુક કરવાની ઇચ્છા પ્રમાણે ઊંચો લેતો જવાનો વ્યૂહ સારો ગણાય. શેરનો ભાવ રૂ. 1180ના મથાળે પહોંચી જાય તે પછી એક્ઝિટ લઈ લેવામાં જ સાર છે.
જુદાં જુદાં સૂચકાંકો-ઇન્ડેક્સની ગતિ કેવી રહી શકે
સેન્સેક્સ અને નિફ્ટી ગેઇન ગુમાવ્યા હોવાથી તેજીના આખલાની તાકાત ઘટી રહી હોવાની આશંકા અભિવ્યક્ત કરવામાં આવી રહી છે. જોકે શેરબજારમાં હાલમાં તરત કોઈ કમજોરીના સ્પષ્ટ સંકેતો નથી, પરંતુ આગળ વધવા માટે મજબૂત બ્રેકઆઉટ જરૂરી છે. તે પછી જ માર્કેટમાં નવી તેજી આવી શકશે.
ગુરુવારે સેન્સેક્સ અને નિફ્ટી સવારે વધારાના સ્તરેથી નીચે આવીને લાલ નિશાનમાં બંધ આવ્યા હતા. ડેઇલી ચાર્ટ પર નાના બેરિશ કેન્ડલ બન્યા છે. આ કેન્ડલ દર્શાવે છે કે દિવસના અંતે થોડું રિકવરી જોવા મળી હતી. તાજેતરના રેલી પછી બજારે થોડો વિરામ લીધો છે.
વિશ્લેષકોના મતે, હાલ બજાર રેન્જબાઉન્ડ રહી શકે છે પરંતુ શોર્ટ-ટર્મમાં પોઝિટિવ વલણ રહેશે. હાલમાં બુલ્સ અને બિયર્સ વચ્ચે અનિશ્ચિતતા છે. ગઈકાલે સેન્સેક્સ: 77,988.68 બંધ આવ્યો હતો. તેમાં દિવસ દરમિયાન 122.56 પોઈન્ટનો ઘટાડો એટલે કે 0.16 ટકાનો ઘટાડો જોવા મળ્યો હતો.
નિફ્ટી 24,196.75 પર બંધ આવ્યો હતો. તેમાં 34.55 પોઈન્ટનો ઘટાડો જોવા મળ્યો હતો. આ ઘટાડો -0.14 ટકાનો હતો. કોટક સિક્યોરિટીઝના નિષ્ણાત શ્રીકાંત ચૌહાણનો મત છે કે માર્કેટમાં ઊંચા સ્તરે વેચાણનું દબાણ જોવા મળી રહ્યું છે. દિવસના ટોચથી સેન્સેક્સમાં લગભગ 1,050 પોઈન્ટનો ઘટાડો થયો હતો. સેન્સેક્સમાં 78,500–78,700 સ્તર રેઝિસ્ટન્સ તરીકે કામ કરશે. જો બજાર તેનાથી પણ નીચે રહેશે તો ઘટાડો ચાલુ રહી શકે છે. નીચેની તરફ 77,300–77,000ની સપાટીએ સપોર્ટ મળી શકે છે.
નિફ્ટી આઉટલુક:
એંગલ વનના રાજેશ ભોસલેનું માનવું છે કે છેલ્લા કેટલાક અઠવાડિયામાં 2000 પોઈન્ટથી વધુના વધારા પછી બજાર થોડું શાંત થયું છે. 24,400–24,600 વિસ્તાર મજબૂત રેઝિસ્ટન્સ ઝોન છે. તેમાં બ્રેકઆઉટ થાય તો આગળની તેજી શક્ય બનશે. 24,000–23,900 વિસ્તાર સપોર્ટ તરીકે કામ કરશે .
નિફ્ટીમાં 24,100ની સપાટી મજબૂત સપોર્ટ તરીકે કામ કરશે. 24,260–24,300 રેઝિસ્ટન્સ ઝોન છે. તેથી તેનાથી આગળ જવામાં થોડો અવરોધ આવી શકે છે. બજારે વધારે જોર લગાવવું પડી શકે છે.
HDFC સિક્યોરિટીઝના નિષ્ણાતોનું માનવં છે કે આગામી 1–2 દિવસમાં કન્સોલિડેશન અથવા નાનો ઘટાડો શક્ય છે. SBI સિક્યોરિટીઝના વિશ્લેષકોનું માનવું છે કે 24,320–24,350 મહત્વનો રેઝિસ્ટન્સ ઝોન છે. પ્રોફિટ બુકિંગના કારણે બજાર નીચે આવ્યું હતું. અમેરિકા અને ઇરાન વચ્ચેની વાટાઘાટોમાં પણ અનિશ્ચિતતા જ હોવાથી બજારમાં નરમાઈનો પ્રભાવ રહ્યો છે. ક્રૂડના વધી રહેલા ભાવ પણ બજારની સ્થિતિ બગાડી રહ્યા છે. હોલસેલ પ્રાઈસ ઇન્ડેક્સ મોંઘવારી વધુ હોવાના કારણે ઓટો અને કન્ઝ્યુમર ગુડ્સના સેક્ટરની કંપનીઓના શેર્સના ભાવ પર અસર પડી રહી છે.
જોકે અત્યારના બજારમાં મિડકૅપ અને સ્મોલકૅપ શેરે વધુ સારું પરફોર્મન્સ આપ્યું હોવાનું જણાય છે. મેટલ સેક્ટરની કંપનીઓનું પરફોર્મન્સ સૌથી સારું રહ્યું હતું. ડોલર નબળો હોવાથી કોમોડિટી ભાવ મજબૂત રહ્યા છે.
