D.Pharm ના વિદ્યાર્થીઓના પ્રેક્ટિકલ ટ્રેનિંગ માટે માન્યતા પ્રાપ્ત હોસ્પિટલોને આપશે મંજૂરી આપશે

D.Pharm ના વિદ્યાર્થીઓના પ્રેક્ટિકલ ટ્રેનિંગ માટે માન્યતા પ્રાપ્ત હોસ્પિટલોને આપશે મંજૂરી આપશે

અત્યાધુનિક સાધનોથી સજ્જ હોસ્પિટલ્સ અને સંભવતઃ વધુ નામના પ્રાપ્ત ડૉક્ટર્સની હાથ નીચે તૈયાર થવાની ડી. ફાર્મના વિદ્યાર્થીઓને તક મળશે

D.Pharm ના અભ્યાસક્રમની ફરજિયાત પ્રાયોગિક તાલીમ પૂર્ણ કરવા માટે વિદ્યાર્થીઓ માટે મોટી સંખ્યામાં NABH માન્યતા પ્રાપ્ત ખાનગી હોસ્પિટલોના દરવાજા ખુલશે.

અમદાવાદઃ ફાર્મસી કાઉન્સિલ ઓફ ઈન્ડિયા (PCI) એ દેશભરની NABH (નેશનલ એડ્રેડિટેશન બોર્ડ ફોર હોસ્પિટલ્સ એન્ડ હેલ્થકેર પ્રોવાઈડર્સ) માન્યતા પ્રાપ્ત હોસ્પિટલોને D.Pharm ના વિદ્યાર્થીઓના પ્રેક્ટિકલ ટ્રેનિંગ (પ્રાયોગિક તાલીમ) માટે મંજૂરી આપવાનો નિર્ણય કર્યો છે. આ નિર્ણયથી D.Pharm ના અભ્યાસક્રમની ફરજિયાત પ્રાયોગિક તાલીમ પૂર્ણ કરવા માટે વિદ્યાર્થીઓ માટે મોટી સંખ્યામાં NABH માન્યતા પ્રાપ્ત ખાનગી હોસ્પિટલોના દરવાજા ખુલશે.

ઓક્ટોબર 2020 માં PCI દ્વારા બહાર પાડવામાં આવેલા ‘એજ્યુકેશન રેગ્યુલેશન, 2020’ ના સેક્શન 18 અનુસાર, મંજૂર પરીક્ષા સમિતિ દ્વારા લેવાતી પાર્ટ-II ની પરીક્ષા આપ્યા બાદ વિદ્યાર્થીઓ કેન્દ્ર કે રાજ્ય સરકારની હોસ્પિટલો/દવાખાના અથવા લાયસન્સ ધરાવતી મેડિકલ સ્ટોર્સમાં ટ્રેનિંગ મેળવવા પાત્ર બને છે.

સરકારી હોસ્પિટલો સિવાયની અન્ય હોસ્પિટલોને PCI ના નિયમો અનુસાર માન્યતા મેળવવી જરૂરી હોય છે. અત્યાર સુધી મોટાભાગના વિદ્યાર્થીઓ સરકારી હોસ્પિટલો પર નિર્ભર રહેતા હતા, પરંતુ આ નવા નિર્ણયથી તેઓ કોઈ પણ NABH માન્યતા પ્રાપ્ત હોસ્પિટલમાં તાલીમ મેળવી શકશે. અત્યાધુનિક સાધનોથી સજ્જ હોસ્પિટલ્સ અને સંભવતઃ વધુ નામના પ્રાપ્ત ડૉક્ટર્સની હાથ નીચે તૈયાર થવાની ડી. ફાર્મના વિદ્યાર્થીઓને તક મળશે

વિદ્યાર્થીઓને શું ફાયદો થશે?

આધુનિક તકનીકનો અનુભવ: વિદ્યાર્થીઓને મોટી ખાનગી હોસ્પિટલોમાં પ્રેક્ટિકલ કામ કરવાનો અને અદ્યતન તકનીકો તથા શ્રેષ્ઠ પદ્ધતિઓ શીખવાનો મોકો મળશે, જેથી તેઓ ઉદ્યોગ માટે વધુ તૈયાર (Industry-ready) બની શકશે.

નવી તકો: શૈક્ષણિક સંસ્થાઓ હવે તાલીમ માટે વધુ NABH હોસ્પિટલો સાથે જોડાણ (Tie-up) કરી શકશે.

એપોલો, મેક્સ હેલ્થકેર અને ફોર્ટિસ જેવી અગ્રણી હોસ્પિટલ ચેઇન્સ પાસે NABH એક્રેડિટેશન છે. NABH અનુસાર, આ માન્યતા દર્શાવે છે કે હોસ્પિટલ દર્દીની સુરક્ષા, ગુણવત્તાયુક્ત સારવાર અને દર્દીના હિતોનું પૂરતું ધ્યાન રાખે છે.

D.Pharm માં પ્રેક્ટિકલ ટ્રેનિંગનું મહત્વ:

તાલીમનો સમયગાળો: પ્રાયોગિક તાલીમ ઓછામાં ઓછી 500 કલાક ની અને 3 મહિનાથી ઓછા સમયની ન હોવી જોઈએ, જેમાં ઓછામાં ઓછા 250 કલાક દવાનું પ્રત્યક્ષ વિતરણ (Dispensing of prescriptions) કરવાનો અનુભવ હોવો જરૂરી છે.

જરૂરી પ્રક્રિયા: તાલીમ શરૂ કરવા માટે સંસ્થાના વડા પાત્ર વિદ્યાર્થીને ‘પ્રાક્ટિકલ ટ્રેનિંગ કોન્ટ્રાક્ટ ફોર્મ’ ત્રણ નકલમાં આપશે, જેમાં સંસ્થા, વિદ્યાર્થી અને તાલીમ આપનાર હોસ્પિટલે નિયમ મુજબ સેક્શન I, II અને III ભરવાના રહેશે.