ખિસ્સાને પરવડે તેવા શેર્સમાં રોકાણ કરવાનું વિચારી શકાય, નફો થઈ શકે

રૂ. 50 થી ઓછા ભાવના 5 બજેટ-ફ્રેન્ડલી સ્ટોક્સ જેમના પર નજર રાખી શકાય

ઇક્વિટી માસ્ટરના નિષ્ણાતોનું કહેવું છે કે રૂ. 50 થી ઓછા ભાવે ટ્રેડ થતા સ્ટોક્સ ઘણીવાર પ્રારંભિક ગ્રોથ સ્ટેજ, ટર્નઅરાઉન્ડ (સુધારાના તબક્કા) અથવા સુધરતી શક્યતાઓ ધરાવતા સેક્ટરમાં હોય છે. આવા શેરોમાં જોખમ અને અસ્થિરતા વધારે હોય છે, પરંતુ જો કંપનીનું દેવું ઘટે અને કમાણી સુધરે, તો સારું રિટર્ન મળી શકે છે. રોકાણ માટે માત્ર શેરનો ભાવ નહીં પરંતુ બિઝનેસની ગુણવત્તા જોવી જરૂરી છે.

હાલ રૂ. 50 થી નીચે ટ્રેડ થઈ રહેલા 5 શેરોની યાદી નીચે મુજબ છે

એવન્યુઝ એઆઈ

બિઝનેસ: ફિનટેક અને ડિજિટલ પેમેન્ટ્સ ક્ષેત્રે સક્રિય કંપની (અગાઉનું નામ: ઇન્ફિબીમ એવન્યુઝ). તે CCAvenue બ્રાન્ડ હેઠળ પેમેન્ટ સોલ્યુશન્સ અને BuildBazaar હેઠળ સોફ્ટવેર પૂરા પાડે છે.

તાજેતરના અપડેટ્સ: કંપની મર્ચન્ટ ફાઇનાન્સિંગ, એઆઈ-આધારિત ક્રેડિટ ફ્રેમવર્ક અને આર્ટિફિશિયલ ઇન્ટેલિજન્સ (AI) ટેકનોલોજીમાં નોંધપાત્ર રોકાણ કરી રહી છે.

નાણાકીય પ્રદર્શન: Q4FY26 માં કંપનીનું નેટ વેચાણ બમણું થઈને રૂ. 24,895 મિલિયન થયું હતું અને ચોખ્ખો નફો વધીને રૂ. 903 મિલિયન થયો હતો. 28 જુલાઈ 2026 ના રોજ શેરનો બંધ ભાવ: રૂ. 16.53.

યશ બેન્ક

બિઝનેસ: ખાનગી ક્ષેત્રની આ બેંકે 2020 ના નાણાકીય સંકટ પછી મજબૂત વાપસી કરી છે. જાપાનની Sumitomo Mitsui Banking Corporation (SMBC) દ્વારા હિસ્સો ખરીદ્યા બાદ બેંકની સ્થિતિ વધુ મજબૂત બની છે.

નાણાકીય પ્રદર્શન: Q1FY27 માં બેંકની કુલ ડિપોઝિટ 14.3% વધીને રૂ. 3,150 અબજ થઈ છે અને ચોખ્ખો નફો 33.7% વધીને રૂ. 10.71 અબજ નોંધાયો છે. ગ્રોસ NPA ઘટીને 1.3% અને નેટ NPA 0.2% થઈ ગયા છે. (28 જુલાઈ 2026 ના રોજ શેરનો બંધ ભાવ: રૂ. 22.82).

સુઝલોન એનર્જી

બિઝનેસ: વિન્ડ, સોલાર અને ક્લીન એનર્જી ક્ષેત્રે કામ કરતી વૈશ્વિક રિન્યૂએબલ એનર્જી કંપની.

નાણાકીય પ્રદર્શન: Q1FY27 માં કંપનીએ 23 ટકાનો આવક વધારો મેળવ્યો છે અને 1 GW ઓર્ડર ઉમેરાતાં ક્યુમ્યુલેટિવ ઓર્ડર બુક 6.1 GW પર પહોંચી છે. જોકે ભૌગોલિક રાજકીય તણાવ અને લોજિસ્ટિક્સ વિક્ષેપને કારણે Q1FY27 નો ચોખ્ખો નફો સામાન્ય ઘટીને રૂ.3.05 અબજ થયો છે. (28 જુલાઈ 2026 ના રોજ શેરનો બંધ ભાવ: રૂ.48.03.

સાઉથ ઇન્ડિયન બેન્ક

બિઝનેસ: કેરળના ત્રિસુર ખાતે હેડક્વાર્ટર ધરાવતી પ્રાઇવેટ શેડ્યૂલ કમર્શિયલ બેંક, જે રિટેલ, MSME અને કોર્પોરેટ સેવાઓ પૂરી પાડે છે

નાણાકીય પ્રદર્શન: જૂન 2026 સુધીમાં FIIs એ તેમનો હિસ્સો વધારીને 25.4 ટકા કર્યો છે. Q1FY27 માં બેંકની ડિપોઝિટ 11 ટકા વધીને રૂ. 1,258.17 અબજ અને ચોખ્ખો નફો 17% વધીને ₹3.78 અબજ થયો છે. (28 જુલાઈ 2026 ના રોજ શેરનો બંધ ભાવ: ₹48.03).

મધર સુમિ વાયરિંગ ઇન્ડિયા

બિઝનેસ: વાહનો માટે વાયરિંગ હાર્નેસ સોલ્યુશન્સ આપતી ભારતની અગ્રણી કંપની છે.

નાણાકીય પ્રદર્શન: FY26 માં કંપનીની કુલ આવક પ્રથમ વાર રૂ. 100 અબજનો આંકડો વટાવી ગઈ હતી. Q4FY26 માં આવક રૂ. 33,346 મિલિયન અને ચોખ્ખો નફો રૂ. 1,673 મિલિયન રહ્યો હતો. આ કંપની સંપૂર્ણપણે દેવામુકત (Debt-free) છે. 28 જુલાઈ 2026 ના રોજ શેરનો બંધ ભાવ: રૂ. 41.05.

(નોંધ: આ માત્ર વોચલિસ્ટ માટે છે, રોકાણની ભલામણ નથી. રોકાણ કરવું હોય તો તમારા નાણાંકીય સલાહકારનો મત લઈને આગળ વધી શકાય છે.)