અન્નૂ પ્રોજેક્ટ્સનો આઈપીઓઃ મધ્યમ અને લાંબા ગાળાના રોકાણકારો માટે લાભદાયી સાબિત થાય

અન્નૂ પ્રોજેક્ટ્સ આઈપીઓ આજથી આવી રહ્યો છે. આ પબ્લિક ઇશ્યૂમાં રોકાણ કરવા પાછળના ગણિત કંઈક જુદાં જ હોઈ શકે છે. 

આઈપીઓનું સમયપત્રક

આઈપીઓની પ્રાથમિક અને નાણાકીય વિગતો

અન્નૂ પ્રોજેક્ટનો મુખ્ય બિઝનેસ જોઈએ તો ટેલિકોમ ઇન્ફ્રાસ્ટ્રક્ચર, ગટર માટેની માળખાકીય સુવિધાઓ અને ગેસ પાઈપ લાઈન જેવા ઇજનેરી અને બાંધકામ ક્ષેત્રમાં સક્રિય છે. બીએસએનએલ, આઈજીએલ, ગુજરાત ગેસ અને ગેઈલ-ગેસ ઓથોરિટી ઓફ ઇન્ડિયા લિમિટે જેવા મોટા ક્લાયન્ટ્સ સાથે કામ કરે છે.

કંપનીની ઓર્ડર બુક મજબૂત છે. 30 જૂન 2026 સુધીમાં કંપની પાસે રૂ. 1,959.35 કરોડની મજબૂત 23 ચાલુ પ્રોજેક્ટ્સની ઓર્ડર બુક છે.

ઇશ્યૂ સાઇઝ:₹175.06 કરોડની છે. તદ્દન નવા જ શેર્સની ઓફર લઈને કંપની આવી છે. કંપની અરજદારોને  રૂ. 94થી 99ના શેરદીઠ ભાવથી એટલે કે પ્રાઈસ બેન્ડમાં શેર્સ ઓફર કરી રહી છે. લોટ સાઇઝ151 શેર્સની ઓછામાં ઓછી રાખી હોવાથી અરજદારે મિનિમમ રૂ. 14,949નું રોકાણ કરવું પડશે.

કંપનીની નાણાકીય ગ્રોથ (FY25 થી FY26)ની વાત કરીએ. કંપનીની કુલ આવક રૂ. 182.35 કરોડથી વધીને રૂ. 244.59 કરોડ થઈ છે. તેમાં 34.1 ટકાનો વધારો થય છે. કંપનીનો વેરા પછીનો ચોખ્ખો નફો રૂ. 21.10 કરોડથી વધીને રૂ. 33.03 કરોડ થયો છે. તેમાં 56.5 ટકાનો વધારો થયો છે. કંપનીના વેરા પહેલાના માર્જિન 17.88 ટકાથી વધીને 20.81 ટકા થઈ ગયા છે.

ગ્રે માર્કેટ પ્રીમિયમ (GMP) અને લિસ્ટિંગ ગેઇન સંભાવના

ગ્રે માર્કેટમાં અન્નૂ પ્રોજેક્ટ્સનું પ્રીમિયમ રૂ. 4 પ્રતિ શેરની આસપાસ બોલાઈ રહ્યું છે. તેથી રોકાણકારોને લિસ્ટિંગનો નજીવો લાભ મળી શકે છે. ગ્રે માર્કેટના સંકેતો મુજબ ફ્લેટ કે 4 ટકા જેવું મામૂલી લિસ્ટિંગ પ્રીમિયમ મળવાની જ શક્યતા છે. કંપનીના પબ્લિક ઇશ્યૂમાં અરજી થવાની સંભાવનાની વાત કરીએ તો ગ્રે માર્કેટમાં બહુ મોટો ધસારો ન હોવાથી રિટેલ અને હાઈનેટવર્થ ઇન્ડિવિડ્યુઅલની કેટેગરીમાં મધ્યમ સબ્સ્ક્રિપ્શન થવાની શક્યતા છે. શોર્ટ ટર્મ લિસ્ટિંગ ગેઇનની લાલચમાં આવતા સ્પેક્યુલેટિવ રોકાણકારો તરફથી ઓછો પ્રતિસાદ મળી શકે છે.

સમયગાળા મુજબ શેર્સનું નાણાકીય અને માર્કેટ પરફોર્મન્સ

ટૂંકો ગાળમાં લિસ્ટિંગ ગેઇનની શક્યતા ખૂબ જ મર્યાદિત એટલે કે અડધા ટકા સુધીના લાભની શક્યતા દેખાય છે. તેથી બજારની એકંદર સ્થિતિ અને સેન્ટિમેન્ટ મુજબ શેર રૂ. 99 થી રૂ. 103 ની રેન્જમાં લિસ્ટ થઈ શકે છે.

મધ્યમ ગાળામાં એટલે કે 6 થી 12 મહિનાના ગાળામાં તેના પરફોર્મન્સની વાત કરીએ તો પબ્લિક ઇશ્યૂમાંથી એકત્રિત થનારા રૂ. 115 કરોડનો ઉપયોગ વર્કિંગ કેપિટલ જરૂરિયાતો પૂરી કરવા માટે થશે. તેનાથી કંપનીના પ્રોજેક્ટ્સ ઝડપથી પૂરા થશે અને કેશ ફ્લો મજબૂત થશે, જે શેરના ભાવને રૂ.115-રૂ.125 સુધી પહોંચાડી શકે છે.

લાંબો ગાળાની એટલે કે 2 થી 3 વર્ષના ગાળાની વાત કરીએ તો  ગવર્નમેન્ટ ઈન્ફ્રાસ્ટ્રક્ચર અને ગેસ પાઈપલાઈન ક્ષેત્રે જંગી કેપેક્સ ચાલી રહ્યો છે. રૂ. 1,959+ કરોડની ઓર્ડર બુક સામે કંપનીનો પબ્લિક ઇશ્યૂ પછીનો પી.ઈ. રેશિયો 19.64x છે. આ પી.ઈ. રેશિયો લિખિતા ઈન્ફ્રા 23x કે EMSના 24.6x જેવી તેના જ સેક્ર્ટરની અન્ય કંપનીઓની  સરખામણીમાં વાજબી છે. જેથી લાંબા ગાળે આ શેર સતત ચક્રવૃદ્ધિ વળતર આપી શકે છે.

કંપની પાસે મજબૂત ઓર્ડર બુક છે. કંપની પાસે તેની વાર્ષિક આવક કરતાં 8 ગણી મોટી રૂ. 1,959 કરોડની ઓર્ડર બુક છે, જે ભાવિ આવકની સુરક્ષા પૂરી પાડે છે. કંપનીની નાણાકીય મજબૂતી પણ જોરદાર છે. રિટર્ન ઓન ઇક્વિટી 21.27 ટકા અને રિટર્ન ઓન કેપિટલ એમ્પ્લોઈડ 22.66 ટકા જેવા ઉત્કૃષ્ટ રિટર્ન રેશિયો છે. કંપનીના શેર્સની સરખામણીમાં કંપનીના માથા પરનું શેરદીઠ દેવું 0.34 હોવાથી બેલેન્સ શીટ હળવી છે. આમ ડેટ ઇક્વિટી રેશિયો સરવૈયા પર બોજો વધારે તેવો નથી. બીજું, ઓફરિંગ સ્ટ્રક્ચરની વાત કરીએ તો ઓફર ફોર સેલ નથી. પ્રમોટરના શેર્સ વેચવા કાઢ્યા નથી. કંપનીએ પૂરેપૂરા નવા શેર્સની ઓફર કરી છે. કંપની રૂ. 175 કરોડ એકત્રિત કરીને સંપૂર્ણ રકમ  કંપનીના બિઝનેસ ગ્રોથ અને મશીનરી ખરીદી માટે વપરાશે.

અરજી ન કરવાના કારણો 

વર્કિંગ કેપિટલ સઘન બિઝનેસ એન્જિનિયરિંગ અને કન્સ્ટ્રક્શનના ક્ષેત્રનો હોવાથી સરકારી કોન્ટ્રાક્ટ્સમાંથી ચૂકવણી મોડી થવાનું જોખમ રહેલું છે. ગ્રે માર્કેટમાં ઓછો ઉત્સાહ છે. ટૂંકા ગાળાના રોકાણકારો માટે 0-4 ટકાનો લાભ થવાની શક્યતા આકર્ષક જણાતી નથી. અંતિમ વિશ્લેષણ અને સલાહ એ છે કે જે રોકાણકારો માત્ર લિસ્ટિંગ ગેઇન માટે આઈપીઓમાં આવવા માગે છે તેઓ આ આઈપીઓ સ્કિપ કરી શકે છે. પરંતુ, જે રોકાણકારો મધ્યમથી લાંબા ગાળાના (1-3 વર્ષ) દ્રષ્ટિકોણથી ઇન્ફ્રાસ્ટ્રક્ચર સ્મોલકેપ કંપનીમાં વ્યાજબી વેલ્યુએશને રોકાણ કરવા માગે છે, તેઓ આ આઈપીઓમાં અરજી કરવાનો વિચાર કરી શકે છે.