લ્યુમિનો ઇન્ડસ્ટ્રીઝ આઈપીઓ: મધ્યમ અને લાંબા ગાળાનું મજબૂત રોકાણ

લ્યુમિનો ઇન્ડસ્ટ્રીઝ આઈપીઓ: મધ્યમ અને લાંબા ગાળાનું મજબૂત રોકાણ

લ્યુમિનો ઇન્ડસ્ટ્રીઝ રૂ. 700 કરોડનો પબ્લિક ઇશ્યૂ લઈને આવી રહી છે. તેમાં રૂ. 500 કરોડનો નવો ઇશ્યૂ અને રૂ. 200 કરોડનો ઓફર ફોર સેલનો સમાવેશ થાય છે. રૂ. 5ની મૂળ કિંમતન શેર રૂ. 78થી રૂ. 82ના શેરદીઠ ભાવથી ઓફર કરી કરી રહી છે. ઓછામાં ઓછી અરજદારે 182 શેર્સ માટે અરજી કરવાની રહેશે. તેને માટે મિનિમમ રૂ. 14,924નું રોકાણ કરવું પડશે.

લ્યુમિનો ઇન્ડસ્ટ્રીઝનો બિઝનેસ: વર્ષ 2005માં સ્થાપિત આ કંપની પાવર ટ્રાન્સમિશન અને ડિસ્ટ્રિબ્યુશન સેક્ટરમાં કંડક્ટર્સ, પાવર કેબલ્સ, વાયર્સ અને HTLS કંડક્ટર્સનું ઉત્પાદન કરે છે. આ ઉપરાંત કંપની પાવર ટ્રાન્સમિશન, રેલવે ઇલેક્ટ્રિફિકેશન, સોલાર અને વોટર મેનેજમેન્ટના બિઝનેસમાં પણ સક્રિય છે. ભારત ઉપરાંત અમેરિકા, કેન્યા, બાંગ્લાદેશ સહિત 10થી વધુ દેશોમાં કંપની નિકાસ કરે છે.

કંપનીની કુલ વાર્ષિક આવક રૂ. 1,946.68 કરોડથી વધીને રૂ. 2,089.31 કરોડ થઈ છે. તેમાં 7.3 ટકાનો વધારો થયો છે. કંપનીનો વેરા પછીનો ચોખ્ખો નફો રૂ. 124.59 કરોડથી વધીને રૂ. 160.00 કરોડ થયો છે. તેમાં 28.4 ટકાનો વધારો થયો છે. કંપનીનો EBITDA રૂ. 222.94 કરોડથી વધીને રૂ. 238.95 કરોડ થયો છે. તેમાં 7.2 ટકાનો વધારો થયો છે.

 

ગ્રે માર્કેટ પ્રીમિયમ  અને લિસ્ટિંગ ગેઇન સંભાવના

હાલના માર્કેટ સેન્ટિમેન્ટ મુજબ ગ્રે માર્કેટમાં લ્યુમિનો ઇન્ડસ્ટ્રીઝનું પ્રીમિયમ રૂ. 10 થી રૂ. 15 પ્રતિ શેર એટલે કે આશરે 12 ટકાથી 18 ટકાની આસપાસ બોલાઈ  રહ્યું છે. લિસ્ટિંગ લાભ: જો ગ્રે માર્કેટ પ્રીમિયમ જળવાઈ રહે તો લિસ્ટિંગ સમયે રોકાણકારોને 10 ટકાથી 15 ટકાની આસપાસ સરેરાશ નફો મળવાની શક્યતા રહેલી છે. વ્યાજબી વેલ્યુએશન અને વાજબી જીએમપીને કારણે રિટેલ અને હાઈ નેટવર્થ ઇન્ડિવિડ્યુઅલ બંને કેટેગરીમાં મધ્યમથી સારી સબ્સ્ક્રિપ્શન ગતિ જોવા મળી શકે છે.

શેર્સનું નાણાકીય અને માર્કેટ પરફોર્મન્સ

ટૂંકા ગાળાની વાત કરીએ તો શેરબજારની મજબૂત સ્થિતિમાં શેર રૂ. 92થી રૂ. 96ની રેન્જમાં લિસ્ટ થઈ શકે છે, જે ટૂંકા ગાળાના રોકાણકારો માટે મધ્યમ લિસ્ટિંગ ગેઇન આપશે. મધ્યમ ગાળાના રોકાણકારો માટે એટલે કે 6 થી 12 મહિના સુધીના શોર્ટ ટર્મના રોકાણકારો માટે કંપનીના પબ્લિક ઇશ્યૂ થકી થનારી ચોખ્ખા આવકમાંથી રૂ. 337 કરોડનો ઉપયોગ કંપની પોતાનું દેવું ચૂકવવા માટે કરવાની છે. દેવું ઘટવાથી વ્યાજનો બોજ ઓછો થશે, જેનાથી કંપનીની નફાકારકતા વધશે અને શેરના ભાવમાં 20 ટકાથી 25 ટકા વૃદ્ધિની શક્યતા ઊભી થશે.

લાંબો ગાળાના એટલે કે 2 થી 3 વર્ષના રોકાણકારો માટેની વાત કરીએ તો અત્યારે ગ્લોબલ અને ઇન્ડિયન પાવર સેક્ટરમાં ટ્રાન્સમિશન ઇન્ફ્રાસ્ટ્રક્ચર માટે મોટો કેપેક્સ થઈ રહ્યો છે. કંપનીનો પબ્લિક ઇશ્યૂ પછીનો પી.ઈ. રેશિયોો રેશિયો 15.62 ગણો થાય છે. આ પી.ઈ. રેશિયો કંપનીના પીઅર ગ્રૂપ (પોલીકેબ કે અપર ઈન્ડસ્ટ્રીઝ જેવી કેબલ કંપનીઓ) ની સરખામણીએ વાજબી વેલ્યુએશન દર્શાવે છે. રિટર્ન ઓન ઇક્વિટી 24.62 ટકા અને રિટર્ન ઓન કેપિટલ એમ્પ્લોઈડ 25.75 ટકા છે. જે મજબૂત હોવાથી લાંબા ગાળાના રોકાણકારો માટે આ એક સ્ટેબલ કમ્પાઉન્ડર સાબિત થઈ શકે છે.

આઈપીઓનું સમયપત્રક 

વિગત	તારીખ
આઈપીઓ ખુલવાની તારીખ	ગુરુવાર, 27 ઓગસ્ટ, 2026
આઈપીઓ બંધ થવાની તારીખ	સોમવાર, 31 ઓગસ્ટ, 2026
એલોટમેન્ટની સંભવિત તારીખ	મંગળવાર, 1 સપ્ટેમ્બર, 2026
રિફંડની શરૂઆત	બુધવાર, 2 સપ્ટેમ્બર, 2026
ડિમેટ ખાતામાં શેર્સ જમા	બુધવાર, 2 સપ્ટેમ્બર, 2026
લિસ્ટિંગની તારીખ (BSE, NSE)	ગુરુવાર, 3 સપ્ટેમ્બર, 2026

કંપનીના નાણાકીય પરફોર્મન્સનું ટેબલ

(રકમ ₹ કરોડમાં)

નાણાકીય વિગત	FY 2023-24 (31 માર્ચ 2024)	FY 2024-25 (31 માર્ચ 2025)	FY 2025-26 (31 માર્ચ 2026)	વર્ષાનુવર્ષ વૃદ્ધિ (YoY Growth %)
કુલ આવક	₹1,424.63	₹1,946.68	₹2,089.31	+7.32%
EBITDA	₹145.09	₹222.94	₹238.95	+7.18%
ચોખ્ખો નફો	₹86.61	₹124.59	₹160.00	+28.42%
કુલ મિલકતો	₹1,175.44	₹1,718.66	₹2,174.88	+26.55%
નેટ વર્થ	₹445.86	₹570.29	₹729.58	+27.93%
અનામત અને સરપ્લસ	₹413.86	₹446.66	₹606.16	+35.71%
કુલ દેવું	₹40.91	₹418.83	₹384.16	-8.28%

મુખ્ય નાણાકીય રેશિયો:

વેરા પછીનું ટેક્સ માર્જિન: 7.66 ટકા (FY26) છે. 2024-25ના વર્ષે તે 6.40 ટકા હતો.

EBITDA માર્જિન: 11.71% (FY26) vs 11.62% (FY25)

રીટર્ન ઓન ઇક્વિટી: 24.62 ટકા, રિટર્ન ઓન કેપિટલ એમ્પ્લોયડ: 25.75 ટકા

ડેટ ઓન ઇક્વિટી: 0.53 (FY26)

આઈપીઓમાં અરજી કરવા અને ન કરવાના કારણો

એક વ્યાજબી વેલ્યુએશન છે. પબ્લિક ઇશ્યૂ આવ્યા પછી કંપનીનો પી.ઈ. 15.62 ગણો રહેવાની ગણતરી છે. પબ્લિક ઇશ્યૂ પછીનો પ્રાઈસ ટુ બુક વેલ્યુ  2.74 ગણા ભાવથી શેર ઉપલબ્ધ છે. આ ભાવ કેબલ અને પાવર ઈપીસીના ક્ષેત્રની અન્ય કંપનીઓની સરખામણીમાં આકર્ષક છે. બીજુ, કંપનીનું દેવું ઘટી જવાનું છે. કારણ કે પબ્લિક ઇશ્યૂની આવકમાંથી રૂ. 337 કરોડનો ઉપયોગ ઋણ ચૂકવણી માટે થશે. તેથી કંપનીની બેલેન્સ શીટ વધુ મજબૂત બનશે. ત્રણ, કંપનીનો બિઝનેસ ડાયવર્સિફાઈડ છે. વિશ્વના અનેકે દેશોમાં તેના કામકાજ ચાલી રહ્યા છે. મેન્યુફેક્ચરિંગ અને EPC બંને ક્ષેત્રમાં હાજરી તથા 10થી વધુ દેશોમાં નિકાસથી બિઝનેસ રિસ્ક ઓછું થાય છે.

અરજી ન કરવાના કારણોમાં ઊંડા ઉતરીએ તો પબ્લિક ઇશ્યૂમાં ઓફર ફોર સેલ રૂ. 200 કરોડના છે. તેમાં કંપનીના પ્રમોટર્સ દેવેન્દ્ર ગોયલ અને જય ગોયલ પોતાના હિસ્સાના શેર્સનું વેચાણ કરીને પૈસા ઘરે લઈ જશે. આમ પબ્લિક ઇશ્યૂના કુલ રૂ. 700 કરોડમાંથી રૂ. 200 કરોડ કંપનીના વિકાસમાં વપરાશે નહીં. બીજું, કંપનીની આવકમાં ધીમી વૃદ્ધિ થઈ રહી છે. FY2024-25 થી FY 2025-26 દરમિયાન આવકમાં માત્ર 7.3 ટકાનો જ વધારો થયો છે, જે દર્શાવે છે કે ટોપલાઇન ગ્રોથ મધ્યમ ગતિએ થઈ રહ્યો છે.

જે રોકાણકારો ખૂબ મોટા લિસ્ટિંગ ગેઇન (50 ટકા પ્લસના નફાની અપેક્ષા રાખે છે તેમના માટે કદાચ આ સુવર્ણ તક ન પણ હોય, પરંતુ મધ્યમથી લાંબા ગાળાના દ્રષ્ટિકોણ સાથે પાવર ઇન્ફ્રાસ્ટ્રક્ચર ક્ષેત્રની મજબૂત અને વ્યાજબી ભાવની કંપનીમાં રોકાણ કરવા માંગતા રોકાણકારો આ આઈપીઓમાં અરજી કરી શકે છે. લ્યુમિનો ઇન્ડસ્ટ્રીઝ લિમિટેડના છેલ્લા ત્રણ નાણાકીય વર્ષો એટલે કે 2023-24, 2024-25 અને 2025-26ના નાણાકીય પરિણામો અને મુખ્ય પરફોર્મન્સ રેશિયોનું કોષ્ટક નીચે મુજબ છે.

લ્યુમિનો ઇન્ડસ્ટ્રીઝ લિમિટેડ – નાણાકીય કામગીરી

સંભાવના: મધ્યમ લિસ્ટિંગ લાભ (10 ટકાથી 15 ટકા મળવાની શક્યતા છે. કારણ કે વાજબી પ્રાઇસથી શેર ઓફર કરવામાં આવી રહ્યો છે. પબ્લિક ઇશ્યૂના લિસ્ટિંગ પછીનો પી.ઈ. રેશિયો 15.62x છે. પોલીકેબ અને અપર ઈન્ડસ્ટ્રીઝ જેવી કેબલ ક્ષેત્રની લિસ્ટેડ કંપનીઓના પી.ઈ. રેશિયો 30x થી 40x+ છે. તેમની સરખામણીમાં ઇશ્યૂ ખૂબ જ આકર્ષક અને વાજબી ભાવે લાવવામાં આવ્યો છે, જે રોકાણકારો માટે માર્જિન ઓફ સેફ્ટી પૂરી પાડે છે. બીજું, હાલ ગ્રે માર્કેટમાં રૂ. 10 થી રૂ. 15 સુધીનું પ્રીમિયમ ચાલી રહ્યું છે. આ સંકેત આપે છે કે માર્કેટમાં સારો ઉત્સાહ છે, જેના કારણે લિસ્ટિંગના દિવસે કટ-ઓફ પ્રાઇસ રૂ. 82) પર રૂ. 8 થી રૂ. 12 નો ચોખ્ખો નફો મળી શકે છે.

કંપનીના શેર્સનું ટૂંકા ગાળાના પરફોર્મન્સને એટલે કે 1થી 3 મહિનાના પરફોર્મન્સની વાત કરીએ તો સ્થિર અને પોઝિટિવ રહેવાની સંભાવના છે. આ ગાળાનો ટાર્ગેટ રૂ. 92થી રૂ. 100નો રહી શકે છે. મોતીલાલ ઓસ્વાલ જેવા અનુભવી લીડ મેનેજર્સ હોવાથી QIB અને HNI કેટેગરીમાં સારું સબ્સ્ક્રિપ્શન મળવાની ધારણા છે. તદુપરાંત સેક્ટર આધારિત ઉત્સાહ અને ઈન્ફ્રાસ્ટ્રક્ચર કેપેક્સના કારણે ટૂંકા ગાળે શેરનો ભાવ ઇશ્યૂ પ્રાઇસથી ઉપર જ ટ્રેડ થવાની સંભાવના છે.

મધ્યમ ગાળાનું પરફોર્મન્સ એટલે કે 6 થી 12 મહિનાનું પરફોર્મન્સ 

મધ્યમ ગાળામાં મજબૂત સુધારા સાથે 20 ટકાથી 25 ટકાની વૃદ્ધિ  સાથે ટાર્ગેટ ભાવ રૂ. 105થી રૂ. 115 થવાની સંભાવના છે. કારણ કે કંપનીના વ્યાજ ખર્ચમાં મોટો ઘટાડો થશે. કંપની IPO ના રૂ. 500 કરોડના નવા ફંડમાંથી રૂ. 337 કરોડનું દેવું ચૂકવવા માટે જ વપરાવાનું છે. કંપનીનું દેવું 80 ટકાથી વધુ ઘટવાના કારણે વ્યાજનો મોટો બોજ દૂર થશે, જે સીધો જ કંપનીના વેરા પછીના ચોખ્ખા નફામાં વધારો કરશે. 2025-26ના વર્ષમાં વેરા પછીના નફાના માર્જિન વધીને 7.66 ટકા થયું છે. ઋણમુકત થવાથી આગામી બે ક્વાર્ટર્સમાં શેરદીઠ કમાણી અને ચોખ્ખા પ્રોફિટ માર્જિનમાં ઝડપી સુધારો જોવા મળશે.

લાંબા ગાળાનું પરફોર્મન્સ

લાંબા ગાળામાં શેરનો ભાવ વધીને રૂ. 140ની સપાટીએ પહોંચે તેવી સંભાવના છે. કારણ કે કંપનીનો રીટર્ન ઓન ઇક્વિટી 24.62 ટકા અને રીટર્ન ઓન કેપિટલ એમ્પ્લોઈડ 25.75 ટકા જેવો અત્યંત મજબૂત છે. આ દર્શાવે છે કે મેનેજમેન્ટ રોકાણ કરેલી મૂડી પર ઉત્કૃષ્ટ વળતર મેળવે છે. કંપની માત્ર ભારતમાં જ નહીં પરંતુ અમેરિકા,  કેન્યા અને બાંગ્લાદેશ જેવા 10થી વધુ દેશોમાં પાવર કંડક્ટર્સ અને કેબલ્સની નિકાસ કરે છે. ગ્લોબલ ક્લીન એનર્જી અને ઈલેક્ટ્રિફિકેશન સાયકલનો મોટો લાભ કંપનીને મળતો રહેશે.