સુધારેલા CBG ભાવથી ગેસ ગ્રાહકો પર વધારાનો બોજ નહિ આવે
સુધારેલા CBG ભાવથી ગેસ ગ્રાહકો પર વધારાનો બોજ નહિ આવે
સરકાર દ્વારા ભંડોળ પૂરું પાડવામાં આવતી સહાય અને વ્યાપક સ્થાનિક ગેસ પૂલ કોમ્પ્રેસ્ડ બાયો ગેસના ઉત્પાદકોને ચૂકવવામાં આવતા ઊંચા ખરીદ ભાવની અસરથી ગ્રાહકોનું રક્ષણ કરશે.
અમદાવાદઃ પેટ્રોલિયમ અને કુદરતી ગેસ મંત્રાલયએ સ્પષ્ટતા કરી છે કે ગોબરધનની યોજના હેઠળ સુધારેલા કમ્પ્રેસ્ડ બાયોગેસના ભાવ ગેસ ગ્રાહકો પર કોઈ ભૌતિક અસર કર્યા વગર ઉત્પાદકોને ટેકો આપશે, કારણ કે સરકાર પરવડે તેવી સહાય માટે ભંડોળ આપશે અને ખર્ચ વ્યાપક જૂથ પર વહેંચવામાં આવશે. હાલની વ્યવસ્થા હેઠળ, કોમ્પ્રેસ્ડ બાયોગેસના ઉત્પાદકોને ચૂકવવામાં આવતી કિંમત કમ્પ્રેસ્ડ નેચરલ ગેસની છૂટક વેચાણ કિંમતના 85 ટકા સાથે જોડાયેલી છે. તાજેતરના સુધારાના આધારે, આ દર પ્રતિ મિલિયન બ્રિટિશ થર્મલ યુનિટ રૂ. 1,478 થાય છે.
ગોબરધન યોજના હેઠળ કોમ્પ્રેસ્ડ બાયોગેસનો ભાવ હવે રૂ. 2,110 પ્રતિ એમએમબીટીયુ નક્કી કરવામાં આવ્યો છે, જે રૂ. 1,478 પ્રતિ એમએમબીટીયુથી 43 ટકાનો વધારો દર્શાવે છે. જો કે આ કોમ્પ્રેસ્ડ બાયોગેસના ઉત્પાદકોને ચૂકવવામાં આવતો ખરીદી ભાવ છે અને કોમ્પ્રેસ્ડ નેચરલ ગેસ અથવા ઘરગથ્થુ વપરાશ માટેનો પાઈપ્ડ નેચરલ ગેસ હકો દ્વારા સીધો ચૂકવાતો ભાવ નથી. મંત્રાલયે જણાવ્યું હતું કે તે ગેસ ગ્રાહકો પાસેથી પૂરેપૂરી કિંમત રૂ. 2,110 પ્રતિ એમએમબીટીયુ વસૂલશે નહીં, અને સરકાર 95 ટકા મિથેન સામગ્રી ધરાવતા કોમ્પ્રેસ્ડ બાયોગેસ માટે રૂ. 10 પ્રતિ કિલોગ્રામ (જે રૂ. 215 પ્રતિ એમએમબીટીયુની સમકક્ષ છે) પરવડે તેવી સહાય આપશે.
મંત્રાલયે એક નિવેદનમાં જણાવ્યું હતું કે, “સરકાર આ સહાય માટે ભંડોળ પૂરું પાડશે અને તેને સંપૂર્ણપણે ગેસ ગ્રાહકો પાસેથી વસૂલવામાં આવશે નહીં. તેથી, અસરકારક કોમ્પ્રેસ્ડ બાયોગેસનો ખર્ચ વ્યાપક ગેસ ગ્રાહકો પાસેથી વસૂલવામાં આવશે અને તે રૂ. 2,110 – રૂ. 215 = લગભગ રૂ. 1,895 પ્રતિ એમએમબીટીયુ થશે.” રૂ. 1,478 પ્રતિ એમએમબીટીયુના વર્તમાન કોમ્પ્રસ્ડ બાયોગેસના ભાવની તુલનામાં અસરકારક વધારો લગભગ 28 ટકા છે. ઉપરાંત,કોમ્પ્રેસ્ડ બાયોગેસની ખરીદ કિંમતે સિટી ગેસ ડિસ્ટ્રિબ્યુશન સંસ્થાઓને વેચવામાં આવતું નથી; તેને અન્ય દેશી કુદરતી ગેસ સાથે પૂલ (એકત્રિત) કરવામાં આવે છે, અને તેનો ખર્ચ લાગુ પડતા સ્થાનિક ગેસ પૂલમાં વહેંચવામાં આવે છે.
“અગાઉ, કોમ્પ્રેસ્ડ બાયોગેસનો ખર્ચ માત્ર સીએનજી (ટ્રાન્સપોર્ટ) અને પીએનજી (ઘરગથ્થુ) વિભાગોને ફાળવવામાં આવેલ એડમિનિસ્ટર્ડ પ્રાઇસ મેકેનિઝમ-એપીએમ ગેસના મર્યાદિત જથ્થાપર વહેંચવામાં આવતો હતો. નવા માળખા હેઠળ કોમ્પ્રેસ્ડ બાયોગેસનો ચોખ્ખો ખર્ચ અગાઉના આધાર કરતાં 2.5 થી 3 ગણા મોટા સ્થાનિક ગેસ આધાર પર વહેંચવામાં આવશે,” એમ મિનિસ્ટ્રી ઓફ પેટ્રોલિયમ અને નેચરલ ગેસે જણાવ્યું હતું. વિશાળ ગેસ પૂલ પર કોમ્પ્રેસ્ડ બાયોગેસનો ખર્ચ વહેંચવાને કારણે વ્યક્તિગત ગેસ ગ્રાહક પર ભાવની અસર નહિવત રહેશે.
મંત્રાલયે જણાવ્યું હતું કે સુધારેલા પ્રાઇસિંગ ફ્રેમવર્કને બે ઉદ્દેશ્યોને સંતુલિત કરવા માટે કાળજીપૂર્વક ડિઝાઇન કરવામાં આવ્યું છે. પ્રથમ, કોમ્પ્રેસ્ડ બાયોગેસના ઉત્પાદકોને સ્થિર અને વ્યવહાર્ય ભાવ મળે જે પ્લાન્ટને ટકાઉ રીતે સંચાલિત કરવા સક્ષમ બનાવે છે. બીજું, સરકાર દ્વારા ભંડોળ પૂરું પાડવામાં આવતી પરવડે તેવી સહાય અને નોંધપાત્ર રીતે વ્યાપક ગેસ પૂલ ગ્રાહકોને કોઈપણ ભૌતિક ભાવ અસરોથી બચાવે છે.
