નિયમોના ભંગ બદલ CDSCO એ કોસ્મેટિક પ્રોડક્ટ્સ ઈમ્પોર્ટરનું રજિસ્ટ્રેશન રદ કર્યું
નિયમોના ભંગના આરોપસર CDSCO એ કોસ્મેટિક પ્રોડક્ટ્સ ઈમ્પોર્ટરનું રજિસ્ટ્રેશન રદ કર્યું
સેન્ટ્રલ ડ્રગ્સ સ્ટાન્ડર્ડ કન્ટ્રોલ ઓર્ગેનાઇઝેશન-CDSCOએ ઈ-કોમર્સ પ્લેટફોર્મ્સ દ્વારા અનરજિસ્ટર્ડ (અનધિકૃત) પ્રોડક્ટ્સના વેચાણ સહિત વિવિધ નિયમોના ભંગ બદલ દિલ્હીસ્થિત ‘સ્કિનટલ એન્ટરપ્રાઇઝિસ’નું કોસ્મેટિક પ્રોડક્ટ્સ આયાત કરવાનું રજિસ્ટ્રેશન સર્ટિફિકેટ રદ કરી દીધું છે. સીડીએસસીઓના કોસ્મેટિક્સ ડિવિઝને એક ઓર્ડરમાં જણાવ્યું છે કે વિવિધ ઈ-કોમર્સ પ્લેટફોર્મ અને પોતાના રિટેલ આઉટલેટ્સ દ્વારા કોસ્મેટિક પ્રોડક્ટ્સના વેચાણ અંગે મળેલી ફરિયાદના આધારે 30 માર્ચ, 2026 ના રોજ કંપનીના પરિસરમાં તપાસ હાથ ધરવામાં આવી હતી.
કંપની પાસે કોસ્મેટિક પ્રોડક્ટ્સ આયાત કરવા માટે ત્રણ રજિસ્ટ્રેશન હતા, જેમાં એક 24 ઓક્ટોબર 2029 સુધી, બીજું 16 ડિસેમ્બર 2030 સુધી અને ત્રીજું 17 નવેમ્બર 2025 સુધી માન્ય હતું. ‘ડ્રગ્સ એન્ડ કોસ્મેટિક્સ એક્ટ, 1940’ અને ‘કોસ્મેટિક્સ રૂલ્સ, 2020’ ની વિવિધ કલમો અને નિયમોના આધારે આ રજિસ્ટ્રેશન સર્ટિફિકેટ રદ કરતી વખતે સીડીએસસીઓએ જણાવ્યું હતું કે, કંપનીએ પ્રોડક્ટ લેબલ પર ખોટા રજિસ્ટ્રેશન નંબર દર્શાવ્યા હતા અને અનેક પ્રોડક્ટ્સ માન્ય રજિસ્ટ્રેશન વગર સ્ટોક કરવામાં આવી હોવાનું સામે આવ્યું હતું.
ડ્રગ રેગ્યુલેટરે વધુમાં જણાવ્યું હતું કે, “કંપનીએ લાયસન્સિંગ ઓથોરિટીની પૂર્વ મંજૂરી કે જાણ કર્યા વગર જ પોતાની ગોડાઉન/વેરહાઉસની જગ્યા બદલી નાખી હતી. આ ઉપરાંત, 9 એપ્રિલ, 2026 ના રોજ જોઈન્ટ ઈન્વેસ્ટિગેશન ટીમ દ્વારા રજૂ કરવામાં આવેલા તપાસ અહેવાલમાં અન્ય ઘણી ખામીઓ અને નિયમોનું ઉલ્લંઘન પણ સામે આવ્યું હતું.”
‘ડ્રગ્સ એન્ડ કોસ્મેટિક્સ એક્ટ, 1940’ અનુસાર, કોઈ પણ વ્યક્તિ ખોટું બ્રાન્ડિંગ કે બનાવટી કોસ્મેટિક્સની આયાત કરી શકતી નથી. ‘કોસ્મેટિક્સ રૂલ્સ, 2020’ ની જોગવાઈ મુજબ, જ્યાં સુધી પ્રોડક્ટ ‘સેન્ટ્રલ લાયસન્સિંગ ઓથોરિટી’ દ્વારા રજિસ્ટર્ડ ન થયેલ હોય ત્યાં સુધી કોઈ પણ કોસ્મેટિક દેશમાં આયાત કરી શકાતું નથી. નિયમોમાં એવું પણ સ્પષ્ટ કરવામાં આવ્યું છે કે જો રજિસ્ટ્રેશન મેળવ્યા પછી રજિસ્ટ્રેશન ધારક અથવા વિદેશી ઉત્પાદકના નામ કે સરનામામાં કોઈ ફેરફાર થાય, તો તેવા ફેરફારની તારીખથી 60 દિવસની અંદર કેન્દ્ર સરકારના ઓનલાઈન પોર્ટલ પર લાયસન્સિંગ ઓથોરિટી પાસેથી પૂર્વ મંજૂરી મેળવવા અરજી કરવાની રહે છે.
ઉપરાંત નિયમો મુજબ કોઈ પણ વ્યક્તિ કોસ્મેટિક્સના કન્ટેનર, લેબલ કે પેકિંગ પર ઉત્પાદક દ્વારા લખાયેલી કે છાપેલી વિગતો બદલી કે ભૂંસી શકશે નહીં. રજિસ્ટ્રેશન સર્ટિફિકેટની શરતો મુજબ, ઉત્પાદક કે આયાતકારે પ્રોડક્ટના લેબલિંગ, બંધારણ (કોમ્પોઝિશન) કે ટેસ્ટિંગમાં થયેલા કોઈપણ ફેરફાર અંગે 30 દિવસની અંદર લાયસન્સિંગ ઓથોરિટીને લેખિતમાં જાણ કરવી જરૂરી છે. સીડીએસસીઓએ 27 એપ્રિલ, 2026 ના રોજ શો-કોઝ નોટિસ (કારણ દર્શાવો નોટિસ) જારી કરી હતી, જેના જવાબમાં કંપનીએ 30 જૂન, 2026 ના રોજ નિયમોનું ઉલ્લંઘન થયું હોવાનો સ્વીકાર કર્યો હતો.
ઉલ્લેખનીય છે કે, દેશના બજારમાં અપ્રમાણિત (અનધિકૃત) કોસ્મેટિક્સની આયાત અને વેચાણ રોકવા માટે સીડીએસસીઓએ જુલાઈ મહિનામાં જ દેશભરની તમામ રાજ્ય લાયસન્સિંગ ઓથોરિટીઝ અને ઝોનલ ઓફિસોને આવી પ્રોડક્ટ્સ પર નજર વધારવા સૂચના આપી હતી.
ડ્રગ્સ કન્ટ્રોલર જનરલ ઓફ ઈન્ડિયાના ડૉ. રાજીવ સિંહ રઘુવંશીએ તે સમયે જણાવ્યું હતું કે, બજારમાં માન્ય રજિસ્ટ્રેશન વગર ઈમ્પોર્ટેડ કોસ્મેટિક્સ વેચાઈ રહ્યા હોવાનું સામે આવ્યું છે. તેથી તમામ સંબંધિત અધિકારીઓને આ અંગે કડક તકેદારી રાખવા જણાવાયું છે.
ઉપરાંત પોર્ટ ઓફિસરોને પણ ભારતમાં રજિસ્ટ્રેશન વગરના કોસ્મેટિક્સનો પ્રવેશ અટકાવવા માટે ચુસ્ત નજર રાખવા નિર્દેશ આપવામાં આવ્યો હતો. મે મહિનામાં સીડીએસસીઓએ લોકોને પણ અપીલ કરી હતી કે જો તેઓ આવી કોઈ ગેરરીતિ કે નિયમોનું ઉલ્લંઘન જુએ તો તેની જાણ તરત જ કેન્દ્રીય અથવા રાજ્યના રેગ્યુલેટરી ઓથોરિટીઝને કરવાની રહેશે.
Tags: bis standards cosmetic import cdsco cancel skintl enterprises cdsco cosmetic division news cdsco cosmetics registration cdsco order september 2026 cdsco public notice cosmetics cdsco show cause notice cdsco zonal surveillance central licensing authority cosmetics cosmetic import approval rules cosmetic import license cancellation cosmetic labeling violation rules cosmetics rules 2020 violations custom port cosmetics vigil delhi cosmetic importer ban dr rajeev singh raghuwanshi dcgi Drugs and Cosmetics Act 1940 e commerce cosmetics scam india fake cosmetic products ecommerce illegal cosmetics import india indian drug regulator updates misbranded cosmetics import skintl enterprises warehouse violation spurious cosmetics import india state licensing authority cosmetics unapproved cosmetics market india unregistered cosmetic products અનરજિસ્ટર્ડ કોસ્મેટિક્સ આયાત આયાતી કોસ્મેટિક્સ રજિસ્ટ્રેશન ઈ કોમર્સ ખોટા કોસ્મેટિક્સ ઓનલાઇન શ્રૃંગાર પ્રોડક્ટ્સ કૌભાંડ કોસ્મેટિક્સ ઈમ્પોર્ટ લાયસન્સ રદ કોસ્મેટિક્સ ઈમ્પોર્ટર સામે પગલાં કોસ્મેટિક્સ રૂલ્સ ૨૦૨૦ કોસ્મેટિક્સ લેબલિંગ નિયમ ભંગ કોસ્મેટિક્સ વેરહાઉસ નિયમ ભંગ ખોટા કોસ્મેટિક્સ પ્રોડક્ટ્સ વેચાણ ગુજરાત સમાચાર કોસ્મેટિક્સ ગ્રાહક જાગૃતિ કોસ્મેટિક્સ ડો રાજીવ સિંહ રઘુવંશી ડ્રગ્સ એન્ડ કોસ્મેટિક્સ એક્ટ દવાની દુકાન અને કોસ્મેટિક નિયમો દિલ્હી કોસ્મેટિક કંપની કાર્યવાહી પોર્ટ ચેકિંગ કોસ્મેટિક્સ બજારમાં નકલી કોસ્મેટિક્સ બનાવટી કોસ્મેટિક્સ વેચાણ રોક ભારત સરકાર કોસ્મેટિક્સ નિયમો શો કોઝ નોટિસ સીડીએસસીઓ સીડીએસસીઓ કોસ્મેટિક્સ ઓર્ડર સીડીએસસીઓ તપાસ અહેવાલ સીડીએસસીઓ તાજા સમાચાર સેન્ટ્રલ ડ્રગ્સ રેગ્યુલેટર નિર્ણય સેન્ટ્રલ લાયસન્સિંગ ઓથોરિટી સ્કિનટલ એન્ટરપ્રાઇઝિસ કૌભાંડ
