સોમવારથી શરૂ થતાં સપ્તાહમાં નિફ્ટી ૫૦ અને સેન્સેક્સમાં હજુ વધુ ઘટાડાની શક્યતા

ભારતીય શેરબજારમાં મંદીનો માહોલ: નિફ્ટી ૫૦ અને સેન્સેક્સમાં હજુ વધુ ઘટાડાની શક્યતાઃ એફપીઆઈની સતત વેચવાલીની બજાર પર પડી રહેલી અસરઃ ઉપલા સ્તરે મજબૂત અવરોધ હોવાથી માર્કેટમાં ઉછાળો ટૂંકા ગાળાનો રહેશે

મુંબઈ: ભારતીય શેરબજાર માટે આગામી સમય સંકેતો મુજબ પડકારજનક રહી શકે છે. નિફ્ટી ૫૦, સેન્સેક્સ અને નિફ્ટી બેંકમાં ગત અઠવાડિયે જોવા મળેલો સુધારો નબળો સાબિત થયો છે અને ચાર્ટ પર બજારનું વલણ હજુ પણ નબળું જણાાઈ રહ્યું છે. નિષ્ણાતોના મતે, ઉપલા સ્તરે મજબૂત અવરોધ હોવાથી માર્કેટમાં ઉછાળો ટૂંકા ગાળાનો રહેશે અને આગામી દિવસોમાં વધુ ઘટાડો જોવા મળી શકે છે. બજારમાં નબળાઈનું મુખ્ય કારણ વિદેશી પોર્ટફોલિયો રોકાણકારો  દ્વારા થઈ રહેલી સતત વેચવાલી છે. ફોરેન પોર્ટોલિયો ઇન્વેસ્ટર્સએ સતત ત્રીજા અઠવાડિયે ભારતીય ઇક્વિટી માર્કેટમાંથી નાણાં પાછા ખેંચ્યા છે અને ગત અઠવાડિયે જ આશરે $૮૧૭ મિલિયન (ડોલર)નું ચોખ્ખું વેચાણ કર્યું છે, જેના કારણે સપ્ટેમ્બર મહિનામાં અત્યાર સુધીમાં કુલ વેચવાલી $૨.૨ બિલિયન પર પહોંચી ગઈ છે.

નિફ્ટી ૫૦ (બંધ: ૨૩,૩૪૬.૪૦)

ટૂંકા ગાળાનું વલણ: નિફ્ટી માટે ૨૩,૫૦૦નું સ્તર તાત્કાલિક અવરોધરૂપ છે. જો ઇન્ડેક્સ આ સપાટી પાર કરવામાં નિષ્ફળ રહેશે, તો ૨૩,૧૦૦ થી ૨૩,૦૦૦ સુધી નીચે જઈ શકે છે. જો ૨૩,૦૦૦નું સ્તર તૂટશે તો ઘટાડો વધુ ઝડપી બની શકે છે. બીજી તરફ, જો ૨૩,૫૦૦ ની ઉપર જાય તો ૨૩,૯૦૦ થી ૨૪,૦૦૦ સુધીનો કામચલાઉ ઉછાળો શક્ય છે.

મધ્યમ ગાળાનું વલણ: નિફ્ટી તેની ૨૨,૦૦૦ થી ૨૬,૫૦૦ ની વિશાળ રેન્જના નીચલા સ્તર તરફ વધી શકે છે. ૨૩,૦૦૦ ના ભંગ પછી ઇન્ડેક્સ ૨૨,૬૦૦ થી ૨૨,૫૦૦ સુધી ઘટી શકે છે. જોકે, ૨૨,૦૦૦ ની સપાટી જળવાઈ રહે ત્યાં સુધી લાંબા ગાળાનું તેજીનું વલણ યથાવત રહેશે અને આગળ જતાં ૨૬,૫૦૦ નો ઉપલો ટાર્ગેટ જોવા મળી શકે છે.

નિફ્ટી બેંક (બંધ: ૫૬,૩૫૮.૭૦)

ટૂંકા ગાળાનું વલણ: ૫૬,૬૦૦ તાત્કાલિક અવરોધ છે. આ સ્તર પાર થતાં ૫૭,૫૦૦ અથવા ૫૭,૮૦૦ સુધી રાહત ઉછાળો મળી શકે છે. પરંતુ અવરોધ સ્તરેથી રિવર્સલ આવતાં ઇન્ડેક્સ ૫૫,૬૦૦ ના મહત્વના સપોર્ટ તરફ પાછો ફરી શકે છે. ૫૫,૬૦૦ તૂટતાં ઇન્ડેક્સ ૫૫,૦૦૦ ના સ્તરે જઈ શકે છે.

મધ્યમ ગાળાનું વલણ: ૫૫,૬૦૦ નીચે જવાથી ઘટાડો ૫૪,૦૦૦ થી ૫૩,૭૦૦ અને ત્યારબાદ ૫૧,૦૦૦ થી ૫૦,૦૦૦ સુધી લંબાઈ શકે છે. પરંતુ ૫૦,૦૦૦ થી ૫૧,૦૦૦ અત્યંત મજબૂત સપોર્ટ ઝોન હોવાથી લાંબા ગાળે નિફ્ટી બેંકમાં ૬૫,૦૦૦ અને ૬૮,૦૦૦ સુધીના લક્ષ્યાંકો શક્ય છે.

સેન્સેક્સ (બંધ: ૭૪,૨૯૪.૯૬)

• ટૂંકા ગાળાનું વલણ: સેન્સેક્સ માટે ૭૪,૮૦૦ અને ૭૫,૫૦૦ મુખ્ય અવરોધક સપાટીઓ છે. નીચે તરફ ૭૩,૪૦૦ સુધી ઘટાડો ખુલ્લો છે અને તે તૂટતાં ૭૧,૫૦૦ નું સ્તર આવી શકે છે.

• મધ્યમ ગાળાનું વલણ: સેન્સેક્સ ૭૧,૦૦૦ થી ૮૬,૦૦૦ ની રેન્જમાં ટ્રેડ કરી રહ્યો છે. ૭૧,૫૦૦ થી ૭૧,૦૦૦ ના ઝોનમાંથી બજાર પુનઃ બાઉન્સ બેક થઈને આવનારા મહિનાઓમાં ૭૫,૦૦૦ અને ૮૦,૦૦૦ ને સ્પર્શી શકે છે. જ્યાં સુધી ૭૧,૦૦૦ ન તૂટે ત્યાં સુધી લાંબા ગાળે ૯૦,૦૦૦ સુધીની તેજી અકબંધ રહેશે.

મિડકેપ અને સ્મોલકેપ ઈન્ડેક્સ

• નિફ્ટી મિડકેપ ૧૫૦ (બંધ: ૨૨,૯૦૧.૮૫): ૨૨,૧૦૧ ના તળિયેથી મજબૂત રિકવરી જોવા મળી છે. જો આ સુધારો જળવાઈ રહેશે તો ૨૩,૨૦૦ થી ૨૩,૩૦૦ અને ત્યારબાદ ૨૩,૮૦૦-૨૪,૦૦૦ સુધી પહોંચી શકે છે.

• નિફ્ટી સ્મોલકેપ ૨૫૦ (બંધ: ૧૮,૨૮૭.૪૦): ૧૭,૫૨૪ ની નીચલી સપાટીએથી તીવ્ર ઉછાળો આવ્યો છે, જે દર્શાવે છે કે નીચલા સ્તરે ખરીદદારો સક્રિય છે. ૧૮,૦૦૦ ની ઉપર જળવાઈ રહેતાં ૧૮,૬૦૦ થી ૧૮,૭૦૦ સુધીનો સુધારો શક્ય છે.