કે.પી.આર. મિલમાં લેણ કરી શકાય

આજે શેરબજારમાં ટ્રેડર્સ અને ઇન્વેસ્ટર્સ કે.પી.આર. મિલના શેર્સમાં લેણ કરી શકે છે. તેનો વર્તમાન બજાર ભાવ રૂ. 1141.30 છે. આ શેરમાં ગત એપ્રિલ મહિનાથી સુધારાની ચાલ જોવા મળી રહી છે. જોકે શેરના ભાવમાં એપ્રિલથી અત્યાર સુધીમાં ખાસ્સી અફરા તફરી જોવા મળી રહી છે. અલબત્ત આ ગાળામાં કે.પી.આર. મિલનો શેર તેના માટે સંગીન પાયો બનાવી રહ્યો હોવાનું જણાય છે. તેની મુવમેન્ટ સાઈડ વેમાં હોવાનું જોવા મળ્યું છે.

શેરબજારના નિષ્ણાતો કહે છે કે રૂ. 1141ની ભાવ સપાટીએ શેરમાં લેણ કરી શકાય છે. સ્ટોપલૉસ રૂ. 1000નો રાખી શકાય છે. શેરના ભાવમાં ઘટાડો જોવા મળે તો રૂ. 1100ની સપાટીએ વધુ લેણ કરીને શેરનો સરેરાશ ખરીદ ભાવ નીચે લાવી શકાય છે.

શેરમાં સાઈડ વે મુવમેન્ટ હોવા છતાંય તેજીનો વક્કર મજબૂત હોવાનું જણાય છે. હજીય શેરના ભાવમાં ઊછાળો આવવાની મજબૂત સંભાવના જોવા મળી રહી છે. શેરનો ભાવ વધીને રૂ. 1250 થાય ત્યારે સ્ટોપલૉસ વધારીને રૂ. 1190 કરી દેવાની નિષ્ણાતો સલાહ આપી રહ્યા છે. ભાવ રૂ. 1340 પર પહોંચે ત્યારે સ્ટોપલૉસને ફરીથી ઊંચે લઈ જઈને રૂ. 1300નો કરી દેવાની ભલામણ છે. ટાર્ગેટ પ્રાઈસ રૂ. 1400નો છે. ટ્રેડર્સ અને ઇન્વેસ્ટર્સ શેરનો ભાવ રૂ. 1400ની નજીકની સપાટીએ પહોંચ ત્યારે વેચીની નીકળી જાય તેમાં જ તેમનું હિત સમાયેલું છે.