નવરાત્રિમાં ‘રેન્ટ એ ગરબા પાર્ટનર’નો નવો ટ્રેન્ડ કે સાયબર ટ્રેપ?

3 October, 2026 - 5:48 PM

1 minute read

નવરાત્રિમાં ‘રેન્ટ એ ગરબા પાર્ટનર’નો નવો ટ્રેન્ડ કે સાયબર ટ્રેપ?

ગુજરાતમાં વડોદરાની યુવતી છેતરાયાનો કેસ બન્યોઃ ગરબા પાર્ટનરને નામે સાયબર ક્રિમિલન ડોટ એપીકીને ફાઈલ મોકલે તો લિન્ક ઓપન ન કરતા

અમદાવાદઃ નવરાત્રિનો ઉત્સાહ અને ખેલૈયાઓનો થનગનાટ ચરમસીમાએ છે ત્યારે સાયબર ક્રિમિનલ્સે યુવાનોની આ આતુરતાનો ગેરફાયદો ઉઠાવવાનું શરૂ કર્યું છે. સોશિયલ મીડિયા પર હાલમાં ‘રેન્ટ એ ગરબા પાર્ટનર’ની આકર્ષક ઓફરોનો પૂર આવ્યો છે. તાજેતરમાં વડોદરાની એક યુવતી ગરબા માટે યોગ્ય પાર્ટનર શોધવાની લાલચમાં આવા જ એક ઠગનો ભોગ બની છે. સોશિયલ મીડિયા પર આકર્ષક પ્રોફાઇલ બનાવી ગરબા માટે મેચિંગ ડ્રેસ અને એન્ટ્રી પાસ સાથે પાર્ટનર પૂરો પાડવાની જાહેરાત જોઈને યુવતીએ સંપર્ક કર્યો હતો. પ્રોફાઇલ કન્ફર્મ કરવાના નામે સાયબર ફ્રોડ કરનારે રજિસ્ટ્રેશન ફી અને એડવાન્સ પેમેન્ટ માટે એક ક્યૂઆર કોડ (QR Code) મોકલ્યો હતો. યુવતીએ ક્યૂઆર કોડ સ્કેન કરી યુપીઆઈ પિન નાખતા જ તેના ખાતામાંથી હજારો રૂપિયા ઉપડી ગયા હતા. પેમેન્ટ થયા બાદ સામે વાળા વ્યક્તિએ નંબર બ્લોક કરી દીધો હતો અને આખી પ્રોફાઇલ ફેક નીકળી હતી.

સાયબર ઠગોની મોડસ ઓપરેન્ડી

સાયબર ક્રિમિનલ્સ તહેવારો દરમિયાન લોકોના ઉત્સાહ અને ઉતાવળનો પૂરેપૂરો લાભ ઉઠાવે છે.

ફેક સોશિયલ મીડિયા પ્રોફાઇલ: ઇન્સ્ટાગ્રામ, ફેસબુક અને ટેલિગ્રામ પર ‘રેન્ટ એ ગરબા પાર્ટનર’, ‘ચોલી મેચિંગ ગરબા ગાઇડ’ કે ‘લક્ઝુરિયસ હોલિડે પેકેજ’ ના નામે આકર્ષક અને વ્યાવસાયિક દેખાતા પેજ બનાવવામાં આવે છે.

તાકીદ અને લિમિટેડ ઓફરનું નાટક: “માત્ર ૨ સીટ બાકી છે” અથવા “૧૦ મિનિટમાં ડિસ્કાઉન્ટ પૂરું થઈ જશે” જેવી વાતો કહીને સામે વાળા વ્યક્તિને વિચારવાનો કે ચકાસણી કરવાનો સમય જ આપવામાં આવતો નથી.

એડવાન્સ પેમેન્ટ અને QR કોડની જાળ: બુકિંગ કે પ્રોફાઇલ કન્ફર્મેશન માટે રૂ. ૫૦૦ થી રૂ. ૨,૦૦૦ સુધીની રકમ એડવાન્સ માંગવામાં આવે છે. પૈસા ‘રિસીવ’ કરવા કે બુકિંગ કન્ફર્મ કરવાના નામે ક્યૂઆર કોડ મોકલવામાં આવે છે.

અનનauthorized એપ્લિકેશન (.apk): ઘણીવાર કન્ફર્મેશન ફોર્મ ભરવાના નામે કોઈ અજાણી લિંક અથવા .apk ફાઇલ ડાઉનલોડ કરાવવામાં આવે છે, જે યુઝરના ફોનનો એક્સેસ મેળવીને બેંકિંગ ડેટા ચોરી લે છે.

ફેક કસ્ટમર કેર અને હોટેલ પેકેજ: નવરાત્રિ કે દિવાળી વેકેશન માટે ખૂબ જ સસ્તા દરે હોટેલ બુકિંગ કે ટૂર પેકેજ બતાવીને સીધા વ્યક્તિગત યુપીઆઈ આઈડી પર પૈસા ટ્રાન્સફર કરાવી લેવાય છે.

ગરબા રસિકો અને યુવતીઓ માટે ખાસ સાવધાની

– QR કોડ હંમેશા પૈસા ચૂકવવા માટે હોય છે, રિસીવ કરવા માટે નહીં. કોઈ પણ વ્યક્તિ તમને પૈસા મોકલવા માટે ક્યૂઆર કોડ સ્કેન કરવા કે UPI PIN નાખવા કહે, તો તરત જ સાવધાન થઈ જાવ. અજાણી પ્રોફાઇલ પર વિશ્વાસ ન કરો.

સોશિયલ મીડિયા પર ફોલોઅર્સ કે સુંદર ફોટા જોઈને કોઈ પણ વ્યક્તિને સાચા ન માની લેવા. તેમની ઓળખ ચકાસ્યા વગર અંગત વિગતો ન આપો.
ડોટ.એપીકે ફાઇલ કે અજાણી લિંક ઓપન ન કરો. વોટ્સએપ કે મેસેજમાં આવેલી કોઈ પણ શંકાસ્પદ લિંક પર ક્લિક ન કરો કે કોઈ અજાણી એપ્લિકેશન ડાઉનલોડ ન કરો.
વ્યક્તિગત ખાતામાં ટ્રાન્સફર ન કરો.કોઈપણ ઇવેન્ટ પાસ કે હોટેલ બુકિંગ માટે હંમેશા અધિકૃત વેબસાઇટ કે પ્લેટફોર્મનો જ ઉપયોગ કરો. સીધા UPI ID પર પૈસા ન મોકલો.
ઇમરજન્સીમાં તરત કૉલ કરો. જો તમારી સાથે કોઈ પણ પ્રકારની નાણાકીય છેતરપિંડી થાય, તો વિલંબ કર્યા વગર સાયબર હેલ્પલાઇન નંબર ૧૯૩૦ (1930) પર અથવા cybercrime.gov.in પર તાત્કાલિક ફરિયાદ નોંધાવો.

Share on Social Media

નવરાત્રિમાં ‘રેન્ટ એ ગરબા પાર્ટનર’નો નવો ટ્રેન્ડ કે સાયબર ટ્રેપ?

Most Popular