ડોક્ટરોને વિદેશ પ્રવાસ અને મોંઘી ભેટો આપી મોંઘી દવાઓ લખાવતી ફાર્મા કંપનીઓ પર સુપ્રીમ કોર્ટની લાલ આંખ
ડોક્ટરોને વિદેશ પ્રવાસ અને મોંઘી ભેટો આપી મોંઘી દવાઓ લખાવતી ફાર્મા કંપનીઓ પર સુપ્રીમ કોર્ટની લાલ આંખ
દવા કંપનીઓ અને ડૉક્ટર્સની મિલીભગતમાં ચાલતા કૌભાંડમાં તપાસ કરવા બે જ અઠવાડિયામાં એક્સપર્ટ કમિટીની રચના કરી દેવા સુપ્રીમ કોર્ટનો સરકારને આદેશ
અમદાવાદ: દર્દીઓના આરોગ્ય સાથે રમત રમતી અને પોતાના નફા માટે ડોક્ટરોને લાંચ, વિદેશ પ્રવાસો તેમજ મોંઘી ભેટ-સોગાદો (ફ્રીબીઝ) ધરીને ગેરકાયદેસર અને આક્રમક માર્કેટિંગ કરતી ફાર્માસ્યુટિકલ કંપનીઓની દાદાગીરી સામે સર્વોચ્ચ અદાલતે સખત વલણ અપનાવ્યું છે. સુપ્રીમ કોર્ટે કેન્દ્ર સરકારને બે અઠવાડિયાની અંદર એક ઉચ્ચસ્તરીય ‘એક્સપર્ટ કમિટી’ ગઠિત કરવાનો આદેશ આપ્યો છે, જે ફાર્મા ક્ષેત્રની આ અનાચાર અને અનૈતિક માર્કેટિંગ પ્રથાઓ પર લગામ લગાવવા માટે સખત કાયદાકીય માળખું ઘડી કાઢશે. જસ્ટિસ વિક્રમ નાથ અને જસ્ટિસ સંદીપ મહેતાની ખંડપીઠે સ્પષ્ટ શબ્દોમાં સંભળાવી દીધું છે કે માત્ર નામના નિયમો બનાવી દેવાથી ચાલે નહીં, પરંતુ દર્દીઓના સ્વાસ્થ્યના ભોગે ચાલતા આ ગોરખધંધા પર વાસ્તવિક અને કડક અમલીકરણ થવું જરૂરી છે.
દર્દીઓના જીવ સાથે ખિલવાડ: મરજિયાત નિયમો રદ કરી કડક કાયદો લાવવા તૈયારી
ફ્રેડરેશન ઓફ મેડિકલ એન્ડ સેલ્સ રિપ્રેઝન્ટેટિવ્સ એસોસિએશન ઓફ ઇન્ડિયા (FMRAI) દ્વારા દાખલ કરાયેલી અરજી પર સુપ્રીમ કોર્ટે આ કડક આદેશ આપ્યો છે. અરજીમાં ચોંકાવનારો ખુલાસો કરાયો હતો કે ફાર્મા કંપનીઓ પોતાના કમિશન અને માર્કેટિંગના જોરે ડોક્ટરો પાસે બિનજરૂરી અને અત્યંત મોંઘી દવાઓ પ્રિસ્ક્રાઇબ કરાવે છે. આ અનાચારના કારણે દર્દીઓ પર માત્ર આર્થિક બોજ જ નથી પડતો, પરંતુ ખોટી દવાઓ અને એન્ટીબાયોટીક્સના ઓવરડોઝથી દર્દીઓમાં ‘એન્ટીમાઇક્રોબાયલ રેઝિસ્ટન્સ’ અને દવાની ગંભીર આડઅસરો જેવી જીવલેણ અસરો ઊભી થાય છે.
હાલમાં ફાર્મા કંપનીઓ માટે ‘યુનિફોર્મ કોડ ફોર ફાર્માસ્યુટિકલ માર્કેટિંગ પ્રેક્ટિસીસ’ જેવા માત્ર સ્વેચ્છિક (મરજિયાત) માર્ગદર્શિકાઓ છે, જેનો કંપનીઓ બેફામ ઉલ્લંઘન કરી રહી છે. સુપ્રીમ કોર્ટે ટકોર કરી છે કે હવે આ મરજિયાત નિયમોને બદલે કાનૂની અને વૈધાનિક કાયદો બનાવવાની જરૂરિયાત પર ગંભીરતાથી વિચારવાનો સમય આવી ગયો છે.
ફાર્મા કંપનીઓની મનમાની પર લગામ: નવી કમિટીની ભલામણો બાદ કંપનીઓ દ્વારા ડોક્ટરોને અપાતી ગિફ્ટ, સ્પોન્સરશિપ અને કમિશન પર પૂર્ણ વિરામ મૂકાશે.
દવાઓ સસ્તી અને નૈતિક બનશે: અનૈતિક માર્કેટિંગ પાછળ થતો કરોડો રૂપિયાનો ખર્ચ બંધ થતાં સામાન્ય નાગરિકોને વાજબી ભાવે યોગ્ય દવાઓ મળી શકશે.
સુપ્રીમ કોર્ટનો મોનિટરિંગ આદેશ: નિષ્ણાત સમિતિએ પોતાની પ્રથમ બેઠકના બે મહિનામાં અહેવાલ આપવાનો રહેશે. ત્યારબાદ કેન્દ્ર સરકારે આ ભલામણો પર નિર્ણય લઈને કમ્પ્લાયન્સ એફિડેવિટ ફાઇલ કરવું પડશે. સુપ્રીમ કોર્ટે આ મામલે આગામી આકરા પગલાં માટે 29 જાન્યુઆરી, 2027 ની તારીખ નક્કી કરી છે.
Tags: Adverse drug reaction pharma Affordable healthcare access India Antimicrobial resistance drug abuse Doctors freebies pharma ban FMRAI Supreme Court petition Healthcare transparency laws Indian pharma industry news Indian pharma market regulations Indian Supreme Court business rulings Justice Sandeep Mehta pharma ruling Justice Vikram Nath order Mandatory drug marketing rules Mandatory UCPMP regulations Medical practitioners freebies ban Medical representatives association India Ministry of Health pharma panel Pharma commission to doctors Pharma companies legal compliance Pharma drug prescribing rules Pharma marketing statutory framework Pharma regulatory reforms India Pharma sponsored foreign trips ban Public health vs pharma profits SC expert committee pharma SC verdict on pharma marketing Solicitor General Tushar Mehta GST Strict pharma marketing code Supreme Court healthcare directives Supreme Court January 2027 hearing Supreme Court legal news Gujarat Supreme Court pharma order Unethical pharma marketing practices VK Paul committee pharma UCPMP અનૈતિક દવા માર્કેટિંગ અમદાવાદ ફાર્મા ન્યુઝ એન્ટીમાઇક્રોબાયલ રેઝિસ્ટન્સ એફએમઆરએઆઈ અરજી સુપ્રીમ કોર્ટ કેન્દ્ર સરકાર ફાર્મા નીતિ કેન્સર અને ફાર્મા અનૈતિક માર્કેટિંગ ગુજરાતી ફાર્મા સમાચાર જસ્ટિસ વિક્રમ નાથ ચુકાદો જસ્ટિસ સંદીપ મહેતા આદેશ ડોક્ટર કમિશન જીએસટી ફાર્મા ડોક્ટર ગિફ્ટ ફાર્મા બેન તુષાર મહેતા સોલિસિટર જનરલ દર્દી સુરક્ષા અને સસ્તી દવા દવા ના ભાવ અને માર્કેટિંગ દવાની કિંમતો પર અંકુશ નીતિ આયોગ વીકે પોલ કમિટી ફાર્મા કંપનીઓ પર સુપ્રીમ કોર્ટ ફાર્મા કંપનીઓ સામે કાર્યવાહી ફાર્મા કમ્પ્લાયન્સ 2026 ફાર્મા ક્ષેત્ર કાયદાકીય અંકુશ ફાર્મા ફ્રીબીઝ બેન ફાર્મા માર્કેટિંગ કાયદા સુધારા ફાર્મા રેગ્યુલેટરી ફ્રેમવર્ક ફાર્માસ્યુટિકલ ગેરરીતિઓ ભારતમાં આરોગ્ય કાયદા મેડિકલ રિપ્રેઝન્ટેટિવ અરજી યુસીપીએમપી કાયદો ઇન્ડિયા સસ્તી દવાઓ અને આરોગ્ય સુપ્રીમ કોર્ટ એક્સપર્ટ કમિટી સુપ્રીમ કોર્ટ ફાર્મા ચુકાદો સુપ્રીમ કોર્ટ બિઝનેસ ન્યુઝ સુપ્રીમ કોર્ટ સુનાવણી 2027 હેલ્થ મિનિસ્ટ્રી ફાર્મા નિર્ણય
