ધનતેરસના દિવસે સોનામાં કેવી રીતે ખરીદી કરવી જોઈએ, આગામી દિવસોમાં સંભાવના કેવી છે?

ધનતેરસના તહેવાર પર સોનાની ખરીદી કરવી એ ભારતીય પરંપરાનો એક મહત્વપૂર્ણ ભાગ છે. પરંતુ આ વર્ષે જાન્યુઆરી 2026 ના ઉચ્ચ સ્તરથી સોનાના ભાવમાં 17.8% નું મોટું કરેક્શન (ઘટાડો) જોવા મળ્યું છે. તેથી જ નિષ્ણાતોના જણાવ્યા મુજબ ધનતેરસ 2026માં સોનામાં રોકાણ કરતી વખતે રોકાણકારોએ સાવચેતી રાખવી, વાસ્તવિક રિટર્નની અપેક્ષા રાખવી અને ટૂંકા ગાળાની ક્ષણિક વધઘટ માટે તૈયાર રહેવું જોઈએ.

ધનતેરસ 2026 માં સોનાની ખરીદી: નિષ્ણાતોની સલાહ અને રોકાણની વ્યૂહરચના

• 2025 માં વિસ્ફોટક રિટર્ન: વર્ષ 2025 માં સોનાએ 74.9 ટકાનો જંગી ઉછાળો નોંધાવ્યો હતો.
• 2026 માં કરેક્શન: 29 જાન્યુઆરી 2026 ના રોજ રૂ.1,74,638 (પ્રતિ 10 ગ્રામ) ના સર્વોચ્ચ સ્તરથી ઘટીને 5 નવેમ્બર 2026 (ગુરુવાર) ના રોજ સોનું રૂ.1,43,552 પ્રતિ 10 ગ્રામ પર બંધ થયું હતું.
• વર્ષ 2026 નું રિટર્ન: વર્ષ 2026 માં અત્યાર સુધી સોનાએ માત્ર 8.2 ટકાનું શાંત રિટર્ન આપ્યું છે.

સોનાના ભાવ ઘટેવા પાછળના મુખ્ય કારણો 

1. પ્રોફિટ બુકિંગ: ગયા વર્ષની મોટી તેજી બાદ રોકાણકારોએ પ્રોફિટ બુક કર્યું અને સ્પેક્યુલેટિવ પોઝિશન્સ ખાલી કરી.
2. ક્રૂડ ઓઇલ અને ફુગાવો: અમેરિકા-ઇઝરાયેલ અને ઇરાન સંઘર્ષને કારણે ક્રૂડ ઓઇલના ભાવ $60 થી વધીને $110 પ્રતિ બેરલ પહોંચ્યા, જેનાથી મોંઘવારી  વધવાની ચિંતા ઊભી થઈ.
3. અમેરિકાના બોન્ડ યીલ્ડ અને ડોલર મજબૂત: ઊંચા વ્યાજદરોની ચિંતામાં યુએસ બોન્ડ યીલ્ડ વધ્યા, જેના કારણે “Non-yielding Asset” તરીકે સોનાનું આકર્ષણ ઘટી ગયું અને યુએસ ડોલર મજબૂત થયો.
4. સેન્ટ્રલ બેન્કોની ખરીદીમાં ઘટાડો: સેન્ટ્રલ બેન્કો દ્વારા ખરીદીનો દર ધીમો પડવો અને ETF માંથી ફંડ આઉટફ્લો થવો.

લાંબાગાળા માટે સોનાને મજબૂતી આપતા પરિબળો

• સેન્ટ્રલ બેન્કોની સતત ખરીદી: વૈશ્વિક સેન્ટ્રલ બેન્કો દર વર્ષે ~1,000 ટન સોનાની ખરીદી કરી રહી છે, જે બજારને સપોર્ટ પૂરો પાડે છે.
• ડી-ડોલરાઇઝેશન અને દેવાની ચિંતા: દેશો તેમના ફોરેક્સ રિઝર્વને ડોલરથી દૂર સોના તરફ શિફ્ટ કરી રહ્યા છે.
• રૂપિયાનું ધોવાણ: ડોલર સામે ભારતીય રૂપિયો વાર્ષિક 3-4 ટકા ઘટે છે, જે ભારતીય રોકાણકારો માટે સોનાના સ્થાનિક ભાવમાં વધારો કરે છે.
• વ્યાજદરમાં સંભવિત કાપ (2027): જો 2027 માં યુએસ ફેડ વ્યાજદરમાં ઘટાડો કરશે તો બોન્ડ યીલ્ડ ઘટે અને સોનામાં ફરી તેજી આવી શકે છે.

પોર્ટફોલિયોમાં સોનાનું મહત્વ અને મર્યાદાઓ

રોકાણકારો માટે ગાઇડલાઇન અને વ્યૂહરચના

• વાસ્તવિક રિટર્નની અપેક્ષા: સોના પાસે દર વર્ષે 70%+ રિટર્નની અપેક્ષા ન રાખવી. લાંબા ગાળે હાઇ સિંગલ ડિજિટ અથવા લો ડબલ ડિજિટ (8% થી 12%) રિટર્નની અપેક્ષા રાખવી યોગ્ય છે.
• એસેટ એલોકેશન રેગ્યુલેટ કરો: કુલ પોર્ટફોલિયોના 5થી 10 ટકા ભાગ જ સોનામાં રોકવો. આનાથી વધુ રોકાણ પોર્ટફોલિયોનું જોખમ વધારી શકે છે.
• રીબેલેન્સિંગ કરો: જો તાજેતરના ઘટાડાને કારણે સોનાનું પ્રમાણ ઘટી ગયું હોય, તો જૂના ટાર્ગેટ સુધી પહોંચવા માટે આ સમયનો ઉપયોગ કરવો.
• તબક્કાવાર રોકાણ (SIP Strategy): એકસાથે લમ્પસમ્પ-સામટું મોટું રોકાણ કરવાને બદલે Gold ETF કે Gold Mutual Fund માં માસિક SIP દ્વારા રોકાણ કરો.
• દાગીનાથી દૂર રહો: રોકાણના હેતુ માટે જ્વેલરી ન ખરીદવી કારણ કે તેમાં મેકિંગ ચાર્જ અને રિસેલ ડિડક્શનને કારણે રિટર્ન ઘટે છે.