BSE હવે Sensex Next 30 પર માસિક ફ્યુચર્સ અને ઓપ્શન્સ શરૂ કરશે
Sensex Next 30 ઈન્ડેક્સ લાર્જ-કૅપ કંપનીઓને અનુસરે છે, જે ભવિષ્યમાં મુખ્ય ફ્લેગશિપ ઈન્ડેક્સમાં સામેલ થવા તૈયાર છે. તેથી ભવિષ્યના માર્કેટ લીડરમાં રોકાણ કરવાની એક થીમેટિક તક ઊભી થાય છે.
મુંબઈ: મૂડીબજાર નિયામક Securities and Exchange Board of India (SEBI) એ Bombay Stock Exchange (BSE) ને “BSE Sensex Next 30 Index” પર ડેરિવેટિવ કરાર શરૂ કરવાની મંજૂરી આપી છે. આ ઈન્ડેક્સ BSE 100માં સમાવિષ્ટ એવી સૌથી મોટી અને સૌથી વધુ લિક્વિડ કંપનીઓને ટ્રેક કરે છે, જે ડેરિવેટિવ સેગમેન્ટમાં છે પરંતુ BSE Sensex (30) નો ભાગ નથી.
Sensex Next 30 ઈન્ડેક્સ લાર્જ-કૅપ કંપનીઓને અનુસરે છે, જે ભવિષ્યમાં મુખ્ય ફ્લેગશિપ ઈન્ડેક્સમાં સામેલ થવા તૈયાર છે. તેથી ભવિષ્યના માર્કેટ લીડરમાં રોકાણ કરવાની એક થીમેટિક તક ઊભી થાય છે. એક્સચેન્જ દ્વારા રોકડ સેટલમેન્ટવાળા માસિક ઈન્ડેક્સ ફ્યુચર્સ અને માસિક ઈન્ડેક્સ ઓપ્શન્સ ઓફર કરવામાં આવશે. દરેક એક્સપાયરી પીરિયડના છેલ્લા ગુરુવારે તેની મુદત પૂરી થશે.
Axis Securitiesના રિસર્ચ હેડ રાજેશ પાલવિયાનું કહેવું છે કે Sensex Next 30 ઈન્ડેક્સ પર ડેરિવેટિવ્સ શરૂ કરવાની મંજૂરી ઇક્વિટી બજાર માટે માળખાગત રીતે સકારાત્મક વિકાસ છે. નિયમન કડક બનતા અને માર્જિનની જરૂરિયાતો વધતા અતિશય સટ્ટાબાજી પર રોક લાગેલી છે, તેથી શરૂઆતમાં ટ્રેડિંગ વોલ્યુમમાં તરત જ મોટો ઉછાળો આવે તેવી શક્યતા ઓછી છે.
પરંતુ સમય જતા આ અલગ પ્રકારનું પ્રોડક્ટ બૅન્ચમાર્ક Sensexની બહાર ડાઇવર્સિફાઇડ એક્સપોઝર શોધતા સંસ્થાગત અને જાણકાર રોકાણકારોને આકર્ષી શકે છે. કડક નિયમો હોવા છતાં પ્રોડક્ટ ઇનોવેશન ગંભીર ટ્રેડર્સ અને હેજર્સ માટે આકર્ષક રહેશે. શરૂઆતમાં રિટેલ ભાગીદારી સાવધ રહે શકે, પરંતુ પ્રોપ્રાયટરી ડેસ્ક, હેજ ફંડ અને પોર્ટફોલિયો મેનેજરો માટે રિલેટિવ-વેલ્યુ અને આર્બિટ્રેજ તકો ઊભી થઈ શકે છે.
નિયમન સટ્ટાબાજી પર નિયંત્રણ મૂકે છે, પરંતુ વિશ્વસનીય અને ઊંડાણ ધરાવતા ગુણવત્તાયુક્ત ઈન્ડેક્સ પ્રોડક્ટ લાંબા ગાળે રોકાણકારોની રસ જાળવી રાખશે।
