કિસાન ક્રેડિટ કાર્ડ પર શૂન્ય ટકા વ્યાજે નાણાં આપવા રૃા. ૧૫૩૯ કરોડની ફાળવણી
ગુજરાતના ચાર ઝોનમાં અલગ અલગ બાયો સીએનજી પ્લાન્ટ નાખવાનું આયોજન કરવામાં આવ્યું
અમદાવાદ: ગુજરાતના નાણાં મંત્રી કનુભાઈ દેસાઈએ કિસાન ક્રેડિટ કાર્ડ પર ખેડૂતોને રૃા. ૩ લાખ સુધીનું ધિરાણ શૂન્ય ટકા વ્યાજથી આપવા માટે ૨૦૨૬-૨૭ના વર્ષના બજેટમાં રૃા. ૧૫૩૯ કરોડની ફાળવણી કરી છે. તેમ જ સહકારી મંડળીઓ બહુ હૈતુક કામ કરતી થાય તે માટે રૃા. ૧૧૨ કરોડની ફાળવણી કરી છે. આ બહહૈતુક કામગીરીમાં અનાજ સંગ્રહથી માંડીને રાજ્યના ચાર ઝોનમાં બાયો સીએનજી પ્લાન્ટની સ્થાપના કરવા માટે ઉપરોક્ત નાણંનો ઉપયોગ કરવામાં આવશે.
અનાજનો બગાડ અટકાવવા માટે ગોદામ નિર્માણ માટે રૃા. ૩૦ કરોડની બજેટમાં ફાળવણી કરવામાં આવી છે. પેક્સના માધ્યમથી ગોદામ બનાવવા માટે રૃા. ૨૧ કરોડની ફાળવણી કરવાનું આયોજન કરવામાં આવ્યું છે. ખાંડ સહકારી મંડળીઓ લોન ુપર વ્યાજ સહાય આપી શકે તે માટે સાકર યોજના હેઠળ આદિજાતિ વિસ્તારો માટે ખાસ રૃા.૨૦ કરોડની ફાળવણી કરવામાં આવેલી છે. મુખ્યમંત્રી ગૌમાતા પોષણ યોજના માટે રૃા. ૫૦૦ કરોડની અને કોમધેનું યુનિવર્સિટીના પશુ વિજ્ઞાાન, ડેરી વિજ્ઞાાન અને મત્સ્યવિજ્ઞાાનની અલગ અલગ યોજનાઓ માટે રૃા. ૪૨૪ કરોડની જોગવાઈ કરવામાં આવી છે.
ગાભણા પશુઓ માટેની ખાણદાણ યોજના મહેઠળ ૫૩૦૦૦ લોકોને આવરી લેવા માટે રૃા. ૬૧ કરોડની જોગવાઈ કરવામાં આવી છે. તેમ જ મુખ્યમંત્રી નિશુલ્ક પશુ સારવાર યોજના હેઠળ રૃા. બાવન કરોડની અને દરેક જિલ્લાની પશુકલ્યાણ સમિતિઓને સહાય આપવા માટે રૃા. ૩૪ કરોડની જોગવાઈ કરવામાં આવેલી છે. દૂધાળા પશુઓના ડેરી ફાર્મ માટે રૃા. ૩૨ કરોડની જોગવાઈ કરવામાં આવી છે. ખેડૂતોને સુધારેલીજાતના બિયારણની મિનિકીટ પૂરી પાડવા ને ચાફ કટરની ખરીદી માટે સહાય આપવા રૃા. ૧૬ કરોડની ફાળવણી કરવામાં આવી છે. મરઘાં ઉછેર અને પાડી તથા વાછડીના ઉછેર માટે રૃા.૧૨-૧૨ કરોડની ફાળવણી કરવામાં આવી છે. બકરાંના એકમને સહાય આપવા માટે રૃા.૧૧ કરોડની અને પશુઓના ગર્ભધારણની રેપિટ ટેસ્ટ કીટ આપવા માટેરૃા. ૧૦ કરોડની ફાળવણી કરવામાં આવી છે. દૂધાળા ઢોરના વીમાના પ્રીમિયમ માટે રૃા. ૬ કરોડની જોગવાઈ કરવામાં આવી છે.
