• મહિને 20 અબજથી વધુ ટ્રાન્ઝેક્શન સાથે UPI (યૂનિફાઇડ પેમેન્ટ્સ ઈન્ટરફેસ) એ ભારતના ખર્ચ કરવાની રીતને મૂળભૂત રીતે બદલાવી નાખી છે.

ભારતમાં ડિજિટલ ચુકવણી પ્રણાલી ઝડપથી બદલાઈ રહી છે. મહિને 20 અબજથી વધુ ટ્રાન્ઝેક્શન સાથે UPI (યૂનિફાઇડ પેમેન્ટ્સ ઈન્ટરફેસ) એ ભારતના ખર્ચ કરવાની રીતને મૂળભૂત રીતે બદલાવી નાખી છે. આજે લોકો માત્ર કિરાણા અને યુટિલિટી બિલ સુધી સીમિત નથી રહ્યા, પરંતુ બ્રાન્ડેડ પ્રોડક્ટ્સ, ઓનલાઈન ખરીદી, સબ્સ્ક્રિપ્શન સહિતના ખર્ચ યુપીઆઈથી કરી રહ્યા છે. આમ લગભગ તમામ ખર્ચ હવે UPI મારફતે થાય છે. એટલે દરરોજ એવી ઘણી તકો મળે છે જ્યાં તમે વધુ સમજદારીપૂર્વક ખર્ચ કરી શકે છે અને રિવોર્ડ મેળવી શકે છે.

ભારતમાં લોકો પહેલેથી જ રિવોર્ડ અંગે જાગૃત બની ગયા છે. ઘણા ગ્રાહકો UPI પ્લેટફોર્મ પસંદ કરતી વખતે એ પણ જુએ છે કે કઈ એપ તેમને વધુ ફાયદો આપે છે. ફિનટેક અને કોમર્સ પ્લેટફોર્મ POPના સ્થાપક ભાર્ગવ એરંગી કહે છે કે લોકોનું વર્તન તો યોગ્ય છે, પરંતુ માત્ર કેશબેક માટે પ્લેટફોર્મ પસંદ કરવું લાંબા ગાળે ફાયદાકારક નથી. કેશબેકમોડેલ ધીમે ધીમે ઓછું થતું જશે અને તેની જગ્યાએ વધુ સ્થિર રિવોર્ડ સિસ્ટમ આવશે.

રૂ. બેના કેશબેકનો ફંદો

લાંબા સમયથી UPI રિવોર્ડનો અર્થ માત્ર એક જ રહ્યો છે. આ રિવોર્ડ નાની રકમની કેશબેકનો છે. ક્યારેક રૂ. 2 અથવા રૂ.5 અથવા તો પછી સ્ક્રેચ કાર્ડ જ આપવામાં આવે છે. આ પ્રકારનો કેશબેક વાસ્તવમાં લાંબા ગાળે કોઈ મોટું મૂલ્ય બનાવતો નથી. કારણ કે દરેક કેશબેક પ્લેટફોર્મ માટે સીધો ખર્ચ છે. જ્યારે કંપનીઓ પોતાનો વ્યવસાય વધુ ટકાઉ બનાવવા માંગે છે ત્યારે આ મોડેલનો પ્રભાવ ધીમે ધીમે ઘટી રહ્યો છે. હવે તેના બદલે વધુ સારી અને ઉપયોગી રિવોર્ડ સિસ્ટમ આવી રહી છે.

સાચા અર્થમાં ઉપયોગી UPI રિવોર્ડ

કેશબેક અને રિવોર્ડ કરન્સી વચ્ચે મોટો ફરક છે. કેશબેક એક વખત મળે છે અને ત્યાં જ સંબંધ પૂરો થઈ જાય છે. જ્યારે સારો રિવોર્ડ પ્રોગ્રામ એક સતત ચક્ર બનાવે છે. ભારતમાં લોકો હવે ફેશન, ઇલેક્ટ્રોનિક્સ, બ્યુટી પ્રોડક્ટ્સ, ઘરગથ્થુ વસ્તુઓ અને સબ્સ્ક્રિપ્શન જેવી ઘણી કેટેગરીમાં ખર્ચ કરે છે. જો એક જ રિવોર્ડ સિસ્ટમ આ તમામ કેટેગરીમાં લાગુ પડે અને સમય સાથે એકઠી થાય તો તેનો ફાયદો ઘણો મોટો બની શકે છે.

ઉદાહરણ તરીકે તમે કપડાં, વાયરલેસ ઇયરબડ્સ અથવા સ્કિનકેર પ્રોડક્ટ્સ ખરીદો તો કેશબેક મોડેલમાં તમને થોડા રૂપિયા મળે છે જે તરત જ ગાયબ થઈ જાય છે. પરંતુ જો રિવોર્ડ કરન્સી મળે, તો એ પોઈન્ટ્સ એકઠા થઈને પછી મોટા ખર્ચમાં ઉપયોગી બની શકે છે. જેમ કે નવા શૂઝ, કિચન એપ્લાયન્સ અથવા પ્રીમિયમ સબ્સ્ક્રિપ્શન ખરીદવામાં આ પ્રકારના રિવોર્ડ્સ મેળવી શકાય છે.

અર્થાત, જે ખર્ચ તમે પહેલેથી જ કરી રહ્યા છો તે જ ખર્ચ તમને ભવિષ્યમાં મોટો લાભ આપી શકે છે. આ માત્ર ડિસ્કાઉન્ટ નહીં, પરંતુ એક સ્માર્ટ અને સતત ફાયદો આપતી ખર્ચ કરવાની ટેવ બની શકે છે.