કંપનીનો ક્રેડિટ કાર્ડ અંગત વપરાશ માટે વાપરશો તો આવક વધારી સ્લેબ પ્રમાણે ટેક્સ લેવામાં આવશે
- ક્રેડિટ કાર્ડથી કરેલો ખર્ચ કાર્ડધારકની વાર્ષિક આવકથી વધારે થઈ જશે તો આવકવેરા ખાતાની તપાસનો સામનો કરી ખુલાસા કરવા પડશે
છેલ્લા કેટલાક વર્ષોમાં ડિજિટલ પેમેન્ટના સતત થઈ રહેલા વધારા સાથે ક્રેડિટ કાર્ડનો ઉપયોગ ઝડપથી વધ્યો છે. હવે આવકવેરા ખાતું પારદર્શિતા વધારવા ક્રેડિટ કાર્ડના વપરાશકારો દ્વારા ક્રેડિટ કાર્ડથી મોટી રકમના કરવામાં આવી રહેલા પેમેન્ટ્સ પર નજર રાખવા અને ક્રેડિટ શિસ્ત જાળવવા માટે નવા નિયમો અમલમાં મૂકી રહી છે.
પહેલી એપ્રિલ 2026થી ટેક્સ રિપોર્ટિંગ, ક્રેડિટ બ્યુરો અપડેટ અને કાર્ડ ઉપયોગ સંબંધિત અનેક નવા નિયમો લાગુ થશે. આ સાથે જ બેન્કો અને કાર્ડ ઇશ્યુઅર્સે ફી, કેશબેક અને રિવોર્ડ સ્ટ્રક્ચરમાં પણ ફેરફાર કર્યા છે.
ઊંચી રકમના ટ્રાન્ઝેક્શન હવે SFT હેઠળ રિપોર્ટ થશે
બેંકો હવે Central Board of Direct Taxesના સંચાલન હેઠળ ચાલતા SFT (Statement of Financial Transactions) હેઠળ મોટા ક્રેડિટ કાર્ડ પેમેન્ટની માહિતી ઇન્કમ ટેક્સ વિભાગને આપશે. વર્ષ દરમિયાન રૂ. 10 લાખથી વધુ નોન-કેશ ખર્ચ, રૂ. 1 લાખથી વધુ કેશ પેમેન્ટ પર નજર રાખશે. આ માહિતી ક્રેડિટ કાર્ડ ધારકની આવક અને ખર્ચ વચ્ચે તફાવત ચકાસવામાં સરકારને મદદ કરશે. કદાચ તેમની સામે સીધી કાર્યવાહી નહીં કરવામાં આવે, પરંતુ શંકાસ્પદ કેસોમાં તપાસ વધી શકે છે.
હવે દર 7 દિવસે ક્રેડિટ સ્કોર અપડેટ થશે
રિઝર્વ બેન્ક ઓફ ઇન્ડિયાના નિર્દેશ મુજબ પહેલી એપ્રિલ 2026થી બેન્કો અને NBFCs-નોન બેન્કિંગ ફાઈન્સ કંપનીઓ હવે દર 7 દિવસે ક્રેડિટ કાર્ડ હોલ્ટરના વપરાશનો ડેટા અપડેટ કરશે. પહેલા દર 15 દિવસે ક્રેડિટ કાર્ડ હોલ્ડરના વપરાશના ડેટાની વિગતો અપોલડ કરવામાં આવતી હતી. પરિણામે TransUnion CIBIL જેવી ક્રેડિટ બ્યુરોને ક્રેડિટ કાર્ડ વાપરનારા અંગે વધુ ઝડપી માહિતી મળતી થશે.
ક્રેડિટ કાર્ડ ધારક સમયસર EMI ભરશે તો સ્કોર ઝડપથી સુધરશે. ક્રેડિટ કાર્ડ પર વાપરેલા નાણાં ચૂકવવામાં વિલંબ કરવામાં આવશે તો ક્રેડિટ સ્કોર નીચે જવા માંડશે. કે.વાય.સી. તમારા કસ્ટમર્સને ઓળખોને લગતા નિયમો હેઠળ પાનકાર્ડ આપવું હવે ક્રેડિટ કાર્ડ ધારકો માટે ફરજિયાત છે. આમ ક્રેડિટ કાર્ડ મેળવવા માટે PAN ફરજિયાત રહેશે. RBIના KYC નિયમો મુજબ તમામ ક્રેડિટ પ્રવૃત્તિઓને વેરિફાઇડ ઓળખ સાથે જોડવામાં આવશે. CBDTએ છેલ્લા 3 મહિનાના ક્રેડિટ કાર્ડ સ્ટેટમેન્ટને PAN અરજી માટે એડ્રેસ પ્રૂફ તરીકે માન્ય ગણાવ્યું છે.
SBI કાર્ડમાં કેશબેક ઘટાડો
State Bank of India ના Cashback Cardમાં ઘટાડો કર્યો છે. મહત્તમ કેશબેક રૂ. 5,000થી ઘટાડીને રૂ. રૂ. 4,000 કરી દીધી છે. ઓનલાઈન 5 ટકા અને ઓફલાઈન 1 ટકા કેશબેક ચાલુ રહેશે. રિવોર્ડ રિડેમ્પશન હવે મર્યાદિત વિકલ્પોમાં જ મળશે.
🔸 Yes Bankએ નવા ચાર્જ થ્રેશોલ્ડ વધાર્યા
Yes Bankએ યુટીલીટી પેમેન્ટ માટેની મર્યાદા રૂ. 50,000થી વધારી રૂ. 1,00,000 કરી દીધી છે. મર્યાદા પાર થાય તો 1 ટકાનો ચાર્જ લાગશે. Wallet અને Utility ટ્રાન્ઝેક્શન પર વધારાના ચાર્જ લેવામાં આવશે. HDFC Bank, ICICI Bank અને SBI જેવા ઇશ્યુઅર્સે રૂ. 2,000થી વધુ wallet load પર એક ટકાનો ચાર્જ લેવાનું નક્કી કર્યું છે. તેમ જ રૂ. 50,000થી વધુનું યુટિલિટીનું બિલ ચૂકવવા માટે ચાર્જ લાગુ કર્યા છે.
ક્રેડિટ કાર્ડ હોલ્ડર્સને Airport Lounge Access માટે ખર્ચની શરત રાખવામાં આવી છે. રૂપે કાર્ડમાં લાઉન્જ એક્સેસ માટે અગાઉના ક્વાર્ટરમાં રૂ. 5,000 ખર્ચ જરૂરી હતો. જોકે હવે વિવિધ કાર્ડ મુજબ નિયમો બદલાઈ શકે છે. Corporate Cardના વ્યક્તિગત ઉપયોગ પર ટેક્સ લાગુ કરવામાં આવશે. કોર્પોરેટ કાર્ડનો વ્યક્તિગત હેતુઓ માટે ઉપયોગ કરવામાં આવશે તો તે રકમ કર્મચારીના પગારમાં ઉમેરાઈ જશે. તેમ જ તેના પર જે તે વ્યક્તિના ટેક્સ સ્લેબ પ્રમાણે ટેક્સ લાગુ પડશે.
ક્રેડિટ કાર્ડ વપરાશકારો આટલું ધ્યાન
રૂ. 10 લાખથી વધુ ખર્ચ ઇન્કમ મુજબ હોવો જોઈએ. ક્રેડિટ કાર્ડથી કરેલો ખર્ચ ઇન્કમથી વધારે ખર્ચ થયેલો હશે તો તપાસ કરવામાં આવશે. EMI અને બિલ સમયસર ભરશો તો તમારો સિબિલ સ્કોર ઝડપથી સુધરતો જશે. ક્રેડિટ કાર્ડના નાણાં ભરવામાં વિલંબ કરવામાં આવશે તો સિબિલ ઝડપથી ઘટવા માંડશે. વૉલેટ અને યુટિલિટી સર્વિસ માટેના ખર્ચમાં પણ મર્યાદામાં રાખવી જરૂરી છે. બેંકના નવા નિયમો અને ફી ચેક કરી લેવી દરેક ક્રેડિટ કાર્ડધારક માટે જરૂરી છે. Lounge access માટે જરૂરી ખર્ચ પૂરો કરવો જોઈએ.
