ભારત-ન્યૂઝીલેન્ડ વચ્ચેના મુક્ત વેપાર કરારનો 20મી ઓક્ટોબરથી અમલ શરૂ થશે
ભા
રત-ન્યૂઝીલેન્ડ મુક્ત વેપાર કરારના અમલીકરણથી ગુજરાતના નિકાસકારો અને વિવિધ ઉદ્યોગો માટે સમૃદ્ધિના નવા દ્વાર ખૂલશે
ગુજરાતના ટેક્સટાઈલ, કેમિકલ્સ, જેમ્સ એન્ડ જ્વેલરી, ફાર્માસ્યુટિકલ્સ, ઓટો અને ઓટો કમ્પોનન્ટ્સ, મશીનરી વધુ રોજગારી નિર્માણ કરતાં સેક્ટર્સના નિકાસકારોને મોટો લાભ મળશે.
ભારત અને ન્યૂઝીલેન્ડ વચ્ચેનો ઐતિહાસિક મુક્ત વેપાર કરાર આગામી ૨૦ ઓક્ટોબર, ૨૦૨૬થી અમલમાં આવી રહ્યો છે. આ કરાર હેઠળ ભારતીય બનાવટની ૧૦૦ ટકા વસ્તુઓને ન્યૂઝીલેન્ડના બજારમાં શૂન્ય ટેરિફ (જકાતમુક્ત) પ્રવેશ મળશે. ગુજરાત જેવા દેશના અગ્રણી ઉત્પાદક અને નિકાસકાર રાજ્ય માટે આ નિર્ણયથી અસંખ્ય નવી તકોનું સર્જન થશે. આ કરારથી ખાસ કરીને ગુજરાતના ટેક્સટાઈલ (કાપડ), કેમિકલ્સ, જેમ્સ એન્ડ જ્વેલરી-હીરા અને ઝવેરાત, ફાર્માસ્યુટિકલ્સ, ઓટો અને ઓટો કમ્પોનન્ટ્સ, મશીનરી વધુ રોજગારી નિર્માણ કરતાં સેક્ટર્સના નિકાસકારોને મોટો લાભ મળશે.
આ અંગે કેન્દ્રીય વાણિજ્ય મંત્રી પીયૂષ ગોયલે ૨૧ સપ્ટેમ્બર, ૨૦૨૬ના રોજ નવી દિલ્હી ખાતે પત્રકાર પરિષદમાં જણાવ્યું હતું કે, “આ કરારથી ન્યૂઝીલેન્ડના બજારમાં ભારતીય નિકાસકારોને ૧૦ ટકા સુધીના ઊંચા ટેરિફમાંથી મુક્તિ મળશે અને જે દેશો પહેલેથી ત્યાં મજબૂત પકડ ધરાવે છે તેમની સરખામણીએ ભારતીય નિકાસકારો માટે સમાન તકો ઊભી થશે.”
મુક્ત વેપાર કરારના વિવિધ પાંસાઓ અને ગુજરાતના ઉત્પાદન ક્ષેત્રને થનારા લાભો
વૈશ્વિક સ્તરે ભૂ-રાજકીય અનિશ્ચિતતાઓ અને અમેરિકી પ્રમુખ ડોનાલ્ડ ટ્રમ્પની અણધારી ટેરિફ નીતિઓ વચ્ચે ૨૭ એપ્રિલના રોજ હસ્તાક્ષર કરાયેલ આ મુક્ત વેપાર કરાર ભારત માટે અત્યંત વ્યૂહાત્મક મહત્વ ધરાવે છે.
મેન્યુફેક્ચરિંગ અને એન્જિનિયરિંગ સેક્ટર
ન્યૂઝીલેન્ડે આ કરાર હેઠળ ભારતમાં ૨૦ બિલિયન ડોલર (આશરે ₹૧.૬૬ લાખ કરોડ)ના પ્રત્યક્ષ વિદેશી રોકાણની પ્રતિબદ્ધતા દર્શાવી છે. આ રોકાણથી ગુજરાતના મેન્યુફેક્ચરિંગ ક્ષેત્રને આધુનિક ટેકનોલોજી અને મૂડી પ્રાપ્ત થશે. એન્જિનિયરિંગ એક્સપોર્ટ પ્રમોશન કાઉન્સિલના ચેરમેન પંકજ ચઢ્ઢાના જણાવ્યા અનુસાર, શૂન્ય-ડ્યુટી પ્રવેશ મળવાથી ભારતીય એન્જિનિયરિંગ નિકાસ આગામી ૫ વર્ષમાં બમણી થઈને ૨૮૦ થી ૩૦૦ મિલિયન ડોલર સુધી પહોંચાડી શકાશે. ફેડરેશન ઓફ ઈન્ડિયન એક્સપોર્ટ ઓર્ગેનાઈઝેશન્સના અજય સહાયે નોંધ્યું છે કે, આ એગ્રીમેન્ટથી ઈન્ડો-પેસિફિક બજારમાં ખાસ કરીને એમએસએમઈ (MSME) એકમો માટે વ્યાપક નવી તકો ઊભી થશે અને નિકાસમાં નવું બળ મળશે.
ગુજરાતના યુવાનોને માટે નોકરીના દરવાજા ખૂલશે
આ કરારથી IT, પ્રોફેશનલ સર્વિસિસ, કન્સ્ટ્રક્શન, ટૂરિઝમ અને ઓડિયો-વિઝ્યુઅલ જેવા ૧૧૮ જેટલા સર્વિસ સેક્ટર્સ માટે ન્યૂઝીલેન્ડના દ્વાર ખૂલશે. આ ઉપરાંત, ભારતીય કૌશલ્ય ધરાવતા કામદારો માટે વાર્ષિક ૫,૦૦૦ સ્કિલ્ડ-વર્કર વિઝા, ૧,૦૦૦ વર્કિંગ-હોલિડે વિઝા અને ભારતીય વિદ્યાર્થીઓ માટે અભ્યાસ પૂરો કર્યા પછી ૪ વર્ષ સુધીના પોસ્ટ-સ્ટડી વર્ક રાઈટ્સ મળશે, જેનો લાભ ગુજરાતના યુવાધન અને આઈટી વ્યાવસાયિકોને મળશે.
સંવેદનશીલ ક્ષેત્રોનું રક્ષણ
ભારતે પોતાના સ્થાનિક ખેડૂતો અને પશુપાલકોના હિતોનું રક્ષણ કરતા ડેરી સેક્ટર (દૂધ અને દૂધની બનાવટો) ને આ કરારમાંથી સંપૂર્ણપણે બહાર રાખ્યું છે. આ ઉપરાંત ડુંગળી, ચણા, વટાણા, મકાઈ, બદામ, કૃત્રિમ મધ અને ખાંડ જેવા કૃષિ ઉત્પાદનોમાં પણ ન્યૂઝીલેન્ડને કોઈ ટેરિફ છૂટછાટ આપવામાં આવી નથી, જેથી ગુજરાતના ડેરી અને કૃષિ ઉદ્યોગ સુરક્ષિત રહેશે.
દ્વિપક્ષીય વેપારમાં વૃદ્ધિના અંદાજ
વાણિજ્ય મંત્રાલયના સત્તાવાર ડેટા અનુસાર, નાણાકીય વર્ષ ૨૦૨૫-૨૬ (FY26) માં ભારત અને ન્યૂઝીલેન્ડ વચ્ચેનો દ્વિપક્ષીય વસ્તુઓ અને સેવાઓનો કુલ વેપાર આશરે ૨.૨૯ બિલિયન ડોલર રહ્યો હતો. જેમાં વસ્તુઓનો દ્વિપક્ષીય વેપાર $૧.૧૫ મિલિયન, નિકાસ $૫૬૬.૫૧ બિલિયન અને આયાત $૫૮૯.૧૦ મિલિયન હતી.
વેપારમાં બમણો વધારો: ૨૧ સપ્ટેમ્બર, ૨૦૨૬ ના રોજ આપેલા સત્તાવાર નિવેદનમાં કેન્દ્રીય વાણિજ્ય મંત્રી પીયૂષ ગોયલે જણાવ્યા મુજબ, આ મુક્ત વેપાર કરાર અમલમાં આવ્યા બાદ આગામી ૪ થી ૫ વર્ષોમાં ભારત અને ન્યૂઝીલેન્ડ વચ્ચેનો દ્વિપક્ષીય વસ્તુઓ અને સેવાઓનો વેપાર બમણો થઈને રૂ. ૩૫,૦૦૦ કરોડ- આશરે $૪ બિલિયન સુધી પહોંચવાની ધારણા છે. ન્યૂઝીલેન્ડના વેપાર અને રોકાણ મંત્રી ટોડ મેક્કલેએ ૨૧ સપ્ટેમ્બર, ૨૦૨૬ની મીડિયા બ્રીફિંગમાં જણાવ્યું હતું કે, આ કરાર બંને દેશો માટે “ઉચ્ચતમ ગુણવત્તાયુક્ત અને પરસ્પર આર્થિક લાભ પહોંચાડનારો કરાર” સાબિત થશે.
એકંદરે, ૨૦ ઓક્ટોબરથી અમલી બનનારો આ કરાર ભારત-ન્યૂઝીલેન્ડના વેપાર સંબંધોને નવી ઊંચાઈ પર લઈ જશે અને ગુજરાતના ઉત્પાદકો, નિકાસકારો અને સેવા ક્ષેત્ર માટે વૈશ્વિક બજારમાં પ્રભુત્વ જમાવવાની સોનેરી તક પણ પૂરી પાડશે.
Tags: Bilateral trade doubling Dairy sector protection FTA Duty free exports to New Zealand EEPC India engineering exports export market access India FIEO MSME export opportunities Foreign Direct Investment India NZ Gujarat exporters benefits Gujarat gems and jewellery Gujarat manufacturing sector FTA Gujarat pharma exports Gujarat textile exports India export news September 2026 India international trade India New Zealand bilateral trade India NZ FTA implementation date India NZ trade $4 billion target India NZ trade agreement takeaways India NZ trade report 2026 India-New Zealand Free Trade Agreement India-Newzealand FTA Indian students work rights NZ Indo Pacific trade agreement Labour intensive sector exports New Zealand FDI $20 billion Piyush Goyal NZ FTA Sensitive agricultural products India Service sector visa New Zealand Skilled worker visa New Zealand Tariff free trade India NZ Trade news Gujarati Trade partnerships India Zero tariff Indian goods ઇન્ડિયા ન્યૂઝીલેન્ડ એફટીએ ઈન્ટરનેશનલ ટ્રેડ ન્યૂઝ ઈન્ડો પેસિફિક ટ્રેડ એક્સપોર્ટ ગ્રોથ ઇન્ડિયા એન્જિનિયરિંગ એક્સપોર્ટ એમએસએમઈ વેપાર તકો કૃષિ ઉત્પાદન વેપાર ગુજરાત ઇન્ડસ્ટ્રીયલ અપડેટ ગુજરાત એક્સપોર્ટ ઓપર્ચ્યુનિટી ગુજરાત કેમિકલ ક્ષેત્ર ગુજરાત ટેક્સટાઈલ ઉદ્યોગ રાહત ગુજરાત નિકાસકારો લાભ ગુજરાત બિઝનેસ સમાચાર ગુજરાત મેન્યુફેક્ચરિંગ સેક્ટર ગુજરાત વેપાર સમાચાર ગુજરાતી ફાઇનાન્સ સમાચાર જકાતમુક્ત નિકાસ જેમ્સ એન્ડ જ્વેલરી નિકાસ ઝીરો ટેરિફ એક્સપોર્ટ ડેરી સેક્ટર સુરક્ષા દ્વિપક્ષીય વેપાર વૃદ્ધિ ન્યૂઝીલેન્ડ એફડીઆઈ રોકાણ પીયૂષ ગોયલ નિવેદન ફાર્માસ્યુટિકલ્સ નિકાસ ભારત નિકાસ સમાચાર ભારત ન્યૂઝીલેન્ડ ટ્રેડ રિપોર્ટ ભારત ન્યૂઝીલેન્ડ મુક્ત વેપાર કરાર ભારત ન્યૂઝીલેન્ડ વેપાર ભારત વિદેશ વેપાર નીતિ મુક્ત વેપાર કરાર ૨૦૨૬ વિદ્યાર્થી પોસ્ટ સ્ટડી વર્ક રાઈટ્સ વેપાર કરાર અહેવાલ સર્વિસ સેક્ટર વિઝા
