આજે શેરબજાર ગેપમાં ખૂલે તેવી સંભાવના
ઇરાન અને અમેરિકા વચ્ચેના યુદ્ધના વાગી રહેલા ભણકારા શેરબજારમાં મોટું પરિવર્તન લાવી શકે છે. વિશ્વ વેપારની અનિશ્ચિતતાની અસર જોવા મળી શકે
અમેરિકાની સુપ્રીમ કોર્ટે દેશના પ્રમુખ Donald Trumpની સરકારે લાગુ કરેલા વૈશ્વિક ટેરિફ ઓર્ડરને રદ કરી દેતા ભારતીય બજારોમાં ફરી એકવાર અનિશ્ચિતતા સર્જાઈ છે. શેરબજારના નિષ્ણાતો માને છે કે 150 દિવસ માટે 15%ના નવા ટેરિફ દરના પ્રસ્તાવને કારણે બજાર ગેપ-અપ સાથે ખૂલી શકે છે, તેની સાથે જ શેરબજારમાં મોટો દિશાત્મક ફેરફાર જોવા મળવાની શક્યતા ઓછી છે.
ગત એક વર્ષમાં ભારતીય ઇક્વિટી બજાર મજબૂત રહ્યું છે. BSE Sensexમાં લગભગ 10 ટકાનો વધારો થયો છે, જ્યારે Nifty 50 11 ટકાથી વધુ ઉછળ્યો છે. મજબૂત સ્થાનિક લિક્વિડિટી, સુધરેલા કોર્પોરેટ પરિણામો અને મેક્રો આર્થિક સ્થિરતાએ આ વૃદ્ધિને ટેકો આપ્યો છે.
નિષ્ણાતોનું માનવું છે કે ….
પ્રતિક ગુપ્તા (CEO, Kotak Institutional Equities) અને સુદીપ શાહ (SBI Securities)નું માનવું છે કે શરૂઆતનો ઉત્સાહ ટૂંકા ગાળાનો રહી શકે છે. Aditya Birla Sun Life AMCના CEO એ. બાલાસુબ્રમણ્યન મુજબ આ નિર્ણય ઊભરતા બજારો માટે સકારાત્મક છે, ખાસ કરીને ટેક્સટાઇલ, કેમિકલ્સ અને ઓટો કોમ્પોનેન્ટ જેવા સેક્ટરો માટે લાભદાયી પુરવાર થઈ શકે છે.
રૂપિયા પર અસર
ડોનાલ્ડ ટ્રમ્પ ઊભી કરેલી અનિશ્ચિતતાઓને કારણે ભારતીય રૂપિયામાં થોડી મજબૂતી આવી શકે છે, પરંતુ મોટા પ્રમાણમાં વૃદ્ધિની શક્યતા ઓછી છે. બજાર નિષ્ણાતો અનુસાર રૂપિયા નજીકના ગાળામાં 90.40–91.50ની રેન્જમાં ટ્રેડ થઈ શકે છે.
વૈશ્વિક પરિબળો અને જોખમ
ભારત માટે ચિંતા માત્ર ટેરિફ સુધી મર્યાદિત નથી.
- સંભવિત US–ઈરાન સંઘર્ષની અસર પણ બજાર પર જોવા મળી શકે છે.
- કાચા તેલના વધતા ભાવની અસર પણ બજાર પર જોવા મળી શકે છે.
- AIના કારણે IT સેક્ટરમાં રોજગારી પર પડનારી અસરનો પ્રભાવ પણ બજાર પર પડતો જોવા મળી શકે છે.
- ભારતની નિકાસમાં વૈવિધ્યકરણ આવશે.
ભારતની નિકાસ GDPનો આશરે 17 ટકા જેટલી છે, તેથી સંસ્થાગત રોકાણકારો અન્ય પરિબળો પર વધુ ધ્યાન આપી રહ્યા છે. ટેરિફ 25 ટકાથી ઘટીને 15 ટકા થતાં IT, ફાર્મા, મેટલ્સ, ટેક્સટાઇલ્સ અને એન્જિનિયરિંગ સેક્ટરને ટૂંકાગાળાની રાહત મળી શકે છે.
ટેરિફ સંબંધી અનિશ્ચિતતા થોડે હદે ઓછી થઈ છે, પરંતુ US–ઈરાન તણાવ અને ઊંચા ક્રૂડ ભાવો ભારતીય બજાર માટે મોટું જોખમ બની શકે છે.
