માર્ચની 26મી શરૂ થી IPL ટિકિટ પર 40 ટકા GST લાગુ પડશે

• રૂ. 2000ના મૂલ્યની આઈપીએલની મેચની ટિકીટ માટે રૂ. 2800 ચૂકવવા પડશે

ઇન્ડિયન પ્રીમિયર લીગની આગામી 26મી માર્ચથી શરૂ થનારી ટુર્નોમેન્ટની ટિકીટ પર આ વરસથી 40 ટકા જીએસટી-ગુડ્સ એન્ડ સર્વિસ ટેક્સ લગાવવાનો નિર્ણય કરવામાં આવ્યો છે. જોકે GST Council દ્વારા 22 સપ્ટેમ્બર 2025થી IPL ટિકિટ્સ તેમજ કૅસિનો, સટ્ટાબાજી, જુગાર, લોટરી અને ઓનલાઈન ગેમિંગ જેવી પ્રવૃત્તિઓ પર નવો 40 ટકા GST દર લાગુ કરવામાં આવ્યો છે. આ તમામ સેવાઓને હવે અલગ “હાઈ ટેક્સ કેટેગરી”માં મૂકવામાં આવી છે.

Indian Premier League (IPL) ક્રિકેટ મેચ માટે લેવાતી એન્ટ્રી ફી, ટિકિટ ચાર્જ વગેરે બધું જ GST હેઠળ ટેક્સેબલ સપ્લાય ગણાય છે. ભારતમાં યોજાયેલી IPL મેચોની ટિકિટ પર 40 ટકા GST લાગુ કરવામાં આવ્યો છે, કારણ કે તેને “લક્ઝરી-પ્રીમિયમ ક્રિકેટ એન્ટરટેઇનમેન્ટ સર્વિસ” માનવામાં આવે છે. IPL ટિકિટ્સ પર GST દર 28 ટકાથી વધારીને 40 ટકા કરવામાં આવ્યો છે આ નવા દર 22મી સપ્ટેમ્બર 2025થી અમલમાં આવ્યા છે.

IPL મેચોને ખાસ લક્ઝરી ટેક્સ સ્લેબ હેઠળ મૂકવામાં આવી છે. પરંતુ આઈપીએલની ટિકીટ પર અલગથી જીએસટી વસૂલવામાં આવશે. IPL ક્રિકેટ મેચોને GST હેઠળ “સ્પોર્ટિંગ ઇવેન્ટમાં પ્રવેશ” તરીકે ટેક્સેબલ સર્વિસ માનવામાં આવે છે. તેથી IPL મેચ જોવા માટે ખરીદવામાં આવેલી ટિકિટ પર વધુ GST વસૂલાય છે. આ ટેક્સ ઇવેન્ટ ઓર્ગેનાઇઝર અથવા ટિકિટિંગ પ્લેટફોર્મ દ્વારા વસૂલ કરી સરકારને જમા કરાવવામાં આવે છે.

IPL ટિકિટ વેચાણ SAC 9996 હેઠળ આવે છે, જેમાં “રેક્રિએશનલ, કલ્ચરલ અને સ્પોર્ટિંગ સર્વિસિસ”નો સમાવેશ થાય છે. તેથી જ 22 સપ્ટેમ્બર 2025થી લાગુ કરવામાં આવેલા જીએસટીના નવા નિયમો મુજબ  IPL ટિકિટ્સ પર 40 ટકા GST લાગુ પડે છે. આ દર લક્ઝરી અને ડિમેરિટ સેવાઓ જેમ કે કૅસિનો અને સટ્ટાબાજી માટે લાગુ થતી ખાસ હાઈ ટેક્સ કેટેગરીમાં આવે છે. પરિણામે GSTના દર ઊંચા જતાં આઈપીએલની ટિકિટની ફાઈનલ વેચાણ કિંમત વધી જાય છે. પરિણામે આઈપીએલની મૂળ ટિકિટ કિંમત: રૂ.2,000 હોય તો તેના પર 40 ટકા જીએસટી લાગે તો તેની વેચાણ કિંમત વધીને રૂ. 2800 થઈ જશે..

ભારતમાં સ્પોર્ટ્સ માર્કેટ દેશની વાર્ષિક આવકમાં અંદાજે 8 ટકાનો ફાળો આપે છે. ક્રિકેટ પ્રત્યે લોકોના ભારે પ્રેમને કારણે, ટેક્સ વધવા છતાં બજાર આગળ વધી રહ્યું છે. જો ટિકિટિંગ વેબસાઇટ્સ અથવા ફ્રેન્ચાઇઝ GSTનું પાલન નહીં કરે, તો તેમને ભારે દંડ ભરવો પડી શકે છે.