35 ટકા સુધી તૂટેલા બે ઝીરો-ડેટ એન્જિનિયરિંગ કંપનીના શેર્સનું રી-રેટિંગ આવશે?
લગભગ શૂન્ય દેવું ધરાવતી (Zero Debt), ઊંચો ROCE (Return on Capital Employed) અને સતત નફો કરતી બે એન્જિનિયરિંગ કંપનીઓના શેરોમાં છેલ્લા મહિનાઓમાં 35 ટકાથી વધુ કરેકશન આવ્યું છે. છતાં પણ “સ્માર્ટ મની” (FII/DII) આ બંને સ્ટોક્સમાં રસ દાખવી રહી છે.
આ બે કંપનીઓમાં એજેક્સ એન્જિનિયરિંગ લિમિટેડ-Ajax Engineering Limited અને કિર્લોસ્કર ન્યૂમેટિક કંપની લિમિટેડ-Kirloskar Pneumatic Company Ltdનો સમાવેશ થાય છે.
Ajax Engineering: કન્સ્ટ્રક્શન મિકેનાઇઝેશનના સેક્ટરનો મજબૂત ખેલાડી છે. 1992માં સ્થાપવામાં આવેલી Ajax Engineering ભારતની કૉન્ક્રીટ ઇક્વિપમેન્ટ બનાવતી અગ્રણી કંપની છે. કંપનીનું બજાર મૂડીકરણ રૂ. 5,362 કરોડનું છે. છેલ્લા 10 વર્ષનો સરેરાશ ROCE-રિટર્ન ઓન કેપિટલ એમ્પ્લોઈડ 28 ટકા છે. તેની સામે સમગ્ર ઇન્ડસ્ટ્રીનો રિટર્ન ઓન કેપિટલ એમ્પ્લોઈડ 14 ટકાનો છે. કંપનીનો હાલનો ROCE: 34 ટકાનો છે. કંપનીને માથે દેવું માત્ર રૂ. 55 લાખનું જ છે. આમ કંપનીને લગભગ Zero Debt કંપની તરીકે ઓળખાવી શકાય તેમ છે
કંપનીની નાણાકીય વૃદ્ધિની વાત કરીએ તો કંપનીનું વેચાણ FY2020-21માં ₹736 કરોડ તે FY2025-26માં રૂ. 2,074 કરોડ થયું છે. આમ તેનો સર્વગ્રાહી વિકાસ દર-CAGR 23 ટકાનો રહ્યો છે. કંપનીનો નફો FY2020-21માં રૂ. 100 કરોડનો અને રૂ. 2025-26માં રૂ. 260 કરોડનો રહ્યો છે. કંપનીના નફાનો સર્વગ્રાહી વિકાસ દર-CAGR 21 ટકાનો રહ્યો છે. શેર ભાવ ફેબ્રુઆરી 2021માં રૂ. 595 હતો, જ્યારે 16 ફેબ્રુઆરી 2026એ રૂ. 469નો રહ્યો છે. આમ કંપનીનો શેર તેના ઓલ-ટાઇમ હાઇ પ્રાઈસ રૂ.757થી લગભગ 38 ટકા ડિસ્કાઉન્ટથી અત્યારે ટ્રેડ થઈ રહ્યો છે.
કંપનીનો હાલ PE 24x છે, તેની સામે જ્યારે ઇન્ડસ્ટ્રી પીઈ 32x છે. કંપનીમાં પ્રમોટર્સ પાસે 80 ટકા શેર હિસ્સો છે. તેમ જ લગભગ 16 ટકા હિસ્સો “સ્માર્ટ મની” પાસે છે. આ સ્માર્ટ મનીમાં SBI Funds, Pi Opportunities અને Whiteoak Capital જેવી સંસ્થાઓનો સમાવેશ થાય છે. .
કંપનીના MD & CEO Shubhabrata Sahaના જણાવ્યા મુજબ છેલ્લા કેટલાક ક્વાર્ટરમાં મોન્સૂન, નવા એમિશન નિયમો અને પ્રોજેક્ટ ડિલેને કારણે દબાણ આવ્યું છે, પરંતુ સરકારની ઇન્ફ્રાસ્ટ્રક્ચર ફોકસને કારણે લાંબા ગાળે માંગ મજબૂત રહેવાની આશા છે.
Kirloskar Pneumatic-કિર્લોસ્કર ન્યૂમેટિકને ગેસ અને રેફ્રિજરેશનના સેક્ટરની તેજીનો લાભ મળશે. 1958માં સ્થાપવામાં આવેલા Kirloskar Pneumatic પુણે સ્થિત Kirloskar ગ્રુપનો હિસ્સો જ છે. કંપનીનું બજાર મૂડીકરણ એટલ કે માર્કેટ કેપ રૂ.7,473 કરોડનું અને 10 વર્ષનો રિટર્ન ઓન કેપિટલ એમ્પ્લોઈડ-ROCE 32 ટકા છે. કંપનીને માતે માત્ર રૂ. 40 લાખનું દેવું છે. તેથી કંપનીને Zero Debt કંપની તરીકે ળખાવી શકાય તેમ છે. CNG સિસ્ટમ્સ અને ગેસ રેફ્રિજરેશનનો 60 ટકા માર્કેટ શેર કંપની ધરાવે છે.
કંપનીની નાણાકીય વૃદ્ધિ પણ સંગીન છે. કંપનીનું વેચાણ FY2020-21માં . 829 કરોડનું હતું તે FY2025-26માં વધીને રૂ. 1,629 કરોડ થઈ ગયું છે. કંપનીનો નફો FY2020-21માં રૂ. 53 કરોડ હતો તે FY2025-26માં રૂ.211 કરોડ થઈ ગયો છે. નફાનો સર્વગ્રાહી વિકાસ દર-CAGR 32 ટકાનો રહ્યો છે. શેર ભાવ ફેબ્રુઆરી 2021માં રૂ. 217 હતો, જે હવે રૂ. 1,150ની આસપાસ છે. આમ લાંબા ગાળે તેના ભાવમાં 430 ટકાનો ઉછાળો જોવા મળ્યો છે. છતાંય તેના ઓલ-ટાઇમ હાઇ રૂ. 1,818થી અત્યારે પણ લગભગ 36 ટકા નીચે છે.
કંપનીનો હાલનો PE ~36x છે. ઇન્ડસ્ટ્રીન પીઈ પણ તેટલો જ છે. અહીં DIIs પાસે કંપનીના કુલ શેરનો 28 ટકા અને FIIs પાસે 7 ટકા હિસ્સો છે. તેના શેરનું હોલ્ડિંગ ધરાવનારાઓમાં Tata Mutual Fund, Nippon India, HSBC, HDFC અને Aditya Birla Sun Life જેવી મોટી સંસ્થાઓનો સમાવેશ થાય છે.
કંપનીના MD K. Srinivasanનું કહેવું છે કે જાન્યુઆરી 2026 સુધી ઓર્ડર બુક: રૂ. 1,939 કરોડની છે. તેની સામે FY26માં વેચાણનું ટાર્ગેટ-લક્ષ્ય રૂ. 1,800–1,850 કરોડનું છે. Profit Before Taxમાં 20–25 ટકાનો વધારો થવાની અપેક્ષા છે. કંપનીએ શેરદીઠ રૂ. 3.50નું એટલે કે 175 ટકા interim dividend-વચગાળાનું ડિવિડંડ આપ્યું છે.
આમ બન્ને કંપનીઓને માથે લગભગ શૂન્ય દેવું છે. ઉદ્યોગ કરતા બંને કંપનીઓનો ROCE ઊંચો છે. બંને કંપનીઓ પાસે મજબૂત ઓર્ડર બુક છે. છતાં પણ શેરોમાં 35 ટકાથી વધુ કરેકશન આવ્યું છે. બજાર હાલ ધીમા પ્રોજેક્ટ એક્ઝિક્યુશન અને ઇન્ડસ્ટ્રીયલ કૂલિંગને કારણે સાવધાનીના મોડમાં છે. પરંતુ “સ્માર્ટ મની” હજુ પણ આ સ્ટોક્સમાં ટકી રહી છે. તે એક પોઝિટિવ સંકેત છે. હવે મુખ્ય સવાલ એ છે: શું આ કરેકશન માત્ર તાત્કાલિક કે કામચાલઉ જ છે. તેમાં રી-રેટિંગ આવશે? કે પછી આખા સેક્ટરમાં આવનારા રિસેટનો આ સંકેત છે?
આ સવાલનો જવાબ આવનારો સમય જ આપશે. અત્યારે આ બંને સ્ટોક્સને વોચલિસ્ટમાં રાખવું સમજદારી ભર્યું લાગે છે.
