આજે આ શેરની વધઘટ પર પણ નજર રાખી શકાય

શેરોમાં સંભવિત વધઘટ અને તેના કારણો

• IDBI Bank (આઈડીબીઆઈ બેંક): કેનેડાની ફેરફેક્સ ફાઇનાન્શિયલ હોલ્ડિંગ્સને બેંકના સ્ટ્રેટેજિક બાયર તરીકે મંજૂરી મળી છે. સરકાર અને LIC મળીને ₹52,878 કરોડમાં ₹81 પ્રતિ શેરના ભાવે 60.72% હિસ્સો વેચશે, જેનાથી શેરમાં સકારાત્મક હલચલ રહેવાની શક્યતા છે.
• રિલાયન્સ ઇન્ડસ્ટ્રીઝઃ જીઓ પ્લેટફોર્મ્સ દેશનો સૌથી મોટો ₹30,187.6 કરોડનો IPO લાવવા જઈ રહ્યું છે, જે 21 ઓક્ટોબરે ખુલશે અને 23 ઓક્ટોબરે બંધ થશે. આ મોટા સમાચારથી રિલાયન્સના શેરમાં તેજીનો સપોર્ટ મળી શકે છે.
• હ્યુન્ડાઈ મોટર ઇન્ડિયા: કંપનીએ પુણેમાં નવા ઉત્પાદન પ્લાન્ટનું ઉદ્ઘાટન કર્યું છે અને ₹11,000 કરોડના રોકાણની યોજના બનાવી છે, જેથી 2030 સુધીમાં તેની ઉત્પાદન ક્ષમતા વધીને 3.20 લાખ યુનિટ થશે.
• ડો. રેડ્ડીઝ લેબોરેટરીઝ): વિશાખાપટ્ટનમ ફેસિલિટી ખાતે અમેરિકી USFDA ના નિરીક્ષણ બાદ 3 ઓબ્ઝર્વેશન સાથે ‘Form 483’ ઇશ્યૂ કરવામાં આવ્યો છે, જેનાથી સ્ટોક પર ટૂંકા ગાળાનું દબાણ આવી શકે છે.
• ન્યૂલેન્ડ લેબોરેટરીઝ: કંપનીની તેલંગાણા યુનિટ-3 ફેસિલિટી ખાતે USFDA એ તપાસ પૂર્ણ કરીને એસ્ટાબ્લિશમેન્ટ ઇન્સ્પેક્શન રિપોર્ટ (EIR) ઇશ્યૂ કર્યો છે, જે શેર માટે સકારાત્મક સમાચાર છે.
• સિયેટ: બીજા ત્રિમાસિક ગાળામાં કંપનીની આવક 26.2% વધી હોવા છતાં, EBITDA માં 9.1% નો ઘટાડો થયો છે અને ચોખ્ખો નફો 40% ઘટીને ₹112 કરોડ રહ્યો છે.
• એચડીબી ફાઇનાન્શિયલ: Q2FY27 માં કંપનીનો ચોખ્ખો નફો 34.2% વધીને ₹780.2 કરોડ થયો છે અને નેટ ઇન્ટરેસ્ટ ઇનકમ (NII) 15.6% વધી છે.
• આઈસીઆઈસીઆઈ લોમ્બાર્ડ: નફામાં 15.4% નો વધારો (₹946 કરોડ) નોંધાયો છે અને સાથે કંપનીએ ₹7 પ્રતિ શેરનું વચગાળાનું ડિવિડન્ડ જાહેર કર્યું છે.
• બજાજ કન્ઝ્યુમર કેર: બીજા ત્રિમાસિક ગાળામાં કંપનીનો ચોખ્ખો નફો 65.9% ઉછળીને ₹70.2 કરોડ થયો છે અને આવક 25.5% વધી છે.
• એનવાયરો ઇન્ફ્રા એન્જિનિયર્સ:સબસિડિયરી કંપની સુયોગ ઊર્જાને મહારાષ્ટ્રમાં વિન્ડ પાવર પ્રોજેક્ટ માટે ₹228 કરોડનો લેટર ઓફ ઇન્ટેન્ટ (LoI) મળ્યો છે.
• નિટકો:  કાંજુરમાર્ગ જમીન વેચાણનો 75% હિસ્સો ₹143 કરોડમાં પૂર્ણ કર્યો છે અને કોમર્શિયલ સ્પેસ વેચીને ₹250 કરોડ મળવાની અપેક્ષા છે.