ચાર શેર્સના ભાવમાં 30 ટકા સુધીનો વધારો થવાની સંભાવના
Adani Energy Solutions, Bharti Airtel, PhysicsWallah અને Urban Company લાંબા ગાળામાં સ્થિર વૃદ્ધિ થાય તે માટેની મજબૂત સ્થિતિમાં છે.
દેશના અગ્રણી બ્રોકરેજ હાઉસ JM Financial એ પાવર ટ્રાન્સમિશન, ટેલિકોમ, એડટેક અને હોમ સર્વિસીસ ક્ષેત્રની ચાર ભારતીય કંપનીઓના શેર્સમાં તેજીનો તરવરાટ જોવા મળે તેવી સંભાવના વ્યક્ત કરી છે. આ ચાર કંપનીઓની કમાણીમાં મજબૂત વૃદ્ધિ, પ્રાઈસિંગ પાવર અને વિસ્તરણ યોજનાઓને ધ્યાનમાં રાખીને બ્રોકરેજે ‘Buy’ રેટિંગ જાળવી રાખ્યુ છે.
બ્રોકરેજે નીચેની ચાર કંપનીઓના શેર્સના ભાવમાં 16 ટકાથી માંડીને 30 ટકા સુધીનો ભાવ વધારો થવાની શક્યતા પણ વ્યક્ત કરી છે. આ ચાર શેર્સમાં Adani Energy Solutions, Bharti Airtel, PhysicsWallah અને Urban Companyના શેર્સનો સમાવેશ થાય છે. બ્રોકરેજ હાઉસના જણાવ્યા મુજબ આ કંપનીઓ ઇન્ફ્રાસ્ટ્રક્ચરમાં મોટા રોકાણ કરી રહી છે. તેમ જ ટેરિફ વધારો, ડિજિટલ બદલાવ લાવી રહી છે. આમ નવી જ કેટેગરીમાં વિસ્તરણ કરી રહી હોવાથી લાભ મેળવી શકે છે.
Adani Energy Solutions
JM Financialએ Adani Energy Solutions માટે રૂ. 1,199નો ટાર્ગેટ પ્રાઈસ આપ્યો છે, જે વર્તમાન ભાવ કરતાં અંદાજે 18.5% વધુ છે. કંપનીને રૂ.77,800 કરોડનું ટ્રાન્સમિશનના ઓર્ડર્સ મળી ચૂકેલા છે. તદુપરાંત નવા આવી રહેલા સરકારી ઓક્શનના માધ્યમથી રૂ. 4.86 લાખ કરોડના નવા ઓર્ડર્સ મળવાની તક ઉપલબ્ધ છે. કંપનીની ટ્રાન્સમિશનની આવક માર્ચ 2028 સુધીમાં રૂ. 9,300 કરોડ સુધી પહોંચી શકે છે. પહેલા આવકનો અંદાજ જરૂ. 4,700 કરોડનો હતો.
અદાણી એનર્જી સોલ્યુશન્સ પાસે ખાનગી ક્ષેત્રની કુલ ઓપરેશનલ્સ ટ્રાન્સમિશન ક્ષમતાની 41.5 ટકા ઓપરેશનલ ટ્રાન્સમિશન ક્ષમતા મોજૂદ છે. કંપની દેશના 16 રાજ્યોમાં કામગીરી કરે છે. તેમ જ 27,901 સર્કિટ કિમી લાઈનોનું સંચાલન કરે છે. કંપનીને 2.46 કરોડ સ્માર્ટ મીટર માટેનો કોન્ટ્રાક્ટ મળી ચૂક્યો છે. તેના થકી આગામી 10 વર્ષમાં કંપની રૂ. 29,500 કરોડની આવક મેળવી શકે તેવી સંભાવના છે. મુંબઈ ડિસ્ટ્રિબ્યુશન બિઝનેસમાં 33 લાખ ગ્રાહકો કંપની પાસે છે. તેમના થકી દર વર્ષે રૂ. 800 કરોડ સુધીનો નફો થવાની શક્યતા જોવાઈ રહી છે.
Bharti Airtel-ભારતી એરટેલ
JM Financialએ Bharti Airtel માટે રૂ. 2,455નો ટાર્ગેટ ભાવ નક્કી કર્યો છે. ટાર્ગેટ ભાવ તેના વર્તમાન બજાર ભાવથી અંદાજે 30.7 ટકાનો વધારો થવાની સંભાવના દર્શાવે છે. ભારતી એરટેલની કમાણીમાં આગામી 2-3 વર્ષમાં 14-15 ટકાની વાર્ષિક વૃદ્ધિની અપેક્ષા રાખવામાં આવી રહી છે. ARPUમાં દર વર્ષે 10-11 ટકાનો વધારો થવાની શક્યતા છે. ટેલિકોમ સેક્ટરમાં રૂ. 11.2 લાખ કરોડના રોકાણને ન્યાય આપવા ટેરિફ વધારો કરવો પણ જરૂરી બની ગયો છે. આ સંજોગોમાં આગામી 6 મહિનામાં મોબાઇલ ટેરિફ વધારો શક્યતા રહેલી છે. કંપનીએ NBFC બિઝનેસમાં રૂ. 14,000 કરોડનું રોકાણ કરવાનું આયોજન કરેલું છે. ભારતમાં રૂ.30,000 કરોડ અને આફ્રિકામાં રૂ.9,000 કરોડનો વાર્ષિક મૂડીખર્ચ-CAPEX કરવામાં આવી રહ્યો છે.
PhysicsWallah-ફિઝિક્સવાલા
JM Financialએ PhysicsWallahના શેરનો ટાર્ગેટ ભાવ રૂ. 110નો આપ્યો છે. આમ તેના વર્તમાન બજાર ભાવમાં લગભગ 23.6 ટકાનો વધારો થવાની શક્યતા દર્શાવી છે. 2028 સુધીમાં વાર્ષિક આવકમાં અંદાજે 28 ટકાનો વધારો થવાની અપેક્ષા રાખવામાં આવી રહી છે. ઓનલાઈન સેગમેન્ટમાં 30 ટકાની વાર્ષિક વૃદ્ધિ થવાની ગણતરી સાથે કંપનીના નફામાં વધારો થવા માટેનો તે મુખ્ય સ્રોત બની રહે તેવી સંભાવના વ્યક્ત કરવામાં આવી છે. કંપની દર વર્ષે 70થી વધુ ઓફલાઈન સેન્ટર શરૂ કરવાની યોજના ધરાવે છે. આ ઓફલાઈન વિસ્તરણ માટે કંપની રૂ. 460 કરોડનું રોકાણ કરવા જઈ રહ છે. કંપની સિવિલ સર્વિસ અને કોમર્સ જેવી નવી કેટેગરીમાં પ્રવેશ મેળવવાની તૈયારી કરી રહી છે. તેમ જ સ્કૂલ મેનેજમેન્ટના માધ્યમથી નિયમિત શિક્ષણમાં પ્રવેશ કરવાનું પણ આયોજન થઈ ચૂક્યું છે.
Urban Company-અર્બન કંપની
JM Financialએ Urban Companyના શેરનો ટાર્ગેટ ભાવ રૂ. 125નો થવાની સંભાવના દર્શાવી છે. આમ તેના વર્તમાન બજાર ભાવમાં 15.7 ટકાનો વધારો થવાની શક્યતા દર્શાવવામાં આવી છે. કંપનીની વાર્ષિક આવકમાં 31 ટકાનો વધારો થવાની અપેક્ષા રાખવામાં આવી રહી છે. ભારતના ટોચના 200 શહેરોમાં વિસ્તરણ યોજના અર્બન કંપની ધરાવે છે. કંપની ઓનલાઈન હોમ સર્વિસીસમાં 60 ટકાથી વધુ માર્કેટ શેર ધરાવે છે. UAE અને સિંગાપુરમાં 30 ટકા વાર્ષિક આંતરરાષ્ટ્રીય વૃદ્ધિની શક્યતા દર્શાવવામાં આવી છે. InstaHelp સેવાના માધ્યમથી કંપની રૂ.1.3 લાખ કરોડના બજારમાં તક ઝડપી લઈને આગળ વધવાની નેમ ધરાવે છે. Native પ્રોડક્ટ રેન્જમાં 45 ટકાની વાર્ષિક વૃદ્ધિનો અંદાજ મૂકવામાં આવી રહ્યો છે.
JM Financial મુજબ Adani Energy Solutions, Bharti Airtel, PhysicsWallah અને Urban Company લાંબા ગાળામાં સ્થિર વૃદ્ધિ થાય તે માટેની મજબૂત સ્થિતિમાં છે. ટ્રાન્સમિશન પ્રોજેક્ટ મળવાની અને ટેરિફમાં વધારો થવાની સંભાવના કંપનીના કામકાજને વેગ આપી શકે છે. ડિજિટલ શિક્ષણના વિસ્તરણ અને હોમ સર્વિસ કેટેગરી ડીપનિંગથી કંપનીની આવકમાં વૃદ્ધિ થવી શક્ય છે. છતાં, અમલીકરણ અને સેક્ટર જોખમો યથાવત છે.
