ગુડ્સ ખરીદનારની ડિલીવરીનું લૉકેશન નંબર ન દર્શાવે તો ઇ-વે બિલમાં ભૂલ આવશે
ઈ-વે બિલ માટેના નવા નિયમો જાહેર કરવામાં આવ્યા: ડિલીવરી કર્યા વિના માત્ર બિલ બનાવીને વેપાર કર્યાનું દર્શાવનારાઓ પર નિયંત્રણ આવવાની સંભાવના વધી
માલની ડિલીવરી કરવામાં આવ ીજ હોવાનું કન્ફર્મ કરવા માટ ેઇ-વે બિલ ક્લોઝ કરવાની સિસ્ટમ લાગુ કરવામાં આવી
ઇ-વૅ બિલ ઇશ્યૂ કરવાની પ્રક્રિયા કરનારે ગુડ્સની ફાઈનલ ડિલીવરીના લૉકેશનનો ચોકસાઈપૂર્ણ અંદાજ મળી રહે તે માટે હવે શિપ ટુ જીએસટીઆઈને નંબર નાખવો ફરજિયાત કરવામાં આવ્યો છે. જીએસટીઆઈએન એ એક પંદર આંકડાનો નંબર છે. તેનાથી માલની ડિલીવરી મેળવનારનું એક્ઝેટ લોકેશન મળી જાય છે. અત્યાર સુધી ઇ-વે બિલમાં માત્ર બિલમાં એડ્રેસ નાખી દેવામાં આવતું હતું. હવે આ પ્રકારના ઇ-વે બિલ ઇશ્યૂ જ થશે નહિ. પરિણામે બોગસ બિલિંગ પર નિયંત્રણ આવશે. માત્ર બિલ બનાવીને ડિલીવરી આપ્યાનું બતાવી દેનાર માટે હવે બોગસ બિલ બનાવવા કઠિન બનશે. માલ રિસીવ કરનારનું એક્ઝેટ એડ્રેસ ઇન્ડિકેટ કરતો જીએસટી આઈએન નંબર તેમની પ્રવૃત્તિ પર બ્રેક લગાવશે.
ગુડ્સ એન્ડ સર્વિસ ટેક્સના જાણકારોનું કહેવું છે કે મેન્યુફેક્ચરિંગ યુનિટમાંથી નીકળેલા માલની આખરી ડિલીવરી ક્યાં થઈ તેનું પગેરું આ સિસ્ટમથી મળી શકશે. આ સ્થિતિમાં ઈ-વે બિલ જનરેટ કરતી વખતે પંદર આંકડાંનો જીએસટીઆઈએન નંબર સાચો ન દર્શાવનારનું ઇ-વે બિલ ભૂલભરેલું આવશે. તેને આધારે ભવિષ્યમાં કોમ્પ્લાયન્સ કરવું અઘરું બની જશે.
આ સાથે જ ઇ-વે બિલ ક્લોઝ કરવાની વ્યવસ્થા પણ સપ્લાયરને માથે નાખવામાં આવી છે. ઇ-વે બિલ ક્લોઝ કરવા માટે ડિલીવરી કર્યા પછીના એક દિવસ પૂરો થાય ત્યાં સુધીનો સમય આપવામાં આવ્યો છે. આમ ડિલીવરી થયા બાદ ઇ-વે બિલ ક્લોઝ થઈ જાય એટલે તેણે ડિલીવરી આપી દીધી હોવાનું અને તેણે ઈ-વે બિલમાં દર્શાવેલી વ્યક્તિને જ ડિલીવરી આપી હોવાનું પ્રસ્થાપિત થશે. તેમાં ચૂક હશે તો ભવિષ્યમાં તે સપ્લાયરની હાલત કફોડી થશે. જોકે જીએસટીના નિષ્ણાતો કહે છે કે મુંબઈમાં સપ્લાય આપીને ટ્રક ડ્રાઈવર પૂણે પહોંચી ગયા પછી ઈ-વે બિલ ક્લોઝ કરશે તો મુંબઈમાં ઈ-વે બિલ ક્લોઝ કેમ ન કર્યું તેનો વિવાદ થઈ શકે છે.
જૂની વ્યવસ્થા હેઠળ ઇ વે બિલને આધારે મેન્યુફેક્ચરિંગ યુનિટમાંથી નીકળેલો માલ ક્યા મોકલવામાં આવ્યો છે તેનો અંદાજ મળતો હતો. પરંતુ ઈ-વે બિલને ક્લોઝ કરવાની વ્યવસ્થાને કારણે માલ તે જ વ્યક્તિને પહોંચી ગયો હોવાનું પ્રસ્થાપિત કરશે. તેની નોંધ જીએસટીના પોર્ટલ પર પણ થશે. પરિણામે ભવિષ્યમાં બિલનું મેળવણું કરવું સરળ બની જશે. જોકે ઈ-વે બિલ ક્લોઝ કરવાની કામગીરી કરવા સંબંધિત વ્યક્તિઓને તાલીમ આપવી પડશે. તેમ જ મેન્યુફેક્ચરર્સ માટે તેના સપ્લાયનો યોગ્ય હિસાબ કે એકાઉન્ટ રાખી શકશે. તેમાં બેમાંથી એક પણ પક્ષ ના પાડી શકશે નહિ. આ નોબત ન આવે તે માટે સપ્લાયરે તેનો એકદમ ચોકસાઈપૂર્મ હિસાબ રાખવો પડશે. તેમાં કોઈ ભૂલ થયેલી હશે તો જીએસટી એક્ટની કલમ ૧૨૯ હેઠળ સપ્લાયર અને માલ ખરીદનાર બંને મુશ્કેલીમાં આવી જાય તેવી સંભાવના છે.
જીએસટીઆઈએન નંબર ખોટો નાખવામાં આવશો તે તેને પરિણામે આવનારા દિવસોમાં ઈ-વે બિલ ઇશ્યૂ કરાવવા જ કઠિન બની જશે. તેમાં માલ રિસીવ કરનાર અંગેની ખોટી વિગતો હશે તો તેવા સંજોગોમાં ઇનપુટ ટેક્સ ક્રેડિટ લેવી પણ ખઠિન બની જશે. આમ માલની ડિલીવરી લેનારને ઇનપુટ ટેક્સ ક્રેડિટ ન મળે તેવા સવાલો ઊભા થવાની પણ સંભાવના રહેલી છે.
