ક્રેડિટ કાર્ડથી વર્ષમાં 10 લાખથી વધુ ડિજિટલ ચૂકવણી કરશો તો આવકવેરા ખાતાને જાણ કરવામાં આવશે
ક્રેડિટ કાર્ડથી વર્ષમાં 10 લાખથી વધુ ડિજિટલ ચૂકવણી કરશો તો આવકવેરા ખાતાને જાણ કરવામાં આવશે, પહેલી એપ્રિલથી ક્રેડિટ કાર્ડ વાપરનારાઓ માટે પહેલી એપ્રિલથી 5 નવા નિયમો લાગુ પડશે
એક નાણાકીય વર્ષ દરમિયાન ક્રેડિટ કાર્ડ દ્વારા રૂ. 10 લાખ કે તેથી વધુ ડિજિટલ ચુકવણી (રોકડ સિવાય) કરો છો, તો બેંક અથવા કાર્ડ ઇશ્યૂઅર તેની માહિતી આવકવેરા વિભાગને આપી શકે છે. આવકવેરા વિભાગે Income Tax Draft Rules 2026 જાહેર કર્યા છે, જે મંજૂરી મળ્યા બાદ વર્ષો જૂના Income Tax Rules, 1962 ને બદલી દેશે. હાલ આ નિયમો ડ્રાફ્ટ સ્વરૂપમાં છે, પરંતુ તેમાં ક્રેડિટ કાર્ડ ધારકોને સીધી અસર કરે તેવી પાંચ મહત્વપૂર્ણ જોગવાઈઓનો સમાવેશ કરવામાં આવેલો છે. તેનો મુખ્ય હેતુ પારદર્શિતા વધારવો અને કરચોરી રોકવાનો જ છે.
ઊંચા મૂલ્યના ટ્રાન્ઝેક્શન પર કડક નજર
ડ્રાફ્ટ મુજબ, જો કોઈ વ્યક્તિ એક નાણાકીય વર્ષમાં રૂ. 10 લાખ કે તેથી વધુ રકમની ડિજિટલ ચુકવણી (કેશ-રોકડ સિવાય) ક્રેડિટ કાર્ડથી કરે, તો તેની વિગતો આવકવેરા વિભાગને મોકલવામાં આવી શકે છે. ઉપરાંત, રૂ. 1 લાખ અથવા તેથી વધુની રોકડેથી ચુકવણી પણ રિપોર્ટિંગ હેઠળ આવી શકે છે. મોટા ખર્ચ પર વધુ દેખરેખ રાખવાનો હેતુ કર અનુસરણ મજબૂત બનાવવાનો છે.
PAN મેળવવા માટે ક્રેડિટ કાર્ડ સ્ટેટમેન્ટના માન્ય સરનામાના પુરાવા
ડ્રાફ્ટ નિયમો મુજબ છેલ્લા ત્રણ મહિનાનું તાજું ક્રેડિટ કાર્ડ સ્ટેટમેન્ટ હોય સ્ટેટમેન્ટ પર અપડેટેડ સરનામું દર્શાવેલા સરનામાને એડ્રેસના પુરાવા તરીકે માન્ય રાખવામાં આવશે. અત્યારે એડ્રેસના પુરાવા તરીકે લાઈટ બિલ માગવામાં આવતું હતું. પાનકાર્ડ માટેના માન્ય પુરાવા તરીકે પાનકાર્ડના સ્ટેટમેન્ટ પરના સરનામાને માન્ય રાખવામાં આવશે. પરંપરાગત સરનામા પુરાવા વીજબીલ જ આપવાની શરતમાં રાહત મળશે. પાનકાર્ડની અરજી કરવા માટે ક્રેડિટ કાર્ડના સ્ટેટમેન્ટ પર દર્શાવેલા સરનામાને સરનામાના પુરાવા તરીકે માન્ય રાખવામાં આવશે.
કંપનીના ક્રેડિટ કાર્ડના ખર્ચ કર્મચારીના પગાર ગણાશે
કંપનીઓ દ્વારા ક્રેડિટ કાર્ડ આપવામાં આવ્યા હશે તો તેના થકી કરવામાં આવનારા ખર્ચને કર્મચારીને આપવામાં આવેલા ભથ્થા તરીકે ગણતરીમાં લેવામાં આવશે. આ ખર્ચને પગારમાં ઉમેરીને તેને કર્મચારીની આવકનો હિસ્સો ગણીને તેના પર આવકવેરો પણ ઉમેરવામાં આવશે. આવકવેરો ઓનલાઈન ચૂકવવા માટે ક્રેડિટ કાર્ડથી કરવામાં આવેલા પેમેન્ટને માન્ય રાખવામાં આવશે. જો કંપની દ્વારા આપવામાં આવેલ ક્રેડિટ કાર્ડનો ઉપયોગ વ્યક્તિગત ખર્ચ માટે થાય, તો તે પરક્વિઝિટ-ભથ્થા ગણી લઈને તેના પર કર લાગશે. જોકે સત્તાવાર કામ, બિઝનેસ પ્રવાસ, ક્લાયન્ટ મીટિંગ વગેરે માટે થયેલો ખર્ચ કરમુક્ત રહેશે. નોકરીદાતાને સત્તાવાર ખર્ચના વિગતવાર રેકોર્ડ રાખવા પડશે.
ક્રેડિટ કાર્ડના વહેવારો સહિતના તમામ ડિજિટલ પેમેન્ટ્સની સલામતી વધારવા માટે બે પરિબળોથી તેને અધિકૃત કરવાના રહેશે. નવા નિયમો હેટળ ઊંચા મૂલ્યના ખર્ચાઓ સામે વ્યક્તિએ જાહેર કરેલી આવકની સરખામણી કર્યા પછી તેણે વેરાની ચોરી કરી છે કે નહિ તેની ખરાઈ કરવામાં આવશે.
અત્યારે ઇન્કમ ટેક્સ ચુકવણી મુખ્યત્વે નેટ બેન્કિંગ અથવા ડેબિટ કાર્ડથી થાય છે. ડ્રાફ્ટ મુજબ ભવિષ્યમાં ક્રેડિટ કાર્ડથી પણ ઇન્કમ ટેક્સ ભરવાની મંજૂરી મળી શકે છે. અત્યારે બેન્કો ક્રેડિટ કાર્ડ વાપરનારાઓ પાસેથી પ્રોસેસિંગ ચાર્જ અથવા વ્યાજ વસૂલ કરી શકે છે. આ બાબત ક્રેડિટ કાર્ડ વાપરનારાઓના કુલ ખર્ચ વધારી શકે છે.
ક્રેડિટ કાર્ડ માટે PAN ફરજિયાત
ડ્રાફ્ટ મુજબ, ક્રેડિટ કાર્ડ માટે અરજી કરતી વખતે PAN આપવું ફરજિયાત રહેશે. PAN વિના બેંક અરજી સ્વીકારશે નહીં. આ પગલું મહત્વપૂર્ણ નાણાકીય વ્યવહારોને ટેક્સ રેકોર્ડ સાથે જોડવા માટે લેવામાં આવ્યું છે.
