NSEનો પબ્લિક ઇશ્યૂ લાંબા ગાળાના રોકાણકારો માટે લાભદાયી સાબિત થઈ શકે
NSEનો પબ્લિક ઇશ્યૂ લાંબા ગાળાના રોકાણકારો માટે લાભદાયી સાબિત થઈ શકે
નેશનલ સ્ટોક એક્સચેન્જ ઓફ ઇન્ડિયા (NSE) નો પબ્લિક ઇશ્યૂ આજથી રોકાણકારો માટે ખુલી ગયો છે. શેરની ઓફર પ્રાઈસ બેન્ડ રૂ. ૧,૭૦૦થી રૂ.૧,૭૮૫ પ્રતિ શેરની છે. હા, એનએસઈના કર્મચારીઓ માટે ઓફર પ્રાઈસમાં રૂ.૧૭૦ નું ડિસ્કાઉન્ટ આપવામાં આવ્યું છે. આ પબ્લિક ઇશ્યૂમાં કોઈ નવો શેર બહાર પાડવામાં આવ્યો નથી. પબ્લિક ઇશ્યૂમાં કુલ ૧૨,૬૪,૩૬,૬૫૦ શેર્સ ઓફર કરવામાં આવી રહ્યા છે. તેનું મૂલ્ય અંદાજે રૂ. ૨૨,૫૬૧.૫૭ કરોડ છે. આ સંપૂર્ણ પબ્લિક ઇશ્યૂ ઓફર ફોર સેલ છે, જેમાં હયાત શેરધારકો સ્ટેટ બેન્ક, બેન્ક ઓફ બરોડા પોતાનો હિસ્સો વેચી રહ્યા છે. તેથી આ રકમ કંપનીના ખાતામાં નહીં પરંતુ શેર વેચનાર શેરધારકો પાસે જશે.
પબ્લિક ઇશ્યૂનું સમયપત્રક
IPO ખુલવાની તારીખ: ૧૭ સપ્ટેમ્બર ૨૦૨૬ (ગુરુવાર)
IPO બંધ થવાની તારીખ: ૨૧ સપ્ટેમ્બર ૨૦૨૬ (સોમવાર)
એલોટમેન્ટની આખરી થવાની તારીખ: ૨૨ સપ્ટેમ્બર ૨૦૨૬
રિફંડ અને ડીમેટમાં શેર જમા થવાની તારીખ: ૨૩ સપ્ટેમ્બર ૨૦૨૬
લિસ્ટિંગ તારીખ: ૨૪ સપ્ટેમ્બર ૨૦૨૬ (ગુરુવાર)
લિસ્ટિંગ ક્યાં થશે: આ શેર માત્ર BSE (બોમ્બે સ્ટોક એક્સચેન્જ) પર લિસ્ટ થશે.
ગ્રે માર્કેટ પ્રીમિયમ અને લિસ્ટિંગ લાભની શક્યતા
આજની તારીખે અનઓફિશિયલ ગ્રે માર્કેટમાં NSE નો શેર ₹૧૨૫ થી ₹૧૪૫ ના પ્રીમિયમ પર ટ્રેડ થઈ રહ્યો છે. અંદાજિત લિસ્ટિંગ ભાવ રૂ. રૂ. ૧,૯૧૦ થી ₹૧,૯૩૦નો રહેવાની સંભાવના છે. એનએસઈના પબ્લિક ઇશ્યૂમાં અરજી કરનારાઓે સાતથી સાડા આઠ ટકાનો લિસ્ટિંગ લાભ મળવાની સંભાવના છે. શેરબજારમાં ખૂબ મોટી કદની ઇશ્યૂ સાઇઝ હોવાને કારણે મોટા ધમાકેદાર લિસ્ટિંગ ગેઈનની જગ્યા ઓછી રહે છે.
શેરના ભાવનું ટૂંકા, મધ્યમ અને લાંબા ગાળાનું પરફોર્મન્સ
ટૂંકા ગાળાનું વલણ: મધ્યમરહેવાની શક્યતા છે. કારણ કે ૧૦૦ ટકા ઓફર ફોર સેલ હોવાથી અને ગ્રે માર્કેટ પ્રીમિયમ ૭-૮ ટકા જેવું જ હોવાથી ખૂબ મોટો લિસ્ટિંગ ગેઈન મળવાની શક્યતા ઓછી છે. મધ્યમ ગાળામાં થોડી અફરાંતફરી કે તોફાની વધઘટ જોવા મળી શકે છે. કારણ કે લિસ્ટિંગના ૬ મહિના પછી પબ્લિક ઇશ્યૂ પૂર્વેના શેરધારકોનો લોક-ઇન પીરિયડ પૂરો થશે, જેથી માર્કેટમાં શેર્સનું સેલિંગ પ્રેશર-વેચવાલીનું દબાણ આવી શકે છે. આ ઉપરાંત સેબીદ્વારા ઓપ્શન્સ ટ્રેડિંગ અંગેના નવા નિયમોથી ટ્રેડિંગ વોલ્યુમ ઘટવાની પણ ચિંતા છે.
લાંબા ગાળાનું પરફોર્મન્સ ખૂબ મજબૂત અને તેજીતરફી રહેવાની સંભાવના છે. કારણ કે ભારતના રોકડના માર્કેટ ટર્નઓવરમાં નેશનલસ્ટોક એક્સચેન્જનો ૯૯ ટકાથી વધુ હિસ્સો છે. બીજું, ભારતમાં ડિજિટલ ટ્રેડિંગ અને રોકાણકારોની સંખ્યા સતત વધી રહી છે. ત્રીજું, કંપની માર્જિન અને નફાકારકતામાં દેશની સૌથી મજબૂત કંપનીઓમાંથી એક છે.
પબ્લિક ઇશ્યૂમાં અરજી કરવી કે નહીં?
ભારતીય કેપિટલ માર્કેટની કરોડરજ્જુ સમાન એક્સચેન્જ છે. રૂ. ૧,૭૮૫ની અપર પ્રાઈસ પર એનએસઈનો પી.ઈ. રેશિયો અંદાજે ૪૨.૯x થાય છે, જે તેના એકમાત્ર લિસ્ટેડ હરીફ બીએસઈના પી.ઈ. રેશિયો ૫૩x+ કરતાં સસ્તો અને વાજબી છે. ભારતના આર્થિક વિકાસ સાથે સ્ટોક માર્કેટનો વિકાસ સીધો જોડાયેલો છે. આ માત્ર ઓફર ફોર સેલ હોવાથી કંપનીમાં ગ્રોથ માટે નવો પૈસો જવાનો નથી તેથી અરજી કરતાં પહેલા બરાબર વિચાર કરવો જરૂરી છે. બીજું, રોકાણકાર તરીકે તમારો હેતુ માત્ર ૨૦-૩૦ ટકા જેવો લિસ્ટિંગ ગેઈન કમાવાનો હોય, તો આ પબ્લિક ઇશ્યૂ નિરાશ કરી શકે છે. સેબી દ્વારા ટ્રેડિંગ નિયમો કે ચાર્જિસમાં થતા ફેરફારોથી કંપનીના ટ્રાન્ઝેક્શન ઈન્કમ પર સીધી અસર પડી શકે છે.
જો તમે ટૂંકા ગાળાના લિસ્ટિંગ ગેઈન માટે જ અરજી કરી રહ્યા હોવ, તો મર્યાદિત રિટર્નની ગણતરી રાખવી. પરંતુ જો તમે લાંબા ગાળાના રોકાણકાર છો અને પોર્ટફોલિયોમાં એક મજબૂત, પોર્ટફોલિયો-સ્ટોક ઉમેરવા માંગો છો, તો આ પબ્લિકઇશ્યૂમાં ચોક્કસ અરજી કરી શકાય છે. તમારા માટે જરૂરી બંને ટેબલ નીચે મુજબ સરળ રીતે દર્શાવેલ છે:
અરજી માટેના શેર્સ અને રોકાણની વિગતોનું ટેબલ
| કેટેગરી | લોટ (Lots) | શેર્સની સંખ્યા | જરૂરી રકમ (₹૧,૭૮૫ ની અપર પ્રાઈસ મુજબ) |
| રિટેલ (ન્યૂનતમ / Minimum) | ૧ લોટ | ૮ શેર્સ | ₹૧૪,૨૮૦ |
| રિટેલ (મહત્તમ / Maximum) | ૧૪ લોટ | ૧૧૨ શેર્સ | ₹૧,૯૯,૯૨૦ |
| Small HNI (S-HNI Min) | ૧૫ લોટ | ૧૨૦ શેર્સ | ₹૨,૧૪,૨૦૦ |
| Small HNI (S-HNI Max) | ૭૦ લોટ | ૫૬૦ શેર્સ | ₹૯,૯૯,૬૦૦ |
| Big HNI (B-HNI Min) | ૭૧ લોટ | ૫૬૮ શેર્સ | ₹૧૦,૧૩,૮૮૦ |
NSE નું છેલ્લા ત્રણ વર્ષનું નાણાકીય પરફોર્મન્સ (₹ કરોડમાં)
| નાણાકીય વિગત | નાણાકીય વર્ષ ૨૦૨૩-૨૪ | નાણાકીય વર્ષ ૨૦૨૪-૨૫ | નાણાકીય વર્ષ ૨૦૨૫-૨૬ |
| કુલ સંપત્તિ (Assets) | ₹૬૫,૪૬૩.૯૮ | ₹૬૯,૪૬૬.૬૪ | ₹૮૭,૯૩૭.૪૪ |
| કુલ આવક (Total Income) | ₹૧૬,૩૫૨.૦૬ | ₹૧૯,૧૭૬.૮૩ | ₹૧૮,૭૧૩.૩૭ |
| કર પછીનો ચોખ્ખો નફો (PAT) | ₹૮,૩૦૫.૭૪ | ₹૧૨,૧૮૭.૬૯ | ₹૧૦,૩૦૨.૦૬ |
| ઈબિટા (EBITDA) | ₹૧૧,૬૨૩.૮૩ | ₹૧૬,૦૨૧.૩૬ | ₹૧૪,૫૧૯.૦૯ |
| નેટ વર્થ (Net Worth) | ₹૨૩,૮૩૩.૧૦ | ₹૩૦,૧૬૫.૦૫ | ₹૩૧,૮૬૯.૭૨ |
Tags: biggest IPO in India Gujarati SEO Tags (33 Tags) એનએસઈ આઈપીઓ Indian stock exchange IPO National Stock Exchange IPO National Stock Exchange share price NSE IPO NSE IPO allotment NSE IPO analysis NSE IPO apply or avoid NSE IPO date 2026 NSE IPO details NSE IPO financial performance NSE IPO GMP NSE IPO Grey Market Premium NSE IPO investment limit NSE IPO issue price NSE IPO latest news NSE IPO lead managers NSE IPO listing date NSE IPO lot size NSE IPO lot size price NSE IPO offer for sale NSE IPO price band NSE IPO prospectus NSE IPO prospectus RHP NSE IPO recommendation NSE IPO review NSE IPO size NSE IPO subscription NSE IPO subscription status NSE IPO valuation NSE OFS issue NSE share listing BSE NSE share price prediction આઈપીઓ સમાચાર ગુજરાતી એનએસઈ આઈપીઓ અપડેટ એનએસઈ આઈપીઓ અરજી કરવી કે નહીં એનએસઈ આઈપીઓ એલોટમેન્ટ એનએસઈ આઈપીઓ ઓએફએસ એનએસઈ આઈપીઓ ઓફર ફોર સેલ એનએસઈ આઈપીઓ ગ્રે માર્કેટ પ્રીમિયમ એનએસઈ આઈપીઓ જીએમપી એનએસઈ આઈપીઓ નાણાકીય માહિતી એનએસઈ આઈપીઓ ન્યૂઝ એનએસઈ આઈપીઓ પ્રાઈસ બેન્ડ એનએસઈ આઈપીઓ ફાયદા એનએસઈ આઈપીઓ ભાવ એનએસઈ આઈપીઓ માર્ગદર્શન એનએસઈ આઈપીઓ માહિતી ગુજરાતી એનએસઈ આઈપીઓ રિવ્યુ એનએસઈ આઈપીઓ રોકાણ મર્યાદા એનએસઈ આઈપીઓ લિસ્ટિંગ ગેઈન એનએસઈ આઈપીઓ લિસ્ટિંગ તારીખ એનએસઈ આઈપીઓ લોટ સાઈઝ એનએસઈ આઈપીઓ વિગતો એનએસઈ આઈપીઓ વિશ્લેષણ એનએસઈ આઈપીઓ સબ્સ્ક્રિપ્શન એનએસઈ આઈપીઓ સમયપત્રક એનએસઈ શેર ખરીદવો કે નહીં એનએસઈ શેર ભાવ નેશનલ સ્ટોક એક્સચેન્જ આઈપીઓ બીએસઈ પર લિસ્ટિંગ ભારતીય શેર બજાર આઈપીઓ શેર બજાર આઈપીઓ સમાચાર શેર બજાર રોકાણ ટિપ્સ
