સરકારી નિયંત્રણને પરિણામે કેન્સરની દવા 70 ટકા સસ્તી થશે
કેન્સરના દર્દીઓ માટે મોટા રાહતના સમાચાર: ટ્રેડ માર્જિન પર 30%ની મર્યાદાથી દવાની કિંમતોમાં 70% સુધીનો તીવ્ર ઘટાડો શક્ય
કેન્સરની સારવાર કરાવતા લાખો દર્દીઓ અને તેમના પરિવારો માટે કેન્દ્ર સરકારે એક અત્યંત મહત્વપૂર્ણ અને રાહતરૂપ નિર્ણય લીધો છે. સરકારે તમામ નોન-શિડ્યુલ્ડ (અનિયંત્રિત) એન્ટી-કેન્સર દવાઓ પર વેપારીઓના નફા (ટ્રેડ માર્જિન) પર મહત્તમ 30 ટકાની મર્યાદા લાદી દીધી છે. આમ કેન્સરની દવા પર 30 ટકાથી વધુ માર્જિન રાખી શકાશે નહિ. સરકારના આ ઐતિહાસિક પગલાના કારણે કેન્સરની અસરગ્રસ્ત દવાઓની મહત્તમ છૂટક કિંમતમાં 70 ટકા સુધીનો મોટો ઘટાડો જોવા મળશે. આ નિર્ણયથી દેશમાં કેન્સરની મોંઘી સારવાર લઈ રહેલા દર્દીઓને વાર્ષિક આશરે રૂ. 2,500 કરોડની માતબર બચત થશે.
કેમિસ્ટની ખરીદ કિંમત અને છૂટક વેચાણ ભાવ વચ્ચેનો ગાળો
નેશનલ ફાર્માસ્યુટિકલ પ્રાઇસિંગ ઓથોરિટી (NPPA)ના અભ્યાસ અને તાજેતરમાં સુપ્રીમ કોર્ટ સમક્ષ રજૂ થયેલા અધિકૃત ડેટા અનુસાર, કેન્સરની નોન-શિડ્યુલ્ડ દવાઓ પર સરેરાશ ટ્રેડ માર્જિન 170 ટકા જેટલું ઊંચું જોવા મળ્યું હતું, જ્યારે કેસ-ટુ-કેસ ધોરણે આ નફાનું પ્રમાણ 700 ટકા સુધી પહોંચી જતું હતું. ઉદાહરણ આપીને વાત કરીએ તો તાજેતરમાં સર્વોચ્ચ અદાલતમાં રજૂ થયેલા કિસ્સા અને નેશનલ ફાર્માસ્યૂટિકલ પ્રાઈઝિંગ ઓથોરિટીની માહિતી મુજબ કેન્સરની અમુક ચોક્કસ દવાઓ જે હોસ્પિટલ કે કેમિસ્ટને માત્ર રૂ.3,000 ના સપ્લાય ભાવે મળતી હતી, તેના પર રૂ. 27,000 સુધીની છૂટક વેચાણ કિંમત છાપવામાં આવતી હતી. એટલે કે 900 ટકા સુધીનો તફાવત દર્દીઓ પાસેથી વસૂલવામાં આવતો હતો.
આજ રીતે ઓક્સાલીપ્લેટિનનું 100 મિલીગ્રામના ઇન્જેક્શન 350 ટકા ઊંચા ભાવ લાચાર અને માયૂષ દરદીઓને ખર્ચવા પડી રહ્યા છે. ક્લિનિકલ ડેટા અને બજાર અભ્યાસ મુજબ ઓક્સાલીપ્લેટિન જેવી કીમોથેરાપી માટે વપરાતી દવાની લઘુત્તમ ખરીદ કિંમત અંદાજે ₹2,132 હતી, જ્યારે તેની જ અલગ અલગ બ્રાન્ડ્સની બજારમાં છૂટક વેચાણ કિંમત રૂ. 9,495 સુધી છાપવામાં આવતી હતી
ફ્લુટામાઇડ – Flutamide 250mg Tablet): હોર્મોનલ કેન્સર સારવારમાં વપરાતી દવા ફ્લુટામાઇડની મૂળ કિંમત આશરે રૂ. 90 હોવા છતાં, ચોક્કસ બ્રાન્ડ્સ દ્વારા તેની MRP રૂ. 736 દર્શાવીને 714 ટકા જેટલો જંગી માર્જિન મેળવવામાં આવતો હતો. આવા જંગી તફાવતને કારણે હોસ્પિટલો, રિટેલ ફાર્મસી અને ઓનલાઈન મેડિકલ સ્ટોર્સ વચ્ચે ભાવમાં મોટો તફાવત રહેતો હતો, જેનો સીધો આર્થિક બોજ દર્દીઓ પર પડતો હતો.
સરકાર દ્વારા લેવાયેલાં અન્ય પગલાં:
-
વિસ્તૃત પોઝિટિવ લિસ્ટ અને 110 દવાઓની ઓળખ: ડાયરેક્ટોરેટ જનરલ ઓફ હેલ્થ સર્વિસીસ (DGHS) હેઠળની નિષ્ણાત સમિતિ દ્વારા 110 જેટલી નોન-શિડ્યુલ્ડ કેન્સર દવાઓ ઓળખી કાઢવામાં આવી છે (જેમાંથી 35 પેટન્ટેડ છે).
- ઉત્પાદન જાળવી રાખવાની શરત: દર્દીઓને જીવનરક્ષક દવાઓની અછત ન સર્જાય તે માટે ઉત્પાદકોને વર્તમાન ઉત્પાદન સ્તર જાળવી રાખવા આદેશ અપાયો છે.
- દર્દીઓ પરથી આર્થિક બોજ હળવો: ભારતમાં કેન્સરના દર્દીઓ સારવારનો 75% ખર્ચ પોતાના ખિસ્સામાંથી કરે છે. 30 ટકા ટ્રેડ માર્જિનની મર્યાદાથી દર્દીઓને વાર્ષિક રૂ. 2,500 કરોડની સીધી બચત થશે.
- પારદર્શક ભાવ માળખું: હોસ્પિટલો અને કેમિસ્ટ દ્વારા લેવાતા અવાસ્તવિક નફા પર લગામ લાગશે.
- કંપનીઓના મહેસૂલને નુકસાન નહીં: આ પગલું માત્ર વેપારીઓ (સ્ટોકિસ્ટ/રિટેલર) ના માર્જિન પર છે, તેથી દવા ઉત્પાદકોના વેચાણ ભાવ કે આવક પર માઇનસ અસર નહીં પડે.
પુરવઠા પર સંભવિત અસર: જો રિટેલરો કે સ્ટોકિસ્ટોને નફો ઓછો જણાશે, તો તેઓ કેટલીક મોંઘી કે ઓછી માંગવાળી કેન્સર દવાઓનો સ્ટોક રાખવામાં આનાકાની કરી શકે છે, જેનાથી સ્થાનિક અછત ઊભી થવાનું જોખમ રહે છે.હોસ્પિટલ કમાણીમાં ઘટાડો: હોસ્પિટલો પોતાની ફાર્મસીમાંથી ઊંચા માર્જિનથી કમાણી કરતી હતી. આ મર્યાદાથી હોસ્પિટલો પોતાના અન્ય ચાર્જીસ (જેમ કે બેડ ચાર્જ અથવા કન્સલ્ટેશન ફી) માં વધારો કરવાનો પ્રયાસ કરી શકે છે.
Tags: 70 percent MRP reduction cancer Anti-cancer drug turnover India Anti-neoplastic drugs pricing Cancer chemotherapy cost India Cancer drug manufacturing cost Cancer drug price reduction Cancer drug procurement price vs MRP Cancer drug supply chain transparency Cancer medicine MRP price drop Cancer medicine price variability Cancer patients annual savings DGHS positive list cancer Flutamide tablet price difference GST Council 57th meeting decisions Health insurance ITC pharma Hospital drug markups scrutiny Hospital pharmacy trade margin India cancer treatment savings Indian healthcare policy updates Indian pharma pricing regulation Inverted duty structure refund Ministry of Health anti-cancer drugs MSME pharma relief rules Non-scheduled anti-cancer drugs NPPA cancer drug ceiling price NPPA Paragraph 19 DPCO 2013 Out of pocket cancer expenditure Oxaliplatin drug price Patented cancer drugs price cut PTR to MRP margin gap Stockist price trade margin Supreme Court cancer drug price Trade margin cap 30 percent આરોગ્ય મંત્રાલય કેન્સર દવા એનપીપીએ કેન્સર દવાની કિંમત એમએસએમઈ ફાર્મા સુગમતા ઓક્સાલીપ્લેટિન ઇન્જેક્શન ભાવ કેન્સર કીમોથેરાપી ખર્ચ કેન્સર દર્દીઓની બચત કેન્સર દવા ઉત્પાદન કિંમત કેન્સર દવા બજાર ભાવ કેન્સર દવા સપ્લાય ભાવ કેન્સર દવાઓ પર બચત કેન્સર દવાની અછત જોખમ કેન્સર દવાની એમઆરપી ઘટાડો કેન્સર દવાની કિંમતો ઘટી કેન્સર પેટન્ટેડ દવાઓ ભાવ કેન્સર ફાર્મસી માર્જિન કટ કેન્સર મેડિસિન પ્રાઇસ કટ કેન્સર રિટેલ પ્રાઇસ ઘટાડો કેન્સર સારવાર રાહત કેન્સર સારવાર સમાચાર જીએસટી 57મી બેઠક કેન્સર દવા જીએસટી ઇનપુટ ટેક્સ ક્રેડિટ નિયમ જીએસટી કાઉન્સિલ નિર્ણય ટ્રેડ માર્જિન 30 ટકા ડીજીએચએસ પોઝિટિવ લિસ્ટ નિર્મલા સીતારમણ કેન્સર દવા નિર્ણય નોન શિડ્યુલ્ડ કેન્સર દવા ફાર્મા ક્ષેત્ર ટ્રેડ માર્જિન ફાર્માસ્યુટિકલ પ્રાઇસિંગ ઇન્ડિયા ફ્રી સેમ્પલ જીએસટી ક્રેડિટ ભારત મંડપમ જીએસટી બેઠક ભારતમાં કેન્સર સારવાર ખર્ચ હેલ્થ મિનિસ્ટ્રી ફાર્મા નિર્ણય હોસ્પિટલ દવાની કિંમત તફાવત
