UAEમાં વિઝાની મુદત વીતિ ગયા છતાં રોકાયેલા પ્રવાસીઓને દંડ માફ કર્યો
- દુબઈના સંવેદનશીલ વિસ્તારોની તસવીર શેર ન કરવાની સ્થાનિક લોકોને સરકારે ચેતવણી આપી
મધ્ય પૂર્વમાં ચાલી રહેલા યુદ્ધના કારણે વિઝાની મુદત પૂરી થઈ ગયા પછીય રોકાઈ ગયેલા પ્રવાસીઓને દંડ માફ કરી દેવાની જાહેરાત યુનાઈટેડ આરબ અમિરાતની સરકારે કરી દીધી છે. વિમાન સેવા બંધ થતાં હજારો પ્રવાસીઓ UAEમાં અટવાઈ ગયા છે. પરિસ્થિતિને ધ્યાનમાં રાખીને સરકારે વિઝા ઓવરસ્ટે માટેનો દંડ માફ કરવાની જાહેરાત કરી છે. જેથી પ્રવાસીઓ પર આર્થિક બોજ પડશે નહિ. આ સાથે જ દુબઈના અધિકારીઓએ લોકોને ચેતવણી આપી છે કે સંવેદનશીલ સ્થળોની તસવીરો અથવા વિડિયો સોશિયલ મીડિયા પર શેર ન કરવા
પાંચમી માર્ચે પણ પરિસ્થિતિ તણાવપૂર્ણ જ રહી હોવાથી United Arab Emirates સરકારે સુરક્ષા એલર્ટ જારી રાખ્યું છે. યુદ્ધ શરૂ થયા પછીથી અત્યાર સુધીમાં 1,000થી વધુ ઇરાની ડ્રોન અને મિસાઇલ હુમલાઓ અટકાવવામાં આવ્યા છે.
મોટા એરપોર્ટ હબ્સ ગણાતા Dubai International Airport (DXB) અને Abu Dhabi International Airport પર ઘણી ફ્લાઈટ્સ હાલ સ્થગિત છે. હાલમાં માત્ર આપાતકાલીન અને રિપેટ્રિએશન સેવાઓ-રઝળી પડેલા પ્રવાસીઓને સ્વદેશ પરત લઈ જવા માટેની માટે પ્રતિ કલાક 48 ફ્લાઈટ્સની મર્યાદિત કામગીરી ચાલુ છે.
UAEના અધિકારીઓએ જણાવ્યું કે 3 બેલિસ્ટિક મિસાઇલ અને 121 ડ્રોન રોકવામાં આવ્યા. અત્યાર સુધીમાં 78 લોકો ઘાયલ થયાની માહિતી છે. ગઈકાલે સાંજે વધુ એક હુમલો રોકવામાં આવ્યો હતો પરંતુ તે સમયે કોઈ ઈજા નોંધાઈ નથી.
ફ્લાઈટ્સ અને એર ટ્રાવેલ પર અસર
એક, Emirates એ જાહેરાત કરી કે તેની ફ્લાઈટ્સ 7 માર્ચ સુધી સ્થગિત રહેશે.
બે, Etihad Airways એ પણ જણાવ્યું કે તેની સેવાઓ 6 માર્ચ સુધી બંધ રહેશે.
ત્રણ Air India એ જણાવ્યું કે જેદ્દાહ–દિલ્હી અને મુંબઈ રૂટની ફ્લાઈટ્સ 5 માર્ચથી ફરી શરૂ થશે, પરંતુ મધ્ય પૂર્વની ઘણી સેવાઓ હજુ બંધ છે.
મહત્વપૂર્ણ ઘટનાઓ
Wizz Air એ જણાવ્યું હતુ કે યુદ્ધના કારણે તેના 2026 નાણાકીય વર્ષના નફામાં લગભગ €50 મિલિયનનો ઘટાડો થઈ શકે છે. Amazon Web Servicesના બેહરીન ડેટા સેન્ટર પર ડ્રોન હુમલો થયો હોવથી ઈન્ફ્રાસ્ટ્રક્ચરને નુકસાન થયું છે. Donald Trump એ કહ્યું કે અમેરિકા અને ઈઝરાયેલ ઈરાન સામે સૈન્ય અભિયાન ચાલુ રાખશે. Marco Rubio એ સાઉદી અરેબિયાના વિદેશ મંત્રી Faisal bin Farhan Al Saud સાથે વાતચીત કરી હતી.
અમેરિકી નાગરિકોની વાપસી
United States Department of State મુજબ 28 ફેબ્રુઆરી પછી મધ્ય પૂર્વમાંથી 17,500થી વધુ અમેરિકી નાગરિકો અમેરિકા પરત ફર્યા છે.
