ગુજરાતની વીજ કંપનીના વીજબિલ રૂ.૨૫૦-૩૦૦ વધી જતાં પ્રજાની પરેશાની વધી ગઈ
ગુજરાતની વીજ કંપનીના વીજબિલ રૃ.૨૫૦-૩૦૦ વધી જતાં પ્રજાની પરેશાની વધી ગઈ
જીયુવીએનએલની નવી ફોર્મ્યુલાથી વીજબિલમાં જબરદસ્ત ઊછાળો આવતા પ્રજા ચોંકી ગઈ
ગુજરાત ઉર્જા વિકાસ નિગમની વીજ ઉત્પાદન કંપનીઓ પાસેથી વીજળી ખરીદતા અંદાજે સવા કરોડ વીજજોડાણધારકોને ઓક્ટોબર મહિનાથી નવી ફોર્મ્યુલા પ્રમાણે બે માસના બિલ મળતા થતાં હોબાળો મચી ગયો છે. દક્ષિણ ગુજરાત, મધ્ય ગુજરાત, પશ્ચિમ ગુજરાત, ઉત્તર ગુજરાતના સામાન્ય વીજ વપરાશકારોના બે માસના બિલમાં અંદાજે રૃા. ૨૫૦થી ૩૦૦નો વધારો થઈ ગયો છે. ઓક્ટોબરમાં આવેલા બે માસના બિલમાં અંદાજે પાંચથી છ ટકાનો વધારો થયો છે. પરંતુ સપ્ટેમ્બરમાં જાહેર કરેલા નવી ફોર્મ્યુલાનો અમલ જુલાઈ ૨૦૨૬થી કરવામાં આવ્યો હોવાથી જુલાઈ ઓગસ્ટના વધારાનો બોજો પણ ઓક્ટોબરના બિલમાં રિફ્લેક્ટ થયો છે તેથી બિલ બહુ જ વધી ગયા હોવાની બૂમરાણ થઈ છે.
સરકારી વીજ કંપનીઓ અત્યાર સુધી ફિક્સ ચાર્જ એટલે કે મીટરનો ચાર્જ, ફ્યુઅલ પ્રાઈસ અને પાવર પરચેઝ એગ્રીમેન્ટ-એફપીપીપીએમાં વીજળી પેદા કરવા માટે વપરાયેલા કોલસા અને ગેસના ખર્ચને ધ્યાનમાં લેવામાં આવતો હતો. જૂની પદ્ધતિમાં માત્ર વપરાયેલા યુનિટ દીઠ એક સરખો બળતણ ચાર્જ ઉમેરાતો હતો. હવે બે નવી વસ્તુઓ ઉમેરાઈ છે. તેને ઉદાહરણ આપીને સમજીએ.
સપ્ટેમ્બરમાં જાહેર થયેલી નવી ફોર્મ્યુલા ૧, જુલાઈથી લાગુ કરવામાં આવી હોવાથી ઓક્ટોબરના બિલમાં તોતિંગ વધારો
સપ્ટેમ્બર ૨૦૨૬માં જાહેર થયેલી અને જુલાઈ ૨૦૨૬થી લાગુ કરવામાં આવેલી નવી ફોર્મ્યુલા પ્રમાણે એક યુનિટ દીઠ એફપીપીપીએ ચાર્જ રૃ. ૨.૩૦ હતો તેમાં સીધો ૧૫ પૈસા વધાારી દઈને રૃ. ૨.૪૫ કરી દીધા છે. આમ ૨૦૦ યુનિટ વીજળી વાપરનારના બિલમાં સીધો રૃ. ૩૦નો ઉમેરો થઈ ગયો છે. જુલાઈ અને ઓગસ્ટ માસના બિલના પણ બીજા રૃ. ૩૦ ઉમેરાયા છે. આમ એફપીપીપીએના રુ. ૬૦નો વધારો થયો છે.
આમ ફિક્સ ચાર્જના વધારા ઉપરાંત મીટરના ચાર્જના રૃ. ૫૦ ( જુલાઈ-ઓગસ્ટ અને સપ્ટેમ્બર ઓક્ટોબરના મળીને રુ.૧૦૦) અને યુનિટદીઠ વપરાશના રૃ. ૯૫૦ના ચાર્જ પ્રમાણે કુલ રૃ. ૧૦૦૦ વત્તા એફપીપીએના ૨૪૫ મળીને રૃ. ૧૨૯૫ના ચાર ટકા પ્રમાણે બીજા રૃ. ૫૦-૫૨ બિલમાં ઉમેરાઈ ગયા છે. જુલાઈ ઓગસ્ટનો પણ વધારો ઓક્ટોબરના બિલમાં આવ્યો હોવાથી કુલ બિલમાં રૃ. ૧૫૦થી ૨૦૦નો વધારો આવી ગયો હોવાનો અંદાજ છે. સામાન્ય કરતાં વધુ વીજળી વાપરનારાઓના બિલમાં રુ. ૩૦૦થી ૬૦૦નો વધારો આવી ગયો છે. કારણ કે તેમના યુનિટનો સ્લેબ બદલાતા તેમના વીજયુનિટદીઠ ચાર્જમાં પણ વધારો થાય છે.
આમ નવી ફોર્મ્યુલા હેઠળ એફપીપીપીએ અને યુનિટદીઠ ચાર્જ તથા મીટર ચાર્જના સરવાળાની થતી કુલ રકમના ૩.૯૯ ટકાનો સીો વધારો કરી દેવામાં આવ્યો છે. આમ અંદાજે બીજા ચાર ટકા પ્રમાણેનો વધારો આવ્યો છે. આ રીતે હવે નવી ફોર્મ્યુલા મુજબ બેવડો બોજ નાખવામાં આવ્યો છે. ગુજરાતની ચારેય વીજ કંપનીઓના ગ્રાહકો પર બળતણ ચાર્જ અને ૩.૯૯ ટકાનો વધારાનો બોજ નાખવામાં આવ્યો છે. જુલાઈ-ઓગસ્ટની તફાવત રકમ પણ વસૂલાઈ રહ્યો હોવાથી બિલમાં તોતિંગ વધારો જોવા મળી રહ્યો છે. અંદાજે ૨૦૦ યુનિટ વીજળી વાપરતા ગ્રાહકોને માથે અંદાજે રૃ. ૨૫૦થી ૩૦૦નો વધારો આવી ગયો છે.
સરકાર વીજ બિલ થકી વધારાની આવક જનરેટ કરવા માટે નવતર અને ન સમજાય તેવી ફોર્મ્યુલા લાવીને અને વાષક વીજ બિલમાં કોઈ જ વધારો ન કરતાં હોવાની જાહેરાત કરતાં રહીને છાશવારે વીજબિલમાં વધારો કરીને પ્રજાને ખંખેરી લેવાનો બેત રચતા હોવાનું જોવા મળે છે. આ જ લાઈન પર ટોરેન્ટ પાવરના બિલમાં પણ વધારો થયો હોવાનું માનવામાં આવે છે.
