વિદેશી ડૉક્ટર્સ-નર્સ પાસે એચ-1બી વિઝા ફી માફ કરીને હોસ્પિટલ્સના સ્ટાફની અછત દૂર કરો

અમેરિ ટ્રમ્પે એચ-1બી વિઝા માટેની એક લાખ ડૉલરની ફી માફ કરવા માટે હોસ્પિટલના સંચાલકોએ માગણી કરીઃ બંને પક્ષના ધારાસભ્યોએ બિલ રજૂ કર્યું

ભારતીય ડૉક્ટરોને H-1B  વિઝા ફી વિના મળવાની આશાનો સંચાર થયોઃ અમેરિકામાં 2036 સુધીમાં ડૉક્ટર્સની અછત 86 હજારથી પણ વધી જવાની સંભાવના દર્શાવી $1 લાખની ફી માફ કરવાની હોસ્પિટલ્સે માગણી કરી

અમેરિકામાં એક દ્વિપક્ષીય (બાય-પાર્ટિસન) બિલ રજૂ કરીને તેના માધ્યમથી વિદેશી હેલ્થકેર વર્કરો માટેની H-1B વિઝાની $100,000 ફી માફ કરવાની માંગણી કરવામાં આવી રહી છે.  હોસ્પિટલોનું કહેવું છે કે આ ઊંચી ફી પહેલેથી વધી રહેલી ડૉક્ટર અને નર્સોની અછતને વધુ ગંભીર બનાવી શકે છે. અમેરિકામાં અંદાજે 86 હજાર ડૉક્ટરોની અછત હોવાથી અમેરિકાના ધારાસભ્યોનો મહત્વપૂર્ણ પગલું ઊઠાવ્યું છે. અમેરિકાના બંને રાજકીય પક્ષોના ધારાસભ્યોના જૂથે એક નવું બિલ રજૂ કર્યું છે

અમેરિકામાં ખાસ કરીને ગ્રામ્ય અને ઓછી આરોગ્ય સેવા સુવિધા ધરાવતા વિસ્તારોમાં ડૉક્ટરો અને નર્સોની અછત વધતી જઈ રહી છે. આ સ્થિતિમાં, વિદેશી હેલ્થકેર વર્કરોને રાખવા માટેની $100,000 વિઝા ફી અમેરિકાની હોસ્પિટલ્સ માટે મોટા પડકારરૂપ બની રહી છે. નિયમ મુજબ કોઈપણ કંપની કે હોસ્પિટલને H-1B વિઝા પર દરેક કુશળ આંતરરાષ્ટ્રીય કર્મચારી માટે આ રકમ ચૂકવવી પડે છે.

તાજેતરમાં, બંને રાજકીય પક્ષોના ધારાસભ્યોના જૂથે એક નવું બિલ રજૂ કર્યું છે. આ બિલનો હેતુ આ આર્થિક ભાર ઘટાડવાનો અને હોસ્પિટલોને પૂરતા સ્ટાફ સાથે કાર્યરત રાખવાનો છે. આ સાથે જ હોસ્પિટલોએ ચેતવણી આપી છે કે આટલી ઊંચી ફી તેમને જરૂરી સ્ટાફ ભરતીમાં મુશ્કેલી ઊભી કરી રહી છે. તેમાંય ખાસ કરીને ત્યારે જ્યારે હેલ્થકેર સિસ્ટમ પહેલેથી જ દબાણ હેઠળ હોય ત્યારે આ પ્રકારની ફી લેવી ન જોઈએ. અમેરિકન મેડિકલ એસોસિએશને ચેતવણી આપી છે કે 2036 સુધીમાં અમેરિકામાં લગભગ 86,000 ડૉક્ટરોની અછત સર્જાઈ શકે છે.

અમેરિકામાં 59,000 જેટલા ભારતીય ડૉક્ટરો

2024ના મધ્ય સમયગાળા મુજબ ઉપલબ્ધ આંકડા અનુસાર અમેરિકામાં અત્યારે લગભગ 59,000 ભારતીય ડૉક્ટરો કાર્યરત છે. આ આંકડા Migration Policy Institute અને US Bureau of Labor Statisticsના વિશ્લેષણ પર આધારિત છે. તેમાં મોટા ભાગે એવા ડૉક્ટરોનો સમાવેશ થાય છે, જેઓ ભારતમાં જન્મેલા છે પરંતુ વિદેશમાં તાલીમ લીધેલી છે અથવા આંતરરાષ્ટ્રીય મેડિકલ ગ્રેજ્યુએટ તરીકે અમેરિકામાં આવ્યા છે. તેઓ દેશમાં તમામ ઈમિગ્રન્ટ ડૉક્ટરોના લગભગ 22 ટકા જેટલા છે.

એક સમયે અમેરિકામાં કુલ લગભગ 9.9 લાખ ડૉક્ટરો હતા, જેમાંથી આશરે 26.5 ટકા એટલે કે લગભગ 2.6 લાખ ડૉક્ટરો ઈમિગ્રન્ટ હતા. તુલનાત્મક રીતે જોઈએ તો ચીન અને હોંગકોંગથી લગભગ 16,000 ડૉક્ટરો અમેરિકામાં સક્રિય હતા. આમ ચીન-હોન્ગકોન્ગના ડૉક્ટર્સ સંખ્યાની બાબતમાં ભારત પછીના બીજા ક્રમે હતા.

કેમ અમેરિકાને H-1B મેડિકલ પ્રોફેશનલ્સની જરૂર છે?

અમેરિકાની ઘણી હોસ્પિટલો વિદેશમાં તાલીમ લીધેલા ડૉક્ટરો પર ખૂબ નિર્ભર છે. દર વર્ષે 1 જુલાઈએ નવા મેડિકલ રેસિડેન્ટ્સનો બેચ હોસ્પિટલો સાથે જોડાય છે, જેમાં મોટો હિસ્સો આંતરરાષ્ટ્રીય ગ્રેજ્યુએટ્સનો હોય છે. આ ડૉક્ટરો ખાસ કરીને ગ્રામ્ય અને ઓછી સુવિધાવાળા વિસ્તારોમાં સેવા આપે છે, જ્યાં સ્થાનિક ડૉક્ટરોની ઉપલબ્ધતા ઓછી હોય છે. તેઓ પ્રાથમિક આરોગ્યસંભાળ જેવા ક્ષેત્રોમાં પણ કામ કરે છે, જ્યાં અમેરિકામાં તાલીમ લીધેલા ઘણા ડૉક્ટરો કામ કરવા ઇચ્છતા નથી.

અમેરિકન મેડિકલ એસોસિએશને આ બિલનું સ્વાગત કર્યું છે અને ધારાસભ્યોને ઝડપથી કાર્યવાહી કરવાની અપીલ કરી છે. સંસ્થાના નેતા ડૉ. બોબી મુકામાલાએ જણાવ્યું હતું કે, “હું મિશિગનના ફ્લિન્ટમાં રહેું છું, જે આરોગ્ય સેવાઓની દૃષ્ટિએ ખૂબ ઓછી સેવા-સુવિધા ધરાવતો વિસ્તાર છે.  આંતરરાષ્ટ્રીય મેડિકલ ગ્રેજ્યુએટ્સ પર જ બહુધા નિર્ભર છે. જો આ સમસ્યા ઉકેલાશે નહીં, તો આવા વિસ્તારોમાં દર્દીઓની સંભાળ માટે પૂરતા ડૉક્ટરો નહીં રહે.” તેમણે વધુમાં ઉમેર્યું કે, “ઘણા વિસ્તારોમાં આંતરરાષ્ટ્રીય ડૉક્ટરો દર્દીઓને જરૂરી સમયે સારવાર ઉપલબ્ધ કરાવવામાં મહત્વપૂર્ણ ભૂમિકા ભજવે છે.”

નર્સોની અછત પણ વધી શકે

આ વિઝા ફી નર્સોની અછતને પણ વધુ ગંભીર બનાવી શકે છે. 2022 મુજબ, અમેરિકામાં લગભગ 5 લાખ ઈમિગ્રન્ટ નર્સો કાર્યરત હતી. આમ અમેરિકામાં દરેક 6માંથી 1 રજીસ્ટર્ડ નર્સ વિદેશી હતી. H-1B વિઝા માત્ર હેલ્થકેર ક્ષેત્ર પૂરતો મર્યાદિત નથી. ટેક્નોલોજી અને ફાઈનાન્સ સહિતના ઘણા ક્ષેત્રો પણ વિશ્વભરના કુશળ કર્મચારીઓને ભરતી કરવા માટે તેનો ઉપયોગ કરે છે