શેરબજારના રોકાણકારોને ફ્રોડ સામે રક્ષણ આપવા માટે SEBIનું જુદી જુદી ભાષામાં AI એપ ચાલુ કરી
શેરબજારના રોકાણકારોની સલામતી માટે ચાલુ કરવામાં આવેલા આ અભિયાનમાં ખાસ કરીને “SEBI Check” ટૂલ અને વેલિડેટેડ UPI હેન્ડલ્સ પર ભાર મૂકવામાં આવ્યો છે
અમદાવાદઃ ભારતના સ્ટોકમાર્કેટના રેગ્યુલેટર SEBI-સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયાએ રોકાણકારોમાં સુરક્ષાના સાધનો અંગે જાગૃતિ વધારવા માટે નવી બહુભાષી-મલ્ટીલિંગ્યુઅલ આર્ટિફિશિયલ ઇન્ટેલિજન્સ આધારિત એપ ચાલુ કરીને જાહેર જાગૃતિમાં વધારો કરવાની દિશામાં મહત્વની પહેલ શરૂ કરી છે.
આ પહેલ પાછળનો મુખ્ય હેતુ રોકાણકારોને SEBIની સુરક્ષા અને ચકાસણી વ્યવસ્થાઓ વિશે વધુ સારી સમજ આપવાનો છે. આ બહુભાષીય અપની મદદથી સેબી શેરબજારના રોકાણકારોને ફ્રોડથી બચી શકે તેવા પ્રયાસો કરશે. તેમ જ માહિતીસભર નાણાકીય નિર્ણયો લઈ શકશે.
આ કાર્યક્રમ અંતર્ગત SEBIએ ભારતીય ભાષાઓ માટે ખાસ તૈયાર કરાયેલા જનરેટિવ AI મોડલ વિકસાવતી કંપની Sarvam સાથે ભાગીદારી કરી છે. આ સહયોગ દ્વારા નિયમનકારી માહિતી દેશભરના વિવિધ ભાષાભાષી રોકાણકારો સુધી સરળતાથી પહોંચાડવાનો પ્રયાસ કરવામાં આવી રહ્યો છે.
શેરબજારના રોકાણકારોની સલામતી માટે ચાલુ કરવામાં આવેલા આ અભિયાનમાં ખાસ કરીને “SEBI Check” ટૂલ અને વેલિડેટેડ UPI હેન્ડલ્સ પર ભાર મૂકવામાં આવ્યો છે. વાસ્તવમાં આ ટૂલ 1 ઑક્ટોબર 2025થી અમલમાં આવ્યા હતા. આ સુવિધાઓ રોકાણકારોને SEBIમાં નોંધાયેલા ઇન્ટરમિડિયરીઝના UPI ID, QR કોડ અને બેંક ખાતાની વિગતો ચકાસવાની તક આપે છે. તેથી પૈસા ટ્રાન્સફર કરતા પહેલા યોગ્ય ચકાસણી થઈ શકે અને ઠગાઈથી બચી શકશે.
આ આઉટરીચ કાર્યક્રમ હેઠળ પસંદ કરાયેલા વ્યક્તિગત રોકાણકારોને માહિતીપ્રદ ફોન કોલ કરવામાં આવશે, જેમાં તેમને નીચેની બાબતો સમજાવવામાં આવશે:
- SEBI Check ટૂલ કેવી રીતે વાપરવું
- UPI હેન્ડલ કેવી રીતે વેરિફાય કરવું
- આ સુવિધાઓ સંબંધિત સામાન્ય પ્રશ્નોના જવાબ
કોઈ ગેરવપરાશ ન થાય અને સ્પેમ અથવા ફ્રોડ કોલ સાથે ગેરસમજ ન સર્જાય તે માટે SEBIએ સ્પષ્ટ કર્યું છે કે આવી તમામ જાગૃતિ કોલ માત્ર તેના અધિકૃત નંબર 1600-313-384 પરથી જ કરવામાં આવશે.
