સ્માર્ટ સિટીના ટેન્ડરમાં મોટું સેટિંગ: ડિસ્ક્વોલિફાય થયેલી કંપની માટે નિયમો જ બદલી નાખ્યા, કંપનીએ શૂન્ય ટકા નફો કરવાની શરતે ટેન્ડર ભરી મેળવી લીધું
સ્માર્ટ સિટીના ટેન્ડરમાં મોટું સેટિંગ:
ડિસ્ક્વોલિફાય થયેલી કંપની માટે નિયમો જ બદલી નાખ્યા,
પહેલીવાર ડિસ્ક્વોલિફાય થયેલી કંપનીએ રિટેન્ડરિંગમાં શૂન્ય ટકા નફો લેવાની શરતો ટેન્ડર ભરી મંજૂર કરાવ્યું
અધિકારીઓ સાથે મિલીભગત કર્મચારીઓની હાજરીમાં ગોટાળા કરી કમાણી કરવાનો કારસો હોવાની શંકા
સિસ્ટમ સાથે રમત કરીઃ એકવાર જે કંપનીને ટેન્ડરમાં રિજેક્ટ કરી, એ જ ‘માહિ એન્ટરપ્રાઈઝ’ માટે સ્માર્ટ સિટીના અધિકારીઓએ આખી ટેન્ડર પ્રોસેસ જ ઊંધી વાળી દીધી!
સ્માર્ટ સિટીના નામે પ્રજાના ટેક્સના કરોડો રૂપિયા ચોક્કસ ચહેરાઓ અને અધિકારીઓની ખિસ્સાભરી નીતિમાં હોમાઈ રહ્યા હોવાનું ધમાકેદાર બહાર આવ્યું છે. સ્માર્ટ સિટી અમદાવાદને સ્વચ્છ રાખવા માટે મેનપાવર સપ્લાય કરવાના પ્રથમ ટેન્ડરમાં જે કંપનીને ગેરલાયક (ડિસ્ક્વોલિફાય) ઠેરવવામાં આવી હતી, તે જ ‘માહિ એન્ટરપ્રાઈઝ’ને ગમે તેમ કરીને વિનર બનાવવા માટે અધિકારીઓએ રિ-ટેન્ડરિંગના નામે નિયમોનો કચરો કરી નાખ્યો છે! ગજબની વાત તો એ છે કે, આ કંપનીએ રાતીપાઈનો પણ નફો લીધા વગર (ઝીરો પ્રોફિટ) ટેન્ડર મેળવી લીધું છે. હવે સવાલ એ ઊભો થાય છે કે, વગર નફે સેવા કરવા કઈ કંપની નવરી બેઠી છે? હવે ચર્ચા થઈ રહી છે કે ટેન્ડર મેળવ્યા બાદ અધિકારીઓની મિલીભગતથી ‘કાગળ પર ખોટી હાજરી’ મસમોટું બિલ બનાવીને બતાવી કરોડોનું કૌભાંડ આચરવાનો આ મોટો ખેલ છે.
અધિકારીઓનો ભ્રષ્ટ ખેલ: ‘માહિ’ને ક્વોલિફાય કરવા નિયમો જ બદલી નાખ્યા!
પ્રથમ ટેન્ડર (SCADL-2025-26-02) વખતે શરત એવી હતી કે માત્ર પ્રાઈવેટ લિમિટેડ કે ભાગીદારી પેઢી જ ભાગ લઈ શકશે, જેથી પ્રોપરાયટરશીપ ધરાવતી ‘માહિ એન્ટરપ્રાઈઝ’ બહાર ફેંકાઈ ગઈ હતી. એ વખતે ‘સર્કલ કમ્પ્લિટ’ કંપની L-1 થઈ હતી. પરંતુ અધિકારીઓને તો પોતાની વહાલી કંપનીને જ કામ સોંપવું હતું! એટલે ‘સિંગલ વિનર’નું બહાનું ધરીને આખું ટેન્ડર જ રદ કરી દેવાયું અને ફેબ્રુઆરી ૨૦૨૬માં રિ-ટેન્ડર કરીને નવેસરથી બિડિંગ કરાવ્યું હતું.
રિ-ટેન્ડરિંગમાં માહિ એન્ટરપ્રાઈઝને એન્ટ્રી અપાવવા માટે ટેન્ડરની શરત ૨-૧(સી)ની જોગવાઈઓને પાણી જેવી પાતળી કરી દેવામાં આવી હતી! પ્રોપરાયટરી કંપનીઓને અચાનક ટેન્ડર ભરવાની છૂટ આપી દેવામાં આવી હતી. તેમ જ ટેન્ડર ભરનારી કંપનીઓને ક્વોલિફાય કરવા માટેના ત્રણ વર્ષના સરેરાશ ૬૦ લાખના ટર્નઓવરના લેવલે માહિ એન્ટર પ્રાઈઝ પહોંચી જાય તે માટે નાણાંકીય વર્ષ એક વર્ષ પાછળ ઠેલી દીધું હતું. તેને માટેના CA સર્ટિફિકેટના વર્ષોના નિયમોમાં પણ રાતોરાત ફેરફાર કરી દેવાયા હતા. આ શરતો બદલીને પહેલા ટેન્ડરમાં L-1 આવેલી સર્કલ કમ્પ્લિટ ઉપરાંત ટેન્ડરમાં ભાગ લેનારી હાર્દિક કન્સ્ટ્રક્શન અને રાજપૂત સિક્યોરિટીઝ જેવી કંપનીઓને સિફતથી સીધો બહારનો રસ્તો બતાવી દેવામાં આવ્યો છે!
ઝીરો ટકા નફો? ના, આ તો ‘બોગસ હાજરી’ બતાવી મોટું કૌભાંડ આચરવાનો પ્લાન!
સામાન્ય રીતે મેનપાવર સપ્લાયમાં થતી કુલ વાર્ષિક પગારની આવક ઉપર ૫ ટકા સુધીનો નફો લેવાની છૂટ હોય છે. પરંતુ માહિ એન્ટરપ્રાઈઝે ‘શૂન્ય ટકા નફા’ સાથે બિડ ભરી બીજા હરીફોને પાછળ મૂકી દીધા હતા! કોઈ કંપની વગર કમાણીએ કામ કેમ કરે? ઈન્ડસ્ટ્રીના વર્તુળોમાં ચર્ચાતી વિગતો મુજબ, ટેન્ડર હાથમાં આવ્યા પછી સ્માર્ટ સિટીના ભ્રષ્ટ અધિકારીઓ સાથે સેટિંગ કરીને માણસોની વાસ્તવિક હાજરી કરતાં ‘કાગળ પર બોગસ અને વધારે હાજરી’ બતાવીને કરોડો રૂપિયાનું કૌભાંડ આચરવાની આ આખી મેલી મુરાદ છે!
તંત્રનો ખુલ્લેઆમ ખોટો દાવો!
જ્યારે આ ધાંધલી અંગે તંત્ર સમક્ષ વિગતો માગવામાં આવી, ત્યારે જવાબ મળ્યો કે “કોઈપણ બિડરને શરતોમાં ક્યાંય લાભ અપાયો નથી!” આ જવાબ જ બતાવે છે કે સત્તાધીશો અને અધિકારીઓ કેટલી બેશરમીથી જુઠ્ઠાણું ચલાવી રહ્યા છે. નિયમો બદલાયા, શરતો હળવી થઈ અને પરિણામે જ ડિસક્વોલિફાય થયેલી કંપની ટેન્ડર લઈ ગઈ છે. તેમ છતાં અધિકારીઓ સમગ્ર બાબત તરફ આંખ આડા કાન કરીને પ્રજાની આંખમાં ધૂળ નાખી રહ્યા છે. આ જ બાબત અધિકારીઓ અને ટેન્ડર લઈ જનારી કંપની સાથે અધિકારીઓની મિલીભગત હોવાનો નિર્દેશ આપે છે. સમગ્ર ટેન્ડર પ્રોસેસને મજાક બનાવી દેનાર આ ભ્રષ્ટ અધિકારીઓ અને કંપનીની મિલીભગત સામે કડક તપાસ ક્યારે થશે? વિજિલન્સે આ કૌભાંડમાં તપાસ કરીને કરદાતાઓના પૈસા ન વેડફાય તેવી તજવીજ કરવી જરૂરી છે.
Tags: Ahmedabad Municipal Corruption Ahmedabad Smart City Scam Ahmedabad Smart City Tender News Circle Complete Tender Issue Fake Attendance Scam Smart City Gujarat Government Scam Report Gujarat Government Tender Corruption Gujarat Tender Fraud News Mahi Enterprise Corruption Mahi Enterprise Tender Scam Manpower Supply Tender Fraud Proprietary Firm Tender Rules Re-Tendering Corruption Gujarat SCADL 2025 26 Tender SCADL Manpower Scam SCADL Re-tendering Issue SCADL Tender Corruption SCADL ટેન્ડર ભ્રષ્ટાચાર SCADL મેનપાવર ટેન્ડર Smart City Ahmedabad Corruption Smart City Contract Bribes Smart City Manpower Corruption Smart City Official Collusion Smart City Project Irregularities Smart City Scam Report 2026 Smart City Tender Controversy Smart City Tender Disqualification Smart City Tender L1 Scam Smart City Tender Rules Modification Smart City Tender Rules Violation Smart City Tender Scam Smart City Tender Setting Tender Disqualification Re-qualification Scam Zero Margin Tender Scam Zero Profit Tender Scam અધિકારીઓ અને કંપનીનું સેટિંગ અમદાવાદ ન્યૂઝ સ્માર્ટ સિટી અમદાવાદ મ્યુનિસિપલ કૌભાંડ અમદાવાદ સમાચાર ટેન્ડર કૌભાંડ અમદાવાદ સ્માર્ટ સિટી ગેરરીતિ અમદાવાદ સ્વચ્છતા ટેન્ડર કૌભાંડ ગુજરાત ટેન્ડર ગેરરીતિ ટેન્ડર L1 કૌભાંડ ટેન્ડરિંગ પ્રોસેસમાં ગોટાળા ટેન્ડરિંગ સિસ્ટમ મજાક બની પ્રોપરાયટરી કંપની ટેન્ડર નિયમો બોગસ હાજરી કૌભાંડ સ્માર્ટ સિટી માહિ એન્ટરપ્રાઈઝ ટેન્ડર વિવાદ માહિ એન્ટરપ્રાઈઝ ડિસ્ક્વોલિફાય મેનપાવર સપ્લાય ટેન્ડર કૌભાંડ રિ-ટેન્ડરિંગ શરતોમાં ફેરફાર શરતો હળવી કરી ટેન્ડર આપ્યું શૂન્ય ટકા નફો ટેન્ડર શૂન્ય નફાનું ટેન્ડર કૌભાંડ સર્કલ કમ્પ્લિટ ટેન્ડર વિવાદ સ્માર્ટ સિટી અધિકારીઓની મિલીભગત સ્માર્ટ સિટી અમદાવાદ ભ્રષ્ટાચાર સ્માર્ટ સિટી કોન્ટ્રાક્ટ કૌભાંડ સ્માર્ટ સિટી કૌભાંડ અહેવાલ સ્માર્ટ સિટી ટેન્ડર કૌભાંડ સ્માર્ટ સિટી ટેન્ડર ફાળવણી સ્માર્ટ સિટી નીતિઓનો ભંગ સ્માર્ટ સિટી પ્રજાના નાણાંનો દુરુપયોગ સ્માર્ટ સિટી ફેબ્રુઆરી ૨૦૨૬ ટેન્ડર સ્માર્ટ સિટી મિશન ભ્રષ્ટાચાર સ્માર્ટ સિટી રિ-ટેન્ડરિંગ ખેલ
