જીવન વીમા નિગમ અને એક્સિસ બેન્કના શેર્સમાં લેણ કરી શકાય
LIC અને Axis Bank માં રોકાણ કરવું કે નહીં?
કોટક સિક્યોરિટીઝના ઈક્વિટી રિસર્ચ હેડ શ્રીકાંત ચૌહાણે LIC અને Axis Bankના શેર્સમાં રોકાણ કરવા અંગેનો વિગતવાર અને કારણો સહિતના તારણો આપ્યા છે. બજારના આ તબક્કે કોટક સિક્યોરિટીઝ દ્વારા દેશની સૌથી મોટી સરકારી વીમા કંપની LIC અને ખાનગી ક્ષેત્રની દિગ્ગજ Axis Bank પર બુલિશ (સકારાત્મક) વલણ જોવા મળી રહ્યુ છે. બંને શેર્સમાં ખરીદી કરવાની સલાહ આપવામાં આવી છે. બંને કંપનીઓા શેર્સમાં ભાવમાં આગામી મહિનાઓમાં મજબૂત સુધારો જોવા મળે તેવી સંભાવના રહેલી છે.
LICમાં લેણ કરો
વર્તમાન ભાવ (CMP): રૂ. ૪૦૦
ફેર વેલ્યુ (FV / ટાર્ગેટ): રૂ. ૬૭૫
સપોર્ટ લેવલ: રૂ. ૩૯૦ – રૂ.૩૮૦
રેજિસ્ટન્સ લેવલ: રૂ.૪૧૦ – રૂ.૪૨૦
રોકાણ કરવાના મુખ્ય કારણો
VNB માર્જિન અને નફાકારકતામાં તીવ્ર ઉછાળો: નાણાકીય વર્ષ ૨૦૨૬-૨૭ ના પ્રથમ ત્રિમાસિક ગાળામાં (1QFY27) LIC નો VNB (Value of New Business) માર્જિન ૨૨.૯ ટકા નોંધાયો છે, જેમાં વાર્ષિક ધોરણે ૭.૫૪ ટકાનો વધારો થયો છે. આ માર્જિન વિસ્તરણના કારણે VNB માં ૬૧ ટકાનો તીવ્ર ગ્રોથ જોવા મળ્યો છે. LIC એ તેની વ્યૂહરચના હેઠળ પરંપરાગત પ્રોડક્ટ્સથી હટાવીને વધુ નફો આપતી નોન-પાર-Non-Par પ્રોડક્ટ્સ પર ધ્યાન કેન્દ્રિત કર્યું છે. એપીઈમાં નોન-પાર સેવિંગ્સનો હિસ્સો ૯.૪ ટકા પર પહોંચ્યો છે. તેમાં વાર્ષિક ૫૯ ટકાનો વધારો થયો છે. નોન-પાર ક્ષેત્રમાં ઊંચા યીલ્ડ કર્વને કારણે ગ્રોથ અને માર્જિન બંનેને મજબૂત ટેકો મળી રહ્યો છે.
LIC નેશનલ સ્ટોક એક્સચેન્જ (NSE) માં ૧૦.૭૨ ટકાનો હિસ્સો ધરાવે છે. NSE નો IPO (લિસ્ટીંગ) ૨૪ સપ્ટેમ્બર ૨૦૨૬ ના રોજ પ્રસ્તાવિત છે, જેમાં LIC એ એન્કર ઇન્વેસ્ટર તરીકે આશરે રૂ. ૫૦૦ કરોડના વધારાના હિસ્સા સાથે ઓફર ફોર સેલમાં ભાગ લીધો છે. NSEનું સફળ લિસ્ટિંગ LIC ના શેરના ભાવમાં સકારાત્મક મોમેન્ટમ લાવી શકે છે. સરકારના OFS (ઓફર ફોર સેલ) નો ઓવરહેંગ હવે પૂર્ણ થઈ ચૂક્યો છે અને શેર હાલમાં અત્યંત આકર્ષક વેલ્યુએશન પર ટ્રેડ થઈ રહ્યો છે, જે લોન્ગ ટર્મ ઇન્વેસ્ટર્સ માટે સારું માર્જિન ઓફ સેફ્ટી પૂરી પાડે છે.
Axis Bankના શેરમાં ખરીદીની ભલામણ
વર્તમાન ભાવ (CMP): રૂ.૧,૨૪૮
ફેર વેલ્યુ (FV / ટાર્ગેટ): રૂ.૧,૬૦૦
સપોર્ટ લેવલ: રૂ.૧,૨૩૦ – રૂ.૧,૨૨૦
રેજિસ્ટન્સ લેવલ: રૂ.૧,૨૬૦ – રૂ.૧,૨૮૦
રોકાણ કરવાના મુખ્ય કારણો
એક્સિસ બેંક ભારતની ત્રીજી સૌથી મોટી પ્રાઇવેટ બેંક છે અને કુલ બેંકિંગ સિસ્ટમ લોનમાં ૫ થી ૬ ટકા હિસ્સો ધરાવે છે, જે તેને ભવિષ્યમાં સસ્ટેનેબલ ગ્રોથ માટે પૂરતી જગ્યા આપે છે. FY27 થી FY29 દરમિયાન બેંકની લોન બુક ૧૪ ટકા CAGR-સર્વગ્રાહી વિકાસ દર અને ડિપોઝિટ ૧૩-૧૪ ટકા CAGR સર્વગ્રાહી વિકાસના દરે વધવાનો અંદાજ છે. બેંક એફોર્ડેબલ હાઉસિંગ અને ગોલ્ડ લોન જેવા વધુ યીલ્ડ-વળતર આપતા સેગમેન્ટ્સ પર ધ્યાન આપી રહી છે. હોલસેલ (કોર્પોરેટ) લોન બુકમાં ૯૦ ટકા કરતાં વધુ લોન્સ ‘A’ કે તેથી વધુ ક્રેડિટ રેટિંગ ધરાવે છે, જે પોર્ટફોલિયોની ઉચ્ચ ગુણવત્તા દર્શાવે છે.
આગામી નાણાકીય વર્ષોમાં બેંકનો ચોખ્ખો નફો (PAT) અનુક્રમે ૧૯ ટકા, ૧૬ ટકા અને ૨૧ ટકાના દરે વધવાની ધારણા છે. બેંકની એસેટ ક્વોલિટી મજબૂત રહેવાનો અંદાજ છે. ગ્રોસ એનપીએ ૧.૧ ટકાથી ૧.૨ ટકા વચ્ચે અને નેટ એનપીએ આશરે ૦.૩ ટકાના અત્યંત નીચા સ્તરે રહેવાની ધારણા છે. FY26 માં ૪૦૦ નવી શાખાઓ ઉમેર્યા બાદ FY27 માં વધુ ૪૦૦ થી ૫૦૦ નવી શાખાઓ ખોલવાનું એક્સિસ બેન્ક લક્ષ્ય ધરાવે છે. શાખાઓની કાર્યક્ષમતા વધારવા અને બર્ગન્ડી (Burgundy) વેલ્થ મેનેજમેન્ટ જેવા પ્લેટફોર્મ દ્વારા ક્રોસ-સેલિંગ વધારવા પર ધ્યાન કેન્દ્રિત કરાયું છે.
ટૂંકા ગાળાના ટ્રેડર્સ માટે:
LIC: રૂ.૩૯૦ ના સપોર્ટને ધ્યાનમાં રાખીને રૂ.૪૧૦-૪૨૦ ના પ્રારંભિક રજિસ્ટન્સ ટાર્ગેટ માટે ટ્રેડ કરી શકાય. NSE લિસ્ટિંગ (૨૪ સપ્ટેમ્બર) ની આસપાસ વોલેટિલિટી સાથે તેજી જોવા મળી શકે છે.
Axis Bank: રૂ.૧,૨૨૦-૧,૨૩૦ ના સ્ટોપલોસ/સપોર્ટ ઝોન સાથે રૂ.૧,૨૬૦-૧,૨૮૦ ના ટૂંકા ગાળાના ટાર્ગેટ માટે ખરીદી વિચારી શકાય છે.
લાંબા ગાળાના રોકાણકારો માટે
બંને સ્ટોક્સના ફંડામેન્ટલ્સ અને અપેક્ષિત પ્રોફિટ ગ્રોથ ખૂબ મજબૂત છે. LIC માટે રૂ. ૬૭૫ અને Axis Bank માટે રૂ.૧,૬૦૦ નો લોન્ગ-ટર્મ ફેર વેલ્યુ ટાર્ગેટ દર્શાવે છે કે વર્તમાન ભાવથી બંને શેર્સમાં ૩૫ ટકાથી ૬૫ ટકા સુધીનું અપસાઈડ વળતર મળવાની મજબૂત શક્યતા છે. તેથી પોર્ટફોલિયોમાં ઉમેરો કરવા માટે આ બંને શેર્સ યોગ્ય પસંદગી છે.
(નોંધ: આ વિશ્લેષણ કોટક સિક્યોરિટીઝના રિસર્ચ રિપોર્ટ પર આધારિત છે. શેરબજારમાં રોકાણ જોખમોને આધીન હોવાથી રોકાણ કરતા પહેલા વ્યક્તિગત નાણાકીય સલાહકારની મદદ લેવી હિતાવહ છે.)
Tags: Axis Bank credit quality GNPA Axis Bank loan growth CAGR Axis Bank stock analysis Axis Bank target price 1600 Axis Bank શેર એનાલિસિસ Banking and insurance stocks Best stocks to buy today Equity research Kotak Securities high return stocks India Indian share market recommendations Indian stock market strategy Kotak Securities stock picks LIC NSE anchor investment LIC target price 675 LIC VNB growth LIC VNB માર્જિન LIC ઓવરહેંગ અને વેલ્યુએશન LIC શેર એનાલિસિસ LIC શેર ટાર્ગેટ ભાવ long term stock investment NSE IPO impact on LIC NSE IPO લિસ્ટિંગ અસર Share market news Gujarati Shrikant Chouhan stock research Stock buy target stop loss Stock Market Analysis September 2026 Technical analysis LIC Axis Bank Top financial stocks to invest wealth creation stocks India ઇક્વિટી રિસર્ચ ગુજરાતી ઇન્શ્યોરન્સ સ્ટોક સમાચાર એક્સિસ બેંક એસેટ ક્વોલિટી એક્સિસ બેંક લોન ગ્રોથ એક્સિસ બેંક શેર ટાર્ગેટ કોટક સિક્યોરિટીઝ રિપોર્ટ ટ્રેડર્સ અને ઇન્વેસ્ટર્સ ગાઈડ ફાઇનાન્સ સમાચાર ગુજરાતી બેંકિંગ સ્ટોક્સ રોકાણ ભારતીય શેરબજાર ખરીદી સલાહ મજબૂત શેર્સમાં રોકાણ લાંબા ગાળાનું રોકાણ શેર ખરીદવાની સલાહ શેર માર્કેટ ગુજરાતી સમાચાર શેરબજાર રોકાણ સલાહ શ્રીકાંત ચૌહાણ શેર ટીપ્સ સ્ટોક એનાલિસિસ રિપોર્ટ સ્ટોક ટુ બાય ૨૦૨૬
