સુરત: કાપડ વેપારીઓ દ્વારા સ્વદેશી ઉત્પાદન માટે ચીનના 1200 કરોડના મશીનનાં ઓર્ડર
શાંઘાઈમાં મોટો ટેક્સટાઈલ મશીનરી એક્સ્પો ITMA ASIA + CITMEનું આયોજન કરવામાં આવ્યું હતું. આ એક્સ્પો દરમિયાન નેશનલ એક્ઝિબિશન એન્ડ કન્વેન્શન સેન્ટર (NECC) ખાતે યોજાયું હતું. આ ઇવેન્ટનું આયોજન સમગ્ર ટેક્સટાઇલ મેન્યુફેક્ચરિંગ ચેઇનમાં આધુનિક મશીનરી, ટેક્નોલોજી પુરી પાડતી ITMA ASIA અને CITME દ્વારા કરવામાં આવ્યું હતું.
ટેક્સટાઇલ્સ મશીનરી એક્સપોમાં ભાગ લેવા માટે સુરતથી અંદાજે 700 થી વધુ વેપારીઓ શાંઘાઈ પહોંચ્યા હતા. આગામી વર્ષથી આયાતી મશીનરી પર BISના અમલીકરણની શક્યતા વ્યક્ત કરવામાં આવી છે.વેપારીઓ દ્વારા મશીનનાં મોટા ઓર્ડર પણ આપવામાં આવ્યા છે. આ એક્સ્પોમાં ઇન્ટરનેશનલ સેઈવિંગ મશીનરી એન્ડ એસેસરીઝ પર વધુ ધ્યાન કેન્દ્રિત કરવામાં આવ્યું હતું.
એમ્બ્રોડરી,વિવિંગ સ્ટીચિંગ સહિત 1200 કરોડના મશીનરીના ઓર્ડર આપ્યા હોવાની માહિતી મળી રહી છે. એક્સ્પોમાં ભાગ લેવા ગયેલા વેપારીએ કહ્યું કે ચીનની કાર્ય સંસ્કૃતિ નિકાસલક્ષી કાપડનું ઉત્પાદન કરવાની છે, વ્યાજ દર ભારત કરતા ઓછા છે. કાચા માલનો ખર્ચ પણ ભારત કરતા ઓછો છે. ખાસ કરીને એમ્બ્રોઈડરી મશીનનું ઉત્પાદન કરતી કિંગદાઓ હૈજિયા મશીનરી લિમિટેડે વણાટ મશીનોના ઉત્પાદન માટે સંપૂર્ણ સ્વચાલિત રોબોટિક્સ પ્લાન્ટમાં 600 કરોડનું રોકાણ કર્યું છે.
વેપારીએ કહ્યું કે આ પ્લાન્ટ સિમેન્સ જર્મની દ્વારા સ્થાપિત કરવામાં આવ્યો હતો. તેઓ દર વર્ષે 16,000 મશીનોનું ઉત્પાદન કરે છે. આ પ્લાન્ટ ફક્ત 20 કર્મચારીઓ દ્વારા ચલાવવામાં આવે છે. અગાઉ, અર્ધ-સ્વચાલિત પ્લાન્ટમાં 300 કર્મચારીઓની જરૂર હતી.
પાંડેસરા વીવર્સ કો-ઓપ સોસાયટી લિમિટેડના પ્રમુખ મનુભાઈ પટેલે જણાવ્યું હતું કે તમામ કાપડ ઉદ્યોગના હિસ્સેદારો અને કાપડ સંગઠનોએ એક વિગતવાર અભ્યાસ પ્રવાસનું આયોજન કરવા અને GAP વિશ્લેષણ અહેવાલ તૈયાર કરવા માટે સાથે આવવું જોઈએ.
તેમણે કહ્યું કે સુરત કાપડ ઉદ્યોગમાં ચીન સાથે સ્પર્ધા કરવાની અને 95 ટકાથી વધુ ઉત્પાદન કાર્યક્ષમતા પ્રાપ્ત કરવાની અને નિકાસલક્ષી કાપડનું ઉત્પાદન કરવાની ક્ષમતા છે.
#Textile#Surat#ITMA ASIA#CITME#NECC#Shanghai Textile Machinery Expo
