રિલાયન્સ અમેરિકામાં 300 અબજ ડૉલરનું રોકાણ કરીને રિફાઈનરી નાખશે

રિફાઈનરી Brownsville ખાતે બનાવવામાં આવશે અને અંદાજે 300 અબજ ડોલરનું રોકાણ થવાનું કહેવાય છે. અમેરિકાના પ્રમુખ ડોનાલ્ડ ટ્રમ્પે 50 વર્ષ પછી અમેરિકામાં પ્રથમ નવી ઓઇલ રિફાઈનરી સ્થાપવાની જાહેરાત કરી

ભારતની Reliance Industries તરફથી મોટું રોકાણ કરવામાં આવશે. આ રિફાઈનરી Brownsville ખાતે બનાવવામાં આવશે અને અંદાજે 300 અબજ ડોલરનું રોકાણ થવાનું કહેવાય છે. અમેરિકાના પ્રમુખ ડોનાલ્ડ ટ્રમ્પે 50 વર્ષ પછી અમેરિકામાં પ્રથમ નવી ઓઇલ રિફાઈનરી સ્થાપવાની જાહેરાત કરી છે.

રાષ્ટ્રપતિ ટ્રમ્પે પોતાના સોશિયલ મીડિયા પ્લેટફોર્મ Truth Social પર પોસ્ટ કરીને જણાવ્યું કે આ નવી રિફાઈનરી અમેરિકાના ઊર્જા ઉત્પાદનને વધારશે, રાષ્ટ્રીય સુરક્ષા મજબૂત બનાવશે અને હજારો નવી નોકરીઓ ઊભી કરશે. તેમણે કહ્યું કે “અમેરિકા ફરીથી સાચી ઊર્જા શક્તિ તરફ આગળ વધી રહ્યું છે. આજે મને ગર્વ છે કે 50 વર્ષ પછી અમેરિકામાં પહેલી નવી ઓઇલ રિફાઈનરી બ્રાઉન્સવિલ, ટેક્સાસમાં શરૂ થવા જઈ રહી છે.

આ રિફાઈનરી બનાવવા માટેનો 300 અબજ ડોલરનો ઐતિહાસિક સોદો છે. આ સોદો અમેરિકન કામદારો, ઊર્જા ક્ષેત્ર અને દક્ષિણ ટેક્સાસના લોકો માટે મોટી જીત છે. આ માટે ભારતના અમારા ભાગીદારો અને તેમની સૌથી મોટી ખાનગી ઊર્જા કંપની રિલાયન્સનો આભાર માનું છું.”

આર્થિક વિકાસ અને રોજગાર

ટ્રમ્પે જણાવ્યું કે આ રિફાઈનરીથી પ્રદેશમાં અબજો ડોલરની આર્થિક અસર થશે અને હજારો લોકોને રોજગાર મળશે. બ્રાઉન્સવિલના બંદર ખાતે ઉભી થનાર આ રિફાઈનરી અમેરિકન બજારોને ઇંધણ પૂરું પાડશે. અમેરિકાની રાષ્ટ્રીય સુરક્ષા મજબૂત બનાવશે. અમેરિકાના ઊર્જા ઉત્પાદનને વધારશે. વૈશ્વિક નિકાસમાં વધારો કરશે. હજારો નવી નોકરીઓ ઉભી કરશે. ટ્રમ્પે દાવો કર્યો કે આ દુનિયાની સૌથી સ્વચ્છ (cleanest) રિફાઈનરી હશે.

પશ્ચિમ એશિયામાં તણાવ

આ જાહેરાત એવા સમયે કરવામાં આવી છે જ્યારે પશ્ચિમ એશિયામાં તણાવ વધ્યો છે. ઇરાન દ્વારા મિસાઇલ અને ડ્રોન હુમલાઓથી અમેરિકાની સૈન્ય ઠેકાણાઓ, દૂતાવાસો અને ઊર્જા ઇન્ફ્રાસ્ટ્રક્ચરને નિશાન બનાવવામાં આવી રહ્યા છે. તેમાં United Arab Emirates, Saudi Arabia, Qatar, Kuwait, Bahrain અને Jordan જેવા દેશોનો પણ સમાવેશ થાય છે.

વૈશ્વિક તેલ સપ્લાય પર અસર

આ સંઘર્ષને કારણે વૈશ્વિક ઊર્જા સપ્લાયમાં ખલેલ પહોંચી છે, ખાસ કરીને Strait of Hormuz વિસ્તારમાં. વિશ્વના લગભગ 20 ટકા ક્રૂડ તેલનું પરિવહન આ માર્ગથી થાય છે, તેથી ત્યાંનો તણાવ વૈશ્વિક બજારો પર સીધી અસર કરે છે.

વ્હાઇટ હાઉસની ખાતરી

વ્હાઇટ હાઉસની પ્રેસ સચિવ Karoline Leavitt એ જણાવ્યું કે તેલ અને ગેસના ભાવમાં થયેલો વધારો તાત્કાલિક છે. પરંતુ લાંબા ગાળે ભાવ ઘટી શકે છે. તેમણે કહ્યું કે જ્યારે સુરક્ષા હેતુઓ પૂર્ણ થશે ત્યારે અમેરિકામાં તેલ અને ગેસના ભાવ ફરીથી ઝડપથી ઘટી શકે છે.

સંઘર્ષ અને વૈશ્વિક અર્થતંત્ર

ફેબ્રુઆરી 28ના રોજ અમેરિકા અને ઇઝરાયેલના સંયુક્ત હુમલામાં ઇરાનના સર્વોચ્ચ નેતા Ali Khameneiના મૃત્યુ પછી આ વિસ્તારમાં તણાવ વધ્યો છે. ત્યારબાદ ઇરાને ગલ્ફ દેશોમાં અમેરિકન અને ઇઝરાયેલી લક્ષ્યો પર હુમલા કર્યા છે. તેને કારણે મહત્વના સમુદ્રી માર્ગો પરથી પસાર થતાં જહાજોની અવરજવમાં ખલેલ આવી છે અને આંતરરાષ્ટ્રીય ઊર્જા બજારો તેમજ વૈશ્વિક અર્થતંત્ર પર અસર પડી છે.