આજે શેરબજારમાં શું કરી શકાય?
દેશના જુદાં જુદાં બ્રોકરેજ હાઉસે કરેલી ભલામણો પર નજર નાખીને તમારે દ્રષ્ટિએ શ્રેષ્ઠ ભલામણ પર પસંદગી ઉતારો
આજે શેરબજારમાં ટ્રેડિંગ કરવા પાત્ર કે ઇન્વેસ્ટમેન્ટ કરવા પાત્ર શેર્સમાં TVS મોટર કંપનીના શેરની ભલામણ કરવામાં આવી રહી છે. કંપનીના શેરનો વર્તમાન બજાર ભાવ રૂ. 3864.85નો છે. TVS મોટર કંપનીના શેર માટે ટૂંકા ગાળાનો દૃષ્ટિકોણ તેજી જોવા મળી શકે છે. બુધવારે શેરમાં થયેલો 2.7 ટકાનો વધારો દર્શાવે છે કે શેરમાં આવતી તેજી હવે ગતિ પકડી રહી છે. શેર માટે તરતનો સપોર્ટ ₹3,800 થી ₹3,770ની સપાટીએ જોવા મળી રહ્યો છે. શેરના ભાવની 21 દિવસની મૂવિંગ એવરેજ (DMA) હવે 55 દિવસની DMA નજીકથી ઉપર તરફ વળતી દેખાઈ રહી છે. આ એક સકારાત્મક સંકેત છે.
આથી સ્પષ્ટ થાય છે કે શેરનો ભાવ અહીંથી વધુ ઉપર જઈ શકે છે અને તેજીનો મજબૂત અણસાર આપી રહ્યો છે. આવનારા અઠવાડિયામાં TVS મોટર કંપનીના શેરનો ભાવ ₹4,030 થી ₹4,050 સુધી પહોંચી શકે છે.
બ્રોકેરજ હાઉસ જે.એમ. ફાઈનાન્શિયલે ક્રોમ્પટન ગ્રીવ્સના શેર્સમાં લેવાલી કરવાની ભલામણ કરી છે. તેનો ભાવ સુધરીને રૂ. 315ના મથાળાને વળોટી જાય તેવી સંભાવના દર્શાવવામાં આવી છે.
બ્રોકરેજ હાઉસ આનંદ રાઠીએ સ્ટાર સિમેન્ટની સ્ક્રિપમાં લેવાલી કરવાની ભલામણ કરી છે. સ્ક્રિપનો ટાર્ગેટ ભાવ રૂ. 290નો દર્શાવવામાં આવ્યો છે.
આનંદ રાઠી બ્રોકરેજ હાઉસે જ ગ્લોબલ હેલ્થના શેર્સમાં લેવાલી કરવાની ભલામણ કરેલી છે. તેનો ભાવ સુધરીને રૂ. 1450ની ટોચ સુધી જઈ શકે છે.
જ્યુબિલિયન્સ ફૂડના શેર્સમાં લેવાલી કરવાની ભલામણ સેન્ટ્રમ બ્રોકરેજ હાઉસે કરી છે. સ્ક્રિપનો ભાવ વધીને રૂ. 690ના મથાળે પહોંચી શકે છે.
સેન્ટ્રમ બ્રોકરેજ હાઉસે ધ રેમકો સિમેન્ટના શેરમાં વેચવાલી કરી દેવાની ભલામણ કરી છે. ભાવ ઘટીને રૃા. 1062 સુધી આવી શકે છે.
ઈલારા કેપિટલ બ્રોકિંગ હાઉસે લેમન ટ્રી હોટેલના શેર્સ ખરીદવાનું ચાલુ કરી દેવાની ભલામણ કરી છે. તેનો ભાવ રૂ. 157 સુધી જઈ શકે છે.
આજે નિફ્ટીમાં શું કરી શકાય?
ફર્સ્ટ સ્ટોકના વિશ્લેષણ મુજબ આજે નિફ્ટી-50 25899થી 26009ની રેન્જમાં અથડાતો રહે તેવી સંભાવના છે. 26000ની સપાટીએ તેમાં પ્રતિકાર જોવા મળી રહ્યો છે. હા, 25880થી 25900ની રેન્જમાં મજબૂત ટેકો જોવા મળી રહ્યો છે.
