આજે શેરબજારમાં શું કરશો?
આજે ખરીદવા લાયક સ્ટોક–Tube Investments of India-ટ્યુબ ઇન્વેસ્ટમેન્ટ્સ ઓફ ઇન્ડિયા છે. તેનો વર્તમાન ભજાર ભાવ રૂ. 2,769.20 છે. Tube Investments of Indiaનો શેર છેલ્લા એક મહિનાથી સતત તેજીમાં છે. 28 જાન્યુઆરીએ રૂ. 2,170ના સપોર્ટ પરથી આ સ્ટોકે ઉપરની દિશામાં ટ્રેન્ડ શરૂ કર્યો હતો. બીજી માર્ચ સોમવારના રોજ આ શેરે રૂ.2,650ના મહત્વપૂર્ણ રેઝિસ્ટન્સને મજબૂત રીતે તોડી નાખ્યો હતો. તેથી આગળ વધુ તેજી માટે માર્ગ ખુલ્યો છે. આગળ જતા શેરના ભાવમાં થોડો સુધારો જોવા મળી શકે છે. તેનો ભાવ ફરી રૂ. 2,650 સુધી આવી શકે છે. પરંતુ નજીકના સમયમાં આ સ્ટોક ફરી તેજી પકડીને લગભગ રૂ. 3,200 સુધી પહોંચી શકે તેવી સંભાવના છે. તેને માટેની ટ્રેડિંગ સ્ટ્રેટેજી આ મુજબની હોઈ શકે છે. હાલના ભાવ ₹2,769 આસપાસ ખરીદી કરી શકાય છે. રૂ. 2,650 પર વધુ ખરીદી (accumulate) કરી શકાય છે. ટ્રેડર્સ કે ઇન્વેસ્ટર્સે સ્ટોપ-લોસ રૂ. 2,480 રાખે તે જરૂરી છે. આગળની સ્ટોપ-લોસ સ્ટ્રેટેજીના વાત કરીએ તો ભાવ રૂ. 3,000 પહોંચે ત્યારે સ્ટોપ-લોસ રૂ. 2,800 પર ખસેડવો જોઈએ. તેમ જ ભાવ રૂ. 3,100 થાય ત્યારે સ્ટોપ-લોસ રૂ. 3,000 કરી દેવો જોઈએ. ભાવ રૂ. 3,200ને સ્પર્શી જાય ત્યારે નફો બુક કરી લેવો જોઈએ.
ભારતી એરટેલના શેરમાં લેણ કરી શકાય
મોતીલાલ ઓસવાલ બ્રોકરેજ હાઉસે ભારતી એરટેલના શેર્સમાં લેણ કરવાની ભલામણ કરી છે. તેમ જ તેનો ભાવ વધીને રૂ. 2355ના મથાળાને વળોટી જશે તેવો નિર્દેશ આપ્યો છે. જે.એમ.ફાઈનાન્શિયલ બ્રોકરેજ હાઉસે પણ ભારતી એરટેલના શેર્સમાં લેણ કરવાની ભલામણ કરી છે. ભારતી એરટેલના શેરનો ભાવ વધીને રૂ. 2455 સુધી જઈ શકે તેમ હોવાનો નિર્દેશ આપ્યો છે.
ઇરાન યુદ્ધની અસર હેઠળ ઘણા ભારતીય શેરોમાં ઘટાડો
અમેરિકા, ઇઝરાયેલ અને ઈરાન વચ્ચે વધતા તણાવના કારણે વૈશ્વિક વેપાર માર્ગો પર અસર ભારતીય શેરબજારમાં પણ દબાણ જોવા મળ્યું છે. બેન્ચમાર્ક ઇન્ડેક્સ BSE Sensex 1.54 ટકા ઘટીને 78,999.80 પર આવી ગયો છે. બીજીતરફ NIFTY 50 1.71 ટકા ઘટીને 24,439.55 પર ટ્રેડ થઈ રહ્યો છે. તેની અસર સંખ્યાબંધ શેર્સના ભાવ પર પણ પડી છે. એનર્જી, ઓઈલ અને ગસના સેક્ટરની કંપનીઓના શેર્સના ભાવ ખાસ કરીને તૂટતા જોવા મળી રહ્યા છે.
Hormuz Straitમાં સપ્લાયમાં અવરોધ સર્જાતા Petronet LNG, GAIL, Gujarat State Petronet, Mahanagar Gas, Indraprastha Gas અને Gujarat Gasના ભાવમાં 12 ટકા સુધીનો ઘટાડો નોંધાયો છે. પોર્ટ્સ અને લોજિસ્ટિકના સેક્ટરની કંપની Adani Ports & Special Economic Zone અને JSW Infrastructureના શેરના ભાવમાં 4 ટકા સુધી ઘટાડો થઈ ગયો છે. એવિએશન સેક્ટરની કંપનીઓની વાત કરીએ તો વેસ્ટ એશિયામાં ફ્લાઇટ ઓપરેશન્સમાં વિક્ષેપ પડતા InterGlobe Aviation અને SpiceJetના શેરોમાં લગભગ 8 ટકા સુધી ઘટાડો આવી ગયો છે. મેટલ અને ઈન્ફ્રાસ્ટ્રક્ચર સેક્ટરની કંપનીને જોઈતી ઔદ્યોગિક ધાતુઓની સપ્લાય અંગેની ચિંતા વધી જતાં Tata Steel, JSW Steelના શેરોમાં પણ લગભગ 8 ટકા સુધી ઘટાડો નોંધાયો છે. તેમ જ સમયે ઇન્ફ્રાસ્ટ્રક્ચર કંપની Larsen & Toubroના શેર 7.5 ટકા સુધી તૂટી ગયો છે.
હા, ડિફેન્સ શેરોમાં તેજી જોવા મળી રહી છે. સમગ્રતયા બજારમાં ઘટાડા વચ્ચે ડિફેન્સ કંપનીઓના શેરોમાં તેજી જોવા મળી રહી છે. ડિફેન્સ સેક્ટરની કંપની Paras Defence and Space Technologies, ideaForge Technology અને Zen Technologiesના શેરોમાં લગભગ 11 ટકા સુધીનો ઉછાળો નોંધાયો છે. શેરબજારના નિષ્ણાતોના મત મુજબ ડિફેન્સ, બેન્કિંગ, ફાર્મા અને ઓટોમોબાઇલ ક્ષેત્ર લાંબા ગાળે રોકાણ માટે સારી તક મળી શકે છે.
