આજે શેરબજારમાં શું કરશો?
લોઢા ડેવલપર્સ-Lodha Developersના શેર્સમાં લેણ કરી શકાય છે.
-તેજીનો વક્કર દર્શાવતા શેરનો વર્તમાન બજાર ભાવ રૂ. 1,073.75ના આસપાસ છે.
– શેર રૂ.1,240ના મથાળાને સ્પર્શી શકે છે.
– રોકાણકારો હાલ રૂ. 1,073 પર લેણ કરી શકે રૂ.1,055 આસપાસ વધુ લેણ કરી હોલ્ડિંગ વધારી શકે છે.
– 2024ના જૂનથી 2025ના જાન્યુઆરીના મધ્ય સુધી Lodha Developersના શેરના ભાવમાં ઘટાડો જોવાયા બાદ ધીમે ધીમે પુનઃઉછાળો બતાવી રહેલો શેર
– છેલ્લા થોડા સપ્તાહના ચાર્ટ પર મોર્નિંગ સ્ટાર-કેન્ડલસ્ટિક પેટર્ન રચાઈ રહી છે. આ રચના ટ્રેન્ડમાં તેજી તરફ વળાંક આવવાનો સંકેત આપે છે.
– શેર્સે થોડા દિવસોમાં ટ્રેન્ડલાઇન રેઝિસ્ટન્સ તોડી નાખ્યો છે અને હાલમાં ભાવ 21-દિવસ અને 50-દિવસની મૂવિંગ એવરેજથી ઉપર છે.
– તમામ સંકેતો નજીકના સમયમાં રેલી આવવાની શક્યતા બતાવે છે. શેરનો ભાવ રૂ. 1,240 સુધી પહોંચી શકે તેમ જણાય છે
સ્ટોપ-લૉ સઃ શરૂઆતનો સ્ટોપ-લોસ: રૂ. 1,015 રાખી શકાય. ત્યારબાદ ભાવ રૂ.1,150 સુધી પહોંચે, ત્યારે સ્ટોપ-લોસ રૂ. 1,090 કરી શકાય છે. તેમ જ શેર રૂ. 1,200 સુધી જાય ત્યારે સ્ટોપ-લોસ વધારીને રૂ. 1,170 કરી દેવો હિતાવહ છે. રૂ.1,240 પર બહાર વેચીની નીકળી જઈ શકાય
મોતીલાલ ઓસવાલ-Motilal Oswalએ Hindustan Aeronautics, Hindustan Unilever અને Coal India પર Buy રેટિંગ આપ્યું છે.
Bharat Forge માટે Motilal Oswal Neutral છે, જ્યારે JM Financial Buy કહે છે.
Hindustan Unilever માટે ICICI Securitiesએ વધુ ઊંચો ટાર્ગેટ રૂ.3,000 આપ્યો છે.
Hindustan Aeronautics Limited
– સલાહ: Buy
– ટાર્ગેટ ભાવ: ₹5,500
– મોતીલાલ ઓસવાલ ફાઈનાન્સ સર્વિસિસ
Hindustan Unilever Limited
– સલાહ: Buy
– ટાર્ગેટ ભાવ: રૂ.2,800
– મોતીલાલ ઓસવાલ ફાઈનાન્સ સર્વિસ લિમિટેડ
આઈસીઆઈસીઆઈ સિક્યોરિટીઝનો ટાર્ગેટ ભાવ રૂ. 3000
Bharat Forge
– સલાહ: Neutral
– ટાર્ગેટ ભાવ: ₹1,597
બ્રોકર JM Financial
Coal India Limited
– સલાહ: Buy
– ટાર્ગેટ ભાવ: ₹500
– બ્રોકર મોતીલાલ ઓસવાલ
નિફ્ટીમાં આજે શું કરશો?
Nifty ITમાં ભારે વેચવાલી ચાલુ હોવાથી બજારમાં ચિંતાનો માહોલ છે. છેલ્લા દિવસોમાં Nifty IT Index લગભગ 12 ટકા ઘટી ગયો છે અને હવે 20-દિવસની મૂવિંગ એવરેજથી નીચે સરકી ગયો છે. ફેબ્રુઆરીની શરૂઆતમાં આવેલી તેજી પર હવે પાણી ફરી વળ્યું હોવાનું જણાય છે. ગયા શુક્રવારે ઇન્ડેક્સ ફરી 25,450 ઝોનમાં પાછો આવ્યો છે. તેના પરથી સ્પષ્ટ થાય છે કે મહિનાની શરૂઆતમાં શરૂઆતમાં આવેલો ઉછાળો હવે નિષ્ફળ થઈ ગયો છે. કેટલાક નિષ્ણાતો નવા ડાઉન ટ્રેન્ડની શરૂઆત તરીકે તેને જોઈ રહ્યા છે. તેને માટે હજુ વધુ સંકેતો મળવાની રાહ જોવાની જરૂર છે.
IT શેરોએ બજારને નીચે ખેંચ્યું
IT શેરોએ સમગ્ર બજારને નીચે ખેંચવામાં મુખ્ય ભૂમિકા ભજવી. ITનો પડઘો બેન્ચમાર્ક ઇન્ડેક્સ પર પણ સ્પષ્ટ દેખાયો છે. જો કે બધા સેક્ટરો એકસરખા નબળા નથી. IT સિવાય ફક્ત Nifty FMCG જ 20-દિવસની SMAથી નીચે બંધ થયું તેમાં માત્ર 0.92 ટકા ઘટાડો જોવા મળ્યો છે. . બીજી તરફ Nifty Consumer Durables હજુ પણ લગભગ 5.4 ટકા ઉપર છે.
મહત્વનું એ છે કે Nifty Auto અને Metal ઇન્ડેક્સના લગભગ 66.7 ટકા શેર હજુ પણ તેમની 50-દિવસની મુવિંગ એવરેજથી ઉપર છે. આમ બજાર પૂરેપૂરું તૂટી પડ્યું નથી.
FIIs તરફથી નબળો સંકેત
વિદેશી સંસ્થાગત રોકાણકારો (FIIs) ફરી બેરિશ મોડમાં દેખાઈ રહ્યા છે. શુક્રવારે તેમણે ઇન્ડેક્સ ફ્યુચર્સમાં શોર્ટ પોઝિશન 4 ટકા વધારી છે. લોંગ પોઝિશન 10.9 ટકા ઘટાડી છે. હાલ તેમનો લોંગ-શોર્ટ રેશિયો 19.4ની આસપાસનો છે. ગયા અઠવાડિયાના 18.3 કરતાં થોડો સારો જણાઈ રહ્યો છે. છેલ્લા અઠવાડિયામાં FIIs ધીમે ધીમે લોંગ વધારતા હતા અને શોર્ટ ઘટાડતા હતા, તેથી હાલના આંકડા સૂચવે છે કે સોમવારથી મોટો બ્રેકડાઉન થવાની સંભાવના એકતરફી રીતે સ્પષ્ટ નથી.
હેલ્થકેર ઇન્ડેક્સ: તેજી તરફ વળવાના પ્રારંભિક સંકેતો
Nifty Healthcare 14,000 સપોર્ટ ઝોન પાસે મજબૂતી બતાવી રહ્યો છે.
- સાપ્તાહિક ચાર્ટમાં higher-low રચના
- RSI 50થી ઉપર સ્થિર
- MACD બુલિશ ક્રોસઓવર તરફ ઝુકાવ
આ બધું અંદરખાને મજબૂતી દર્શાવે છે. 14,000 ઉપર રહે ત્યાં સુધી ટ્રેન્ડ સકારાત્મક માનવામાં આવે છે. આ સેક્ટરના મોટા શેરોમાં એટલે કે Sun Pharmaceutical Industries, Divi’s Laboratories, Torrent Pharmaceuticals, Apollo Hospitals Enterprise અને Ciplaમાં મજબૂતી જજોવા મળી શકે છે. આ તમામ શેર્સમાં સાપ્તાહિક રિવર્સલ પેટર્ન બનતા જોવા મળ્યા છે. જો તેજી ચાલુ રહી, તો ઇન્ડેક્સ 14,600 અને આગળ જઈને 15,200–15,500 સુધી પહોંચી શકે છે.
PSU બેન્ક્સ: નફાવસૂલાત શરૂ
Nifty PSU Bank Index ઊંચા સ્તરે અટવાયેલો છે. RSI લગભગ 70 આસપાસ હોવાથી ટૂંકાગાળામાં તેજીનો આખલો થાક અનુભવે તેવી શક્યતા છે. State Bank of India શેરનું ઇન્ડેક્સમાં વેઈટેજ-વજન લગભગ 40 ટકા છે. સ્ટેટ બેન્કનો RSI 75થી ઉપર છે. તેથી ટૂંક સમયમાં કરેકશન આવે તેવી સંભાવના જણાય છે.
બીજી તરફ Punjab National Bank, Canara Bank, અને Bank of Barodaમાં સાપ્તાહિક ઘટાડો નોંધાયો છે અને RSI 41–46 વચ્ચે છે. આ બાબત તેમાં નરમાઈ જોવા મળે તેવો સંકેત આપી રહી છે. .
ડેરિવેટિવ્સનો ડેટા પણ સાવચેતીભર્યો અભિગમ રાખવાનો નિર્દેશ આપી રહ્યા છે. ઇન્ડેક્સ 8,900 સપોર્ટ તરફ સુધારો કરે તો ત્યાંથી સારી એન્ટ્રી તક મળી શકે છે. જોકે તેની સાથે શરતે એ છે કે અપટ્રેન્ડ લાઇન યથાવત રહેવી જોઈએ.
