આજે શેરબજારમાં શું કરશો?

બ્રોકરેજ હાઉસ જે.એમ. ફાઈનાન્શિયલના નિષ્ણાતોના મત મુજબ Tenneco Clean Air Indiaના શેરમાં લેણ કરી શકાય છે. કારણ કે કંપનીની ઓર્ડર બુક મજબૂત છે. શેરનો ટાર્ગેટ ભાવ: રૂ. 640નો દર્શાવવામાં આવી રહ્યો છે. શેરના ભાવમાં 16.4 ટકાનો સુધારો જોવા મળી શકે છે. આ રહ્યા તેના કારણો.

• 3QFY26 EBITDA માર્જિન 6 ટકાના છે અને તેમાં દોઢ ટકાનો વધારો થયો છે.
• Advanced Ride Technologyને કારણે આવકમાં વાર્ષિક ધોરણે 5 ટકાનો વધઆરો થયો છે.
• નવા પ્રોડક્ટ લોન્ચથી નવી રૂ. 220 કરોડ વાર્ષિક આવક થવાની સંભાવના
• FY28E નેટ સેલ્સ અંદાજ રૂ. 7,301.3 કરોડનો છે.
• મજબૂત અને વૈવિધ્યસભર ઓર્ડર બુક આગામી વર્ષોમાં ડબલ ડિજિટ CAGR સૂચવે છે.

Navin Fluorine Internationalના શેરમાં પણ લેણ કરવાની ભલામણ સાથે જે.એમ. ફાઈનાન્શિયલના નિષ્ણાતો જણાવે છે કે તેના ભાવમાં 29 ટકા અપસાઈડની શક્યતા છે. શેરનો ટાર્ગેટ ભાવ રૂ.8,270નો નક્કી કરવામાં આવ્યો છે. શેરનો વર્તમાન ભાવ રૂ. 6,389 છે. આમ 29.4 ટકાના અપસાઈડની સંભાવના છે.

• બ્રોકરેજ હાઉસના નિષ્ણાતોના મત મુજબ CDMO અને Project Nectarના ઝડપી સ્કેલ-અપથી આગામી 2–3 ક્વાર્ટરમાં કંપનીના કુલ કમાણીમાં 15થી 20 ટકા સુધારો આવવાની સંભાવના છે.
• કંપનીનો વર્તમાન EBITDA રન-રેટ રૂ.1,230 કરોડનો છે.
• FY28E અંદાજિત EBITDA રૂ.1,630–1,640 કરોડ સુધી જઈ શકે છે.
• FY28E નેટ પ્રોફિટ અંદાજે રૂ. 1,058.4 કરોડનો થઈ શકે છે.

Ahluwalia Contracts (India)ના શેરમાં પણ 42.9 ટકાનો વધારો થવાની શક્યતા જે.એમ. ફાઈનાન્શિયલના નિષ્ણાતો જણાવે છે.

• આ શેરમાં પણ બાયનું રેટિંગ આપવામાં આવેલું છે.
• ટાર્ગેટ ભાવ: ₹1,155
• શેરના ભાવમાં 9 ટકા અપસાઈડની સંભાવના
• 3QFY26 આવક રૂ.1,060.7 કરોડ થઈ શકે છે.
• આવકમાં વાર્ષિક ધોરણે 11 ટકાનો વધારો જોવા મળી શકે
• EBITDA માર્જિન 2 ટકાનો છે.
• ઓર્ડર બુક અંદાજે રૂ. 18,700 કરોડની છે. જે TTM આવકના 2 ગણો છે.
• FY28E નેટ સેલ્સ અંદાજે રૂ. 6,893.4 કરોડ રહેવાની સંભાવના છે.
• NCR વિસ્તારમાં GRAP પ્રતિબંધોનો ટૂંકા ગાળાનો પ્રભાવ છતાં લાંબા ગાળાની ઓર્ડર વિઝિબિલિટી મજબૂત છે.

ટૂંકા ગાળાના પડકારો હોવા છતાં, JM Financialના નિષ્ણાતોના મતાનુસાર ઓટો અને ઈન્ફ્રા ઓર્ડર વિઝિબિલિટી (Tenneco, Ahluwalia), સ્પેશિયાલિટી કેમિકલ્સ વૃદ્ધિ (Navin Fluorine)માં જોવા મળી શકે છે. આ કંપનીઓની ઓર્ડર બુક મજબૂત કમાણીની સંભાવના દર્શાવે છે. આ ઓર્ડર બુક જ કંપનીના શેર્સમાં લેવાલી કરવાના-Buy’ રેટિંગને સમર્થન આપે છે.

આજે નિફ્ટીમાં શું કરશો?

આજે Nifty: 25,600 (20-day SMA)ની અને Sensex: 83,000ની સપાટીની ઉપર ટકી રહેશે તો બુલિશ મોમેન્ટમ ચાલુ રહી શકે છે.

ભારતીય શેરબજારમાં સોમવારે મજબૂત શરૂઆત બાદ ઊંચા સ્તરે વેચવાલી જોવા મળી હતી.  દિવસના અંતે ઇન્ડેક્સ આશરે અડધો ટકા વધારા સાથે બંધ થયા હતા. Sensex 83,294.66ની સપાટીએ 479.95 પોઈન્ટના એટલે કે 0.58 ટકાના વધારા સાથે બંધ આવ્યો હતો. તેમ જ Nifty 25,713 પોઈન્ટ પર 141.75 પોઈન્ટના એટલે કે 0.55 ટકાના વધારા સાથે બંધ આવ્યો હતો.

Kotak Securitiesના ઇક્વિટી રિસર્ચ હેડ શ્રીકાંત ચૌહાણના જણાવ્યા મુજબ આજે Nifty: 25,600 (20-day SMA)ની અને Sensex: 83,000ની સપાટીની ઉપર ટકી રહેશે તો બુલિશ મોમેન્ટમ ચાલુ રહી શકે છે. બજારમાં એટલે કે Niftyમાં 25,800ની સપાટીએ અને સેન્સેક્સ-Sensexમાં 83,600ની સપાટીએ પ્રતિકાર જોવા મળી રહ્યો છે. નિફ્ટી 25,800 અને સેન્સેક્સ 83,600 ઉપર બ્રેકઆઉટ આપે તો Nifty 25,950–26,000નું અને Sensex 84,000થી 84,200 સુધી ઉછાળો બતાવે તેવી શક્યતા છે.

શેરબજારના નકારાત્મક સંકેતની વાત કરીએ તો જો Nifty 25,600 નીચે અને Sensex 83,000 નીચે જાય તો Nifty 25,500–25,450 સપાટી સુધી અને સેન્સેક્સ-Sensex 82,700 કે પછી 82,500ની સપાટી સુધી નીચે ઉતરી શકે છે.

સમગ્રતયા માર્કેટ સેન્ટિમેન્ટની વાત કરવામાં આવે તો Religare Brokingના અંદાજ મુજબ વૈશ્વિક અનિશ્ચિતતા કારણે બુલ્સ અને બિયર્સ વચ્ચે ખેંચતાણ ચાલુ જ છે. આજે લોન્ગ પોઝિશન લેવા માટેના પસંદગીના સેક્ટર્સમાં બેન્કિંગ, ઓટો, મેટલ અને એનર્જી સેક્ટર્સના શેર્સનો સમાવેશ થાય છે. જોકે ઇન્ફોર્મેશન ટેક્નોલોજી-IT સેક્ટર હજુ પણ નબળું દેખાઈ રહ્યું છે.

બજારમાં સાઈડવે ટ્રેડિંગની શક્યતા?

LKP Securitiesના નિષ્ણાતોના જણાવ્યા અનુસાર Nifty 21-EMA (25,641) અને 50-DMA (25,737) વચ્ચે અટવાયેલો રહી શકે છે. India VIX ઊંચા સ્તરે છે. તે દર્શાવે છે કે બજારમાં વોલેટિલિટી એટલે કે મોટી વધઘટ જોવા મળી શકે છે. બજારનો રિલેટિવ સ્ટ્રેન્ગ્થ ઇન્ડેક્સ સ્પષ્ટ સંકેત આપતો નથી. બજારની શોર્ટ ટર્મ રેન્જની વાત કરીએ તો ઉપરની તરફ 25,750 અને નીચેની તરફ 25,600માં અથડાતું રહે તેવી શક્યતા છે. આ રેન્જ તૂટે ત્યાં સુધી બજાર સાઇડવેઝ રહી શકે છે.

Nifty Bank Outlook અંગે વાત કરતાં Bajaj Brokingના નિષ્ણાતો જણાવે છે કે ટૂંકા ગાળામાં-શોર્ટ ટર્મમાં બજાર 60,500થી 60,200ની રેન્જમાં ટેકો ધરાવે છે. બજારની ટ્રેડિંગ રેન્જ: 60,000થી 61,750ની રહેવાની ધારણા છે. બજારમાં ડીપ આવે તો તેને ખરીદી કરવાની તક તરીકે જોવી જોઈએ. બજાર 61,750 ઉપર જાય તો નિર્ણાયક બ્રેકઆઉટ આવી શકે છે અને બજારમાં નવા મોમેન્ટમની શરૂઆત થઈ શકે છે.