ભારતીય બજારમાં વધતી વોલેટિલિટી વચ્ચે વિદેશી સંસ્થાગત રોકાણકારો (FIIs) તરફથી મજબૂત સંકેતો મળ્યા છે. ખાસ કરીને Nifty PSU Bank Index અને Nifty India Defence Indexમાં બ્રેકઆઉટ જેવી સ્થિતિ દેખાઈ રહી છે. આમ બંને સેક્ટરમાં તેજીની રેલી આવવાની શરૂઆતનો સંકેત હોઈ શકે છે.

શેરબજારમાં વોલેટિલિટીનો વધારો

25,900 અને 25,450ના લેવલ પાર કરવાની બે-બે કોશિશો નિષ્ફળ ગઈ છે. આ હકીકત તેજી અને મંદી વચ્ચેના સંઘર્ષને દર્શાવે છે. પરંતુ સૌથી મહત્વપૂર્ણ બાબત ટ્રેડિંગ રેન્જમાં થયેલા વધારાની છે. આમ બજારમાં વોલેટિલિટી વધી રહી છે. VIX 14થી ઉપર રહેતા ગેપ્સ, નિષ્ફળ રેલીઓ અને ઝડપી ફેરફારો વધતી અનિશ્ચિતતા દર્શાવે છે.

FIIsમાં આવી રહેલો બુલિશ વળાંક

શુક્રવારે FIIsએ ઇન્ડેક્સ ફ્યુચર્સ સેગમેન્ટમાં પોતાના લોંગ પોઝિશનમાં 13.3 ટકાનો વધારો કર્યો, ફ્યુચર્સના કુલ 68,265 કોન્ટ્રાક્ટ સુધી પહોંચ્યા છે. આ કોન્ટ્રાક્ટની સંખ્યા મે 2025 પછીનો ઉચ્ચ સ્તરે છે. લોંગ-શોર્ટ રેશિયો 25.3 સુધી પહોંચ્યો છે, જે દર્શાવે છે કે FIIsનો મંદીની માનસિકતા હવે નબળી પડી રહી છે. હાલની શોર્ટ પોઝિશન હજુ ઊંચી હોવાથી આગળ શોર્ટ કવરિંગની શક્યતા પણ છે.

PSU બેન્ક્સ: મજબૂત બ્રેકઆઉટ

Nifty PSU Bank Indexએ 9,650 નજીક મજબૂત વીકલી બ્રેકઆઉટ નોંધાવ્યો છે.

• RSI 70થી ઉપર (મજબૂત મોમેન્ટમ) દર્શાવી રહ્યો છે.
• MACD પોઝિટિવ અને હિસ્ટોગ્રામ વિસ્તરી રહ્યો છે
• 85 ટકા ફ્યુચર્સમાં શોર્ટ કવરિંગ જોવા મળી રહ્યું છે.
• વીકલી ચાર્ટ પર બુલિશ મારૂબોઝુ કેન્ડલની રચના થઈ રહી હોવાનું જણાય છે

મહત્વના ટેકનિકલ લેવલ

• રેઝિસ્ટન્સ: 9,900–10,050
• ટાર્ગેટ: 10,500–10,800
• સપોર્ટ: 9,350–9,450
• 9,300 ઉપર વીકલી ક્લોઝિંગ સુધી ટ્રેન્ડ પોઝિટિવ

ડિફેન્સ ઇન્ડેક્સ: મોમેન્ટમ સુધરી રહ્યું છે

Nifty India Defence Indexએ 7,300 સપોર્ટ ઝોન જાળવી રાખીને હાયર લોઝ બનાવ્યા છે.

• RSI 50 ઉપર
• MACD નેગેટિવ હિસ્ટોગ્રામ ઘટતો
• 67 ટકા ફ્યુચર્સમાં લોંગ બિલ્ડ-અપ
• તમામ ઘટકોમાં વીક-ઓન-વીક શોર્ટ કવરિંગ

મહત્વના લેવલ:

• બ્રેકઆઉટ ઝોન: 8,150–8,200
• ટાર્ગેટ: 8,550 અને 8,900
• સપોર્ટ: 7,600–7,450

અંતિમ અવલોકન

વોલેટિલિટી વધતી હોવા છતાં FIIsની મજબૂત ભાગીદારી અને શોર્ટ કવરિંગ PSU બેન્ક્સ અને ડિફેન્સ સેક્ટરમાં મજબૂત રેલીનો સંકેત આપે છે. ટૂંકા ગાળાના ટ્રેડર્સ માટે બંને ઇન્ડેક્સમાં બ્રેકઆઉટ લેવલ પર ખાસ નજર રાખવી જરૂરી છે.