કોટક સિક્યોરિટીઝના રડાર પર ૨ શેર: CAMS અને કલ્પતરુ પ્રોજેક્ટ્સ

કોટક સિક્યોરિટીઝના રડાર પર બે શેર: CAMS અને કલ્પતરુ પ્રોજેક્ટ્સ

કોટક સિક્યોરિટીઝના ઈક્વિટી રિસર્ચ હેડ શ્રીકાંત ચૌહાણે ટૂંકા ગાળા માટે CAMS Ltd અને કલ્પતરુ પ્રોજેક્ટ્સ ઈન્ટરનેશનલ (KPIL) માટે તેજીનું વલણ દર્શાવ્યું છે.

CAMS Ltd- કોમ્પ્યુટર એજ મેનેજમેન્ટ સર્વિસીસ

કંપની પ્રોફાઈલ અને ફંડામેન્ટલ્સ: CAMS એ ભારતનું સૌથી મોટું ફાઈનાન્શિયલ ઈન્ફ્રાસ્ટ્રક્ચર અને સર્વિસ પ્રોવાઈડર છે, જે મુખ્યત્વે મ્યુચ્યુઅલ ફંડ ઉદ્યોગને સેવા આપે છે. ૧૯૮૮માં સ્થપાયેલી આ કંપની રજિસ્ટ્રાર એન્ડ ટ્રાન્સફર એજન્ટ તરીકે ભારતની કુલ મ્યુચ્યુઅલ ફંડ એસેટ અન્ડર મેનેજમેન્ટનો આશરે ૬૮ ટકા હિસ્સો ધરાવે છે. મ્યુચ્યુઅલ ફંડ ઉપરાંત કંપની ઈન્સ્યોરન્સ રિપોઝિટરી, વેલ્થ મેનેજમેન્ટ ટેકનોલોજી અને કેવાયસી કોમ્પ્લાયન્સ જેવા ડિજિટલ ક્ષેત્રોમાં સક્રિય છે. ગિફ્ટી સિટીમાં પણ કંપનીની મજબૂત હાજરી છે.

Q1 FY27 પરિણામો: કંપનીના પરિણામો અપેક્ષા કરતાં સારા રહ્યા છે. કોર અર્નિંગ્સ વાર્ષિક ધોરણે (YoY) ૧૯ટકા વધી છે, જેમાં નોન-એમએફ (Non-MF) રેવેન્યુમાં ૨૮ ટકાનો ગ્રોથ જોવા મળ્યો છે. પેમેન્ટ એગ્રીગેટર (CAMS Pay) ની આવકમાં વાર્ષિક ૭૦ ટકાનો ઉછાળો થયો છે. નોન-એમએફ માર્જિન ઔદ્યોગિક ક્વાર્ટરમાં ઘટીને ૧૩ ટકા થયું હતું, જે ક્વાર્ટરના અંત સુધીમાં પુનઃ ૧૭ ટકા સુધી પહોંચવાનો અંદાજ છે.

રેટિંગ: લેણ કરો

હાલનો ભાવ (CMP): રૂ. ૭૮૪

વ્યાજબી ભાવ (Fair Value): રૂ. ૮૬૦

સપોર્ટ અને રેસિસ્ટન્સ: રેસિસ્ટન્સ: રૂ. ૭૯૦-૮૧૦ | સપોર્ટ: રૂ. ૭૬૦-૭૪૦

કલ્પતરુ પ્રોજેક્ટ્સ ઈન્ટરનેશનલ

કંપની પ્રોફાઈલ અને ફંડામેન્ટલ્સ: કલ્પતરુ પ્રોજેક્ટ્સ ઈન્ટરનેશનલ ભારતની અગ્રણી ઈપીસી એટલે કે ઈજનેરી, પ્રાપ્તિ અને બાંધકામ કંપનીઓમાંની એક છે. તે પાવર ટ્રાન્સમિશન અને ડિસ્ટ્રિબ્યુશન, બિલ્ડિંગ્સ અને ફેક્ટરીઝ, વોટર સપ્લાય, ઓઈલ અને ગેસ ક્ષેત્રે કાર્યરત છે. ક્વાર્ટર ૧ FY27 ના અંતે કંપની પાસે અત્યાર સુધીની સૌથી વધુ રૂ. ૬૬,૬૦૦ કરોડની ઓર્ડર બુક છે, જે ૨.૫ વર્ષ માટે આવકની સ્પષ્ટતા આપે છે. FY27 માટે કંપનીએ ૧૫ ટકા વાર્ષિક આવક વૃદ્ધિ અને રૂ. ૩૦,૦૦૦ કરોડના નવા ઓર્ડર મેળવવાનું લક્ષ્ય રાખ્યું છે.

Q1 FY27 પરિણામો: ચૂંટણી અને મધ્ય પૂર્વમાં સપ્લાય ચેઈનની સમસ્યાઓ છતાં કંપનીની આવકમાં વાર્ષિક ધોરણે ૯ ટકાનો વધારો થયો છે. કન્સોલિડેટેડ વેરા પૂર્વેનો નફો ૪૫ ટકા વધીને રૂ. ૪૨૦ કરોડ થયો છે. કંપનીનું નેટ ડેટ/ઈક્વિટી રેશિયો ૦.૧x ના સ્વસ્થ સ્તરે છે અને રિટર્ન ઓન કેપિટલ એમ્પ્લોઈડ E ૨૧-૨૨ ટકાની આસપાસ છે. નાણાકીય વર્ષ ૨૦૨૬-૨૯ દરમિયાન આવકમાં ૧૭ ટકાનો સર્વગ્રાહી વિકાસદર-CAGR ગ્રોથનો અંદાજ છે.

૨. કલ્પતરુ પ્રોજેક્ટ્સ ઈન્ટરનેશનલ

રેટિંગ: BUY લેણ કરો 

હાલનો ભાવ (CMP): રૂ. ૧,૪૦૦

વ્યાજબી ભાવ (Fair Value): રૂ. ૧,૭૧૦

સપોર્ટ અને રેસિસ્ટન્સ: રેસિસ્ટન્સ: રૂ. ૧,૪૩૦-૧,૪૬૦ | સપોર્ટ: રૂ. ૧,૩૭૫-૧,૩૫૫

મુખ્ય આંકડાકીય સરખામણી 

વિગત	કેમ્સ લિમિટેડ	કલ્પતરુ પ્રોજેક્ટ્સ
ભલામણ	નવી ખરીદી કરો	લેણ કરો
હાલનો ભાવ	રૂ. ૭૮૪	રૂ. ૧,૪૦૦
ફેર વેલ્યુ	રૂ. ૮૬૦	રૂ. ૧,૭૧૦
સપોર્ટ લેવલ	રૂ. ૭૬૦ – રૂ.૭૪૦	રૂ. ૧,૩૭૫ – રૂ. ૧,૩૫૫
રેસિસ્ટન્સ લેવલ	રૂ. ૭૯૦ – રૂ. ૮૧૦	રૂ. ૧,૪૩૦ – રૂ. ૧,૪૬૦
મુખ્ય હાઈલાઈટ	MF RTA માં ૬૮% માર્કેટ શેર	₹૬૬,૬૦૦ કરોડની ઓર્ડર બુક