ચોરી પકડવા જીએસટી અને આર્ટિફિશિયલ ઇન્ટેલિજન્સનો સતત વધારવામાં આવી રહેલો ઉપયોગ
જીએસટી અને આર્ટિફિશિયલ ઇન્ટેલિજન્સનો સતત વધારવામાં આવી રહેલો ઉપયોગ
જીએસટી ચોરી રોકવા અને ટેક્સ કમ્પ્લાયન્સ સુધારવા માટે AI નો ઉપયોગ
ભારતમાં ગુડ્સ એન્ડ સર્વિસ ટેક્સ (GST) ની વ્યવસ્થામાં કર ચોરી અટકાવવા, રિફંડ પ્રક્રિયા ઝડપી બનાવવા અને કમ્પ્લાયન્સ સુધારવા માટે આર્ટિફિશિયલ ઇન્ટેલિજન્સ (AI), મશીન લર્નિંગ અને ડેટા એનાલિટિક્સનો વ્યાપક ઉપયોગ શરૂ કરવામાં આવી રહ્યો છે. તેનાથી જીએસટીનીચોરી ઘટશે અને કોમ્પ્લાયન્સ કરનારાઓની સંખ્યામાં વધારો થઈ જશે તેવું ડિપાર્ટમેન્ટનું માનવું છે.
જીએસટી વિભાગના સૂત્રોના જણાવ્યા અનુસાર, કરદાતાઓના વ્યવહારોનું વિશ્લેષણ કરવા, જોખમી પેટર્ન ઓળખવા, રજિસ્ટ્રેશન અને રિટર્ન ચકાસણી માટે એઆઈ આધારિત પ્રણાલી કાર્યરત કરવામાં આવી રહી છે. તેનાથી પ્રમાણિક વ્યવસાયો માટે માનવ હસ્તક્ષેપ ઘટશે.
આ ઉપરાંત, જીએસટી, કસ્ટમ્સ અને ઇનકમ ટેક્સ ડેટાનું એકીકરણ કરીને ઉચ્ચ જોખમ ધરાવતા કરદાતાઓને ઝડપથી લક્ષ્ય બનાવવામાં આવશે. તાજેતરના એક સર્વે મુજબ 89 ટકા વ્યવસાયો ભવિષ્યના GSTN 2.0 પ્લેટફોર્મમાં પ્રી-ફિલ્ડ રિટર્ન અને ઓટોમેટેડ કમ્પ્લાયન્સ માટે એઆઈ ટેકનોલોજીના ઉપયોગની તરફેણ કરી રહ્યા છે.
