આજે શેરબજારમાં શું કરશો?
આજે શેરબજારમાં નોંધપાત્ર લે-વેચ થનારા શેર્સમાં એક્સિસ બેન્ક, એચડીએફસી બેન્ક અને નેસ્લે ઇન્ડિયાના શેર્સનો સમાવેથ થાય છે. આ ત્રણેય શેર્સમાં આજના દિવસ દરમિયાન થનારી વધઘટ પર રોકાણકારો અને ટ્રેડર્સ નજર રાખી શકે છે.
Axis Bank (NSE: AXISBANK)માં મજબૂત એડવાન્સ ગ્રોથને કારણે ભાવ વધવાની સંભાવના હોવાનું નિષ્ણાતો કહે છે. આ શેર્સ પર નજર રાખવાના કારણોમાં ઊંડા ઉતરીએ તો Axis Bankના Q3 FY25 પરિણામોમાં મજબૂત રહ્યા છે. બેન્કના કુલ-ગ્રોસ એડવાન્સિસ-ધિરાણમાં લગભગ 14.1 ટકાના દરે વાર્ષિક વૃદ્ધિ જોવા મળી છે. તેમ જ બેન્કની ડિપોઝિટ ટ્રેન્ડમાં પણ સુધારો જોવા મળી રહ્યો છે. બેન્કને આ આવકની મજબૂતી સામાન્ય રીતે ટૂંકા ગાળામાં શેરના ભાવને ટેકો આપનાર સાબિત થવાની સંભાવના વધારે છે. 6 જાન્યુઆરી 2026ના ભારતીય માર્કેટ સમાચાર મુજબ Axis Bankના મજબૂત Q3 આંકડાઓએ બજારની ભાવનાને સકારાત્મક દિશા આપી છે.
ટ્રેડિંગ ટીપ કે વ્યૂહની વાત કરીએ તો એક્સિસ બેન્કના શેરમાં સપોર્ટ લેવલ નજીકથી ઘટાડો આવે ત્યારે તેમાં ખરીદી કરી શકાય છે, કારણ કે બેંકિંગ શેરોમાં મિશ્ર ટ્રેન્ડ-સારા નરસાં પરફોર્મન્સના સરેરાશ ટ્રેન્ડ વચ્ચે Axis Bank મજબૂત દેખાય છે. જોકે તેમાં થોડું જોખમ પણ રહેલું છે. વૈશ્વિક સ્તરે ટેરિફ અને ભૂ-રાજકીય અસ્થિરતા ટૂંકા ગાળે દબાણ ઊભું કરી શકે છેએક્સિસ બેન્કના શેરનો 5મી જાન્યુઆરીનો બંધ ભાવ રૂ. 1285.80નો છે.
ટ્રેડરો અને રોકાણકારોએ ધ્યાન રાખવા જેવો બીજો શેર HDFC Bank (NSE: HDFCBANK)નો છે. નિષ્ણાતોનું કહેવું છે કે તેમાં પ્રોફિટ બુકિંગ કરી લેવું જોઈએ. HDFC Bankનું ADR-અમેરિકન ડિપોઝિટરી રિસિપ્ટના ભાવ ન્યૂયોર્ક સ્ટોક એક્સચેન્જ પર લગભગ 6 ટકા ઘટ્યો છે. આમ તેમાં વૈશ્વિક સ્તરે વેચવાલી અને રિસ્ક-ઓફ સેન્ટિમેન્ટ દર્શાવે છે. આ ADR નબળાઈનો અસર ભારતીય બજારમાં પણ જોવા મળી શકે છે. તેમાંય ખાસ કરીને અમેરિકા-ભારત ટેરિફ મુદ્દાઓ ચર્ચામાં હોય ત્યારે આ ઘટાડો વિશેષ પ્રભાવ પાડી શકે છે.
ટ્રેડિંગ ટીપઃ છઠ્ઠી જાન્યુઆરી 2026ના રોજ એચડીએફસી બેન્કના શેર્સમાં ઊછાળે પ્રોફિટ બુકિંગ કરી શકાય છે. તેમ જ શોર્ટ પોઝિશન (ટાઇટ સ્ટોપલોસ સાથે) લઈ શકાય છે. તેના કારણોમાં ADR નબળાઈ ઉપરાંત વૈશ્વિક સ્તરે જોવા મળી રહેલો ટેરિફના દરની ચિંતાનો સમાવેશ થાય છે. તેમ છતાંય એચડીએફસી બેન્કના મજબૂત ડોમેસ્ટિક પરિણામો ઘટાડાને મર્યાદિત કરી શકે છે. એચડીએફસીના શેર્સનો પાંચમી જાન્યુઆરીના બંધ બજારનો ભાવ રૂ. 977 – રૂ983ની રેન્જમાં રહ્યો છે.
આજે ધ્યાન આપવા પાત્ર ત્રીજો શેર Nestlé India (NSE: NESTLEIND) છે. નેસ્લે ઇન્ડિયાના શેર્સની ડિફેન્સિવ FMCG સ્ટોક તરીકે ખરીદી યોગ્ય માનવામાં આવે છે. છ જાન્યુઆરી 2026ના ટેક્નિકલ આઉટલૂકને જોવામાં આવે તો Nestlé India બજારમાં ડિફેન્સિવ અને કન્ઝમ્પશન આધારિત સ્ટોક તરીકે મજબૂત જણાઈ રહ્યો છે. બજારમાં અસ્થિરતા વખતે FMCG શેર સામાન્ય રીતે સારું પ્રદર્શન કરે છે.
છ જાન્યુઆરી માટેની ટ્રેડિંગ ટીપની વાત કરવામમાં આ તો નિષ્ણાતોનું માનવું છે કે આ સ્ક્રિપ રેન્જ-બાઉન્ડ રહે તો ડિફેન્સિવ પોઝિશન માટે ખરીદી કરી શકાય છે. કારણ કે અસ્થિર બજારમાં કન્ઝમ્પશન સ્ટોક્સ આઉટપરફોર્મ કરે છે એટલે કે બજારના પરફોર્મન્સ કરતાં તેનું પરફોર્મન્સ સાર રહેવાની સંભાવના રહેલી છે. જોકે એકાએક રિસ્ક વધી જાય તો તેવા સંજોગોમાં FMCG શેર્સ પર પણ અસર પડી શકે છે. પાંચમી જાન્યુઆરી 2026નો તેનો બંધ ભાવ રૂ. 1314.10થી 1315ની રેન્જમાં રહ્યો હતો.
આજનો સ્ટોક ખરીદી માટે મેટ્રોપોલિસ હેલ્થકેર પર પણ નજર રાખી શકાય છે. તેનો વર્તમાન બજાર ભાવ રૂ. 2,051ની આસપાસનો છે. તેમાં લેવાલી કરી શકાય તેમ નિષ્ણાતો માને છે. મેટ્રોપોલિસ હેલ્થકેર માટે ટૂંકાગાળાનો ટ્રેન્ડ પોઝિટીવ-Bullish છે. સોમવારે શેરમાં 6 ટકા કરતાં વધુનો ઉછાળો આવ્યો છે, જે દર્શાવે છે કે સ્ટોકમાં તેજીની ગતિ વધતી જાય છે. શેરનો ભાવ રૂ. 1,990ના મહત્વપૂર્ણ રેઝિસ્ટન્સ લેવલને પાર કરીને ઉપર ગયો છે. હવે રૂ.2,010થી રૂ.1,990ની સપાટી મજબૂત ટેકાની સપાટી-સપોર્ટ લેવલ બની ગયા છે. અલબત્ત વચગાળામાં થોડું કરેકશન આવે તો આ લેવલ્સ શેરના ઘટાડાને રોકી શકે છે.
