સોમવારથી ચાલુ થતાં સપ્તાહમાં જુદાં જુદાં ઇન્ડેક્સની ચાલ કેવી રહી શકે

સપ્તાહ માટે નિફ્ટી 50 આગાહી: એક મહત્વપૂર્ણ વળાંક પર

નિફ્ટી 50માં વધારે ઘટાડો અટકાવવા માટે નિફ્ટી 50 એ 24,000 ની ઉપર ટકી રહેવું પડશે અને તાત્કાલિક પુનઃસુધારો દર્શાવવો પડશે

નિફ્ટી 50, સેન્સેક્સ અને નિફ્ટી બેંક ઇન્ડેક્સ ગયા સપ્તાહે લાલ નિશાનમાં (ઘટાડા સાથે) બંધ થયા હતા. સેન્સેક્સ અને નિફ્ટીમાં 0.3 ટકાનો ઘટાડો થયો હતો. તેઓ હવે તેમના મહત્વપૂર્ણ સપોર્ટ લેવલની નજીક આવી ગયા છે. રાહત મેળવવા અને ઉપર જવા માટે બંને સૂચકાંકોએ અહીંથી તાત્કાલિક પુનઃસુધારો (બાઉન્સ બેક) કરવો પડશે. આમ કરવામાં નિષ્ફળતા તેમને આગામી સમયમાં વધુ ઘટી જવાની સ્થિતિમાં લાવી શકે છે. જેથી આ સપ્તાહની પ્રાઇસ એક્શન સેન્સેક્સ અને નિફ્ટી બંને માટે ખૂબ જ મહત્વપૂર્ણ બની રહેશે. બીજી તરફ, નિફ્ટી બેંક ઇન્ડેક્સ છેલ્લા કેટલાક અઠવાડિયાથી સાંકડી રેન્જમાં અટવાયેલો છે. એકંદર ઝુકાવ હજુ પણ પોઝિટિવ બની રહ્યો છે. અમે અપેક્ષા રાખીએ છીએ કે નિફ્ટી બેંક ઇન્ડેક્સ તેની રેન્જનો બુલિશ બ્રેકઆઉટ કરશે અને આખરે ઉપર જશે.

ફોરેન પોર્ટફોલિયો ઇ્વેસ્ટર્સની ખરીદી

ફોરેન પોર્ટફોલિયો ઇન્વેસ્ટર્સ ભારતીય બજારમાં પરત ફરી રહ્યા હોય તેવું લાગે છે. તેઓએ સતત છઠ્ઠા સપ્તાહે ભારતીય ઇક્વિટી ખરીદી છે. સપ્તાહના ધોરણે છેલ્લા બે વર્ષમાં આ સૌથી લાંબી ખરીદીની શ્રેણી છે. ઇક્વિટી સેગમેન્ટમાં આશરે 771 મિલિયન ડોલરનું નેટ ઇનફ્લો (ચોખ્ખું રોકાણ) જોવા મળ્યું હતું. જો ફોરેન પોર્ટફોલિયો ઇન્વેસ્ટર્સ ખરીદી ચાલુ રાખશે, તો તે મુખ્ય સૂચકાંકોમાં ઘટાડાને મર્યાદિત કરવામાં મદદ કરી શકે છે.

નિફ્ટી 50 (24,175.65) ટૂંકા ગાળાનો દ્રષ્ટિકોણ

નિફ્ટી 50માં મહત્વપૂર્ણ સપોર્ટ 24,000 પર છે. નિફ્ટીએ પહેલા 24,400-24,500 તરફ વધવા માટે 24,000 ની ઉપર ટકી રહેવું પડશે. આનાથી થોડી રાહત મળશે. 24,500 ની ઉપર બ્રેકઆઉટ થવાથી ઇન્ડેક્સ ત્યારબાદ 24,700 અને તે પછી 24,850 સુધી ઉપર જઈ શકે છે. જો નિફ્ટી 24,000 ની નીચે ઘટે છે તો તેના પર વધુ વેચવાલીનું દબાણ આવશે. તે સ્થિતિમાં, 23,800 અને 23,600 સુધીનો ઘટાડો શક્ય છે.

મધ્યમ ગાળાનો દ્રષ્ટિકોણ

છેલ્લા કેટલાક અઠવાડિયાના ઘટાડાથી વ્યાપક ચિત્ર બદલાયું નથી. 22,000-26,500 ની રેન્જ હજુ પણ અકબંધ છે. તેની અંદર, જ્યાં સુધી નિફ્ટી 24,000 ની ઉપર રહેશે ત્યાં સુધી 26,500 સુધી વધવાની શક્યતાઓ જીવંત રહેશે. અમારો વ્યાપક બુલિશ દ્રષ્ટિકોણ અકબંધ છે. અમે અપેક્ષા રાખીએ છીએ કે નિફ્ટી 26,500 ની ઉપર બુલિશ બ્રેકઆઉટ કરશે અને લાંબા ગાળે 28,000 અને 30,000 સુધી પહોંચશે. જો 24,000 ની નીચે ઘટાડો જોવા મળે છે, તો 23,000 અને તેનાથી નીચે જવાની શક્યતાઓ છે. આ પ્રકારનો ઘટાડો 26,500 ની ઉપર અપેક્ષિત બ્રેકઆઉટને માત્ર વિલંબિત કરશે અને અમારા બુલિશ વ્યુને ખલેલ પહોંચાડશે નહીં.

નિફ્ટી બેંક (57,496.30) ટૂંકા ગાળાનો દ્રષ્ટિકોણ

ઇન્ડેક્સ છેલ્લા કેટલાક અઠવાડિયાથી 57,000 અને 58,250 ની વચ્ચે અટવાયેલો છે. અમારા વ્યુમાં કોઈ મોટો ફેરફાર નથી. બુલિશ ઝુકાવ અકબંધ છે. નિફ્ટી બેંક ઇન્ડેક્સ 58,250 ને પાર કરીને 59,000 અને 60,000 સુધી વધી શકે છે. ટૂંકા ગાળાનું ચિત્ર માત્ર ત્યારે જ નેગેટિવ બનશે જો ઇન્ડેક્સ 57,000 ની નીચે જશે. જો એવું થાય તો નીચલી તરફ 56,500 અને 56,000 ના સ્તરો જોઈ શકાય છે.

મધ્યમ ગાળાનો દ્રષ્ટિકોણ

એકંદર બુલિશ દ્રષ્ટિકોણ અકબંધ છે. 60,000 ની ઉપર બ્રેકઆઉટ થવાથી મધ્યમ ગાળામં 65,000 સુધી નવી તેજી આવી શકે છે. તે લાંબા ગાળે 68,000-69,000 ને ટાર્ગેટ કરવા માટેના બુલિશ કેસને પણ મજબૂત કરશે. સપોર્ટની શ્રેણી 55,000, 53,000 અને 50,000 પર છે. અમારા બુલિશ વ્યુને ખોટો સાબિત કરવા માટે 50,000 ની નીચે નિર્ણાયક ઘટાડો જરૂરી છે. પરંતુ તેની સંભાવના નહિવત લાગે છે.

સેન્સેક્સ (77,264.51) ટૂંકા ગાળાનો દ્રષ્ટિકોણ

સેન્સેક્સ 78,000 ને પાર કરવામાં નિષ્ફળ રહ્યો છે અને નીચે આવ્યો છે. તાત્કાલિક સપોર્ટ 76,850 છે. રાહત મેળવવા માટે ઇન્ડેક્સે આ સપોર્ટની ઉપર ટકી રહેવું પડશે અને 78,000 ને નિર્ણાયક રીતે પાર કરવું પડશે. ત્યાર બાદ જ ગયા અઠવાડિયે ઉલ્લેખિત 79,000-80,000 ના વધારાની શક્યતાઓ ચિત્રમાં પાછી આવી શકે છે. અહીંથી મજબૂત પુનઃસુધારો કરવામાં નિષ્ફળતા અને 76,850 ની નીચેનો ઘટાડો સેન્સેક્સને 76,000 અથવા 75,700 સુધી નીચે ખેંચી શકે છે. અમારે રાહ જોઈને જોવું પડશે કે શું થાય છે.

મધ્યમ ગાળાનો દ્રષ્ટિકોણ

સેન્સેક્સ હવે તેની વ્યાપક 71,000-86,000 ની રેન્જમાં ઉપર જઈ રહ્યો છે. અમારા એકંદર બુલિશ અભિગમમાં કોઈ ફેરફાર નથી. મધ્યમ ગાળામં 86,000 સુધીનો વધારો જોવા મળી શકે છે. જો ઇન્ડેક્સ અહીંથી 75,700 ની નીચે ઘટે તો આ વધારામાં વિલંબ થશે. પરંતુ તેની સંભાવના ઓછી લાગે છે. લાંબા ગાળાના દ્રષ્ટિકોણથી, સેન્સેક્સ આખરે 86,000 ને પાર કરે તેવી શક્યતા છે. તે લાંબા ગાળે 90,000 અને 94,000 સુધી તેજી લાવી શકે છે. અમારા બુલિશ વ્યુને ખોટો સાબિત કરવા માટે 71,000 ની નીચે ઘટાડો જરૂરી છે.

નિફ્ટી મિડકેપ 150 (23,507.15)

ઇન્ડેક્સે 23,647.50 ની ઉચ્ચતમ સપાટીને સ્પર્શી હતી અને ત્યાંથી નીચે આવ્યો છે. મજબૂત સપોર્ટ 23,400-23,300 ના ઝોનમાં છે. ટૂંકા ગાળામાં 23,750 સુધી વધવા માટે ઝુકાવ પોઝિટિવ છે. 23,750 ની ઉપર આખરી બ્રેકઆઉટ મધ્યમ ગાળામં 26,000-26,500 અને લાંબા ગાળામં 28,000 તરફ નવી તેજીના દરવાજા ખોલશે. જો ઇન્ડેક્સ 23,300 ની નીચે જશે તો નજીકના ગાળાનું ચિત્ર નેગેટિવ બનશે. આવો ઘટાડો ઇન્ડેક્સને 23,100-23,000 સુધી નીચે ખેંચી શકે છે.

નિફ્ટી સ્મોલકેપ 250 (18,496.15)

ઇન્ડેક્સ ધીમે ધીમે ઉપર જઈ રહ્યો છે. અમારો બુલિશ વ્યુ અકબંધ છે. ટૂંકા ગાળામાં 18,800 સુધીનો વધારો જોઈ શકાય છે. વ્યાપક ચિત્રમાંથી, નિફ્ટી સ્મોલકેપ 250 ઇન્ડેક્સ મધ્યમ ગાળામં 22,500-23,000 અને લાંબા ગાળામં 24,000-24,500 સુધી વધી શકે છે. નજીકના ગાળાનું ચિત્ર નેગેટિવ બનાવવા અને 18,100-18,000 સુધી ઘટવા માટે ઇન્ડેક્સે 18,300 ની નીચે જવું પડશે.

મુખ્ય સપોર્ટ નિફ્ટી 50: 24,000 સેન્સેક્સ: 76,850 નિફ્ટી બેંક: 57,000નો છે.