મોબાઈલ ઉત્પાદનના સેક્ટરની બે કંપનીઓના શેર્સ પર ફોકસ કરો

મોબાઈલ ઉત્પાદનના સેક્ટરની બે કંપનીઓના શેર્સ પર ફોકસ કરો.

ભારતમાં મોબાઈલ મેન્યુફેક્ચરિંગનો ૩૩ ગણો ઉછાળો: PLI 2.0 યોજના અને ૨ પ્રમુખ સ્ટોક્સ પર ફોકસ

ભારતીય મોબાઈલ મેન્યુફેક્ચરિંગ ક્ષેત્રનો અભૂતપૂર્વ વિકાસ

ભારતનો મોબાઈલ ફોન ઉત્પાદન ઉદ્યોગ અત્યારે એક નવા અને મહત્ત્વના તબક્કામાં પ્રવેશી રહ્યો છે. નાણાકીય વર્ષ ૨૦૧૫ માં દેશમાં મોબાઈલ ઉત્પાદન માત્ર ₹૧૮,૯૦૦ કરોડ હતું, જે ૩૩ ગણું વધીને નાણાકીય વર્ષ ૨૦૨૬ માં આશરે ₹૬.૩ લાખ કરોડ સુધી પહોંચી ગયું છે. આ જ ગાળામાં મોબાઈલ નિકાસ પણ ₹૧,૫૬૬ કરોડથી વધીને ₹૨.૬ લાખ કરોડ થઈ છે. હવે પછીનો વૃદ્ધિનો તબક્કો માત્ર વધુ ફોન એસેમ્બલ કરવા પર નિર્ભર નથી, પરંતુ ભારત વેલ્યુ ચેઇનમાં સ્થાનિક સ્તરે કેટલું મૂલ્ય વર્ધન (Domestic Value Addition) કરી શકે છે તેના પર છે.

PLI 2.0 સ્કીમ અને પાત્રતાના ધોરણો

સરકારે નાણાકીય વર્ષ ૨૦૨૭ થી ૨૦૩૧ માટે ₹૬૨,૫૦૦ કરોડના બજેટ સાથે PLI 2.0 (પ્રમોશન લિન્ક્ડ ઇન્સેન્ટિવ) યોજના અમલમાં મૂકી છે. એક, ટીએસ-1 મોબાઈલ મેન્યુફેક્ચરિંગ સ્કીમમાં મોટા ઉત્પાદકોને ૨.૨૫ ટકા થી ૫ ટકા સુધીનું પ્રોત્સાહન આપવામાં આવશે. ટીએસ-2માં ભારતીય બ્રાન્ડ વિકસાવવા માટે ૫ ટકાનું પ્રોત્સાહન ઉપરાંત ડિઝાઇન તથા રિસર્ચ એન્ડ ડેવલપમેન્ટ માટે વધારાનું ૩ ટકા પ્રોત્સાહન આપવામાં આવશે.  સ્થાનિક સ્તરે મુખ્ય સ્પેરપાર્ટ્સની ખરીદી માટે ૧.૫ ટકા સુધીનું વધારાનું પ્રોત્સાહન આપવામાં આવશે.

પાત્રતાના માપદંડ: TS1 હેઠળ પાત્ર બનવા માટે મોટા ઉત્પાદકોનું FY26 માં લઘુત્તમ ટર્નઓવર રૂ. 10,000 કરોડ હોવું જરૂરી છે. જો ટર્નઓવર ઓછું (ઓછામાં ઓછું રૂ. ૧,૦૦૦ કરોડ) હોય તો કંપની ટીએસ-2 યોજના હેઠળ પાત્ર બની શકે છે.

ડિક્સન ટેકનોલોજીસ પ્રબળ દાવેદાર

વર્તમાન સ્થિતિ: ડિક્સનના પોર્ટફોલિયોમાં મોબાઈલ અને અન્ય EMS વિભાગ સૌથી મોટો હિસ્સો ધરાવે છે. Q1 FY27 માં આ વિભાગની આવક વધારા સાથે રૂ. ૧૪,૧૭૯ કરોડ (Q1 2026 માં રૂ. ૧૧,૬૬૩ કરોડે પહોંચી છે. કંપનીએ Q1 2027 માં ૭૫ લાખ સ્માર્ટફોન બનાવ્યા અને રૂ. ૧,૧૦૦ કરોડની નિકાસ કરી છે. વૈશ્વિક સ્તરે મેમરી કોમ્પોનન્ટ્સના વધતા ભાવ અને PLI 1.0 ના અંતને કારણે માર્જિન ઘટીને ૨.૬ ટકા થતાં ઓપરેટિંગ પ્રોફિટ ઘટ્યો (₹૩૭૩ કરોડ). છતાં, કંપનીએ માર્કેટ શેર જાળવી રાખ્યો છે. કંપની આગામી ૧૫-૧૮ મહિનામાં વાર્ષિક કેમેરા મોડ્યુલ ક્ષમતા ૭ કરોડથી વધારીને ૧૮-૧૯ કરોડ યુનિટ્સ કરશે. Q4 2027 થી ડિસ્પ્લે ઉત્પાદન શરૂ થશે. આ બેકવર્ડ ઇન્ટીગ્રેશનથી નિકાસમાં ૧.૫-૨ કરોડ યુનિટ્સ ઉમેરાશે અને આગામી વર્ષોમાં આવકમાં રૂ. ૧૮,૦૦૦ થી રૂ. ૨૦,૦૦૦ કરોડનો ઉમેરો થઈ શકે છે.

અંબર એન્ટરપ્રાઇઝિસ

૧૮ જૂન, ૨૦૨૬ ના રોજ અંબરે BBK ગ્રૂપની ૩ મુખ્ય બ્રાન્ડ્સ (OPPO, OnePlus, Realme) સાથે સહયોગ કરીને સ્માર્ટફોન સેગમેન્ટમાં પ્રવેશ કર્યો હતો. આ કામગીરી ઓપ્પોના પ્લાન્ટમાં સબલીઝ આધારિત હોવાથી મૂડી ખર્ચ રૂ. ૫૦ કરોડથી પણ ઓછો રહેશે. Q4 2027 માં ટ્રાયલ અને Q1 2028 થી વ્યાવસાયિક ઉત્પાદન  ચાલુ કરવાનો ઇરાદો છે. 2028ના વર્ષમાં ૮૦ લાખ યુનિટ્સ અને FY29 માં ઉત્પાદન બમણું કરીને ૧.૩ થી ૧.૬ કરોડ યુનિટ્સ કરવાનો અંદાજ છે. પહેલા તબક્કામાં એસેમ્બલીથી શરૂઆત કર્યા બાદ બીજા તબક્કામાં HDI પ્રિન્ટેડ સર્કિટ બોર્ડનું ઇન્ટીગ્રેશન થશે. જેનાથી સ્થાનિક મૂલ્ય વર્ધન ૧૦-૧૨ ટકા થી વધીને ૩૫-૪૦ ટકા પહોંચશે, જેથી કંપનીના માર્જિનમાં મોટો સુધારો થશે. 2026 માં રૂ. ૧૨,૧૮૬ કરોડની આવક સાથે અંબર પહેલી યોજના માટે લાયક ઠરે છે.

નાણાકીય મૂલ્યાંકન અને સરખામણી

ડિક્સન ટેકનોલોજીસ:ઝડપી વિકાસને કારણે મજબૂત ROCE અને ROE ધરાવે છે. શેરનું વેલ્યુએશન તેના ઐતિહાસિક સરેરાશ મલ્ટિપલ કરતાં ડિસ્કાઉન્ટ પર અને ઉદ્યોગની સરેરાશ કરતાં પ્રીમિયમ પર ઉપલબ્ધ છે.

અંબર એન્ટરપ્રાઇઝિસ: પોતાના ૩-વર્ષના ઐતિહાસિક સરેરાશ P/E અને ઈન્ડસ્ટ્રી સરેરાશ બંને કરતાં પ્રીમિયમ વેલ્યુએશન પર ટ્રેડ થઈ રહ્યો છે. આ સહયોગથી કંપનીના રૂમ એર કન્ડીશનર બિઝનેસની મોસમી મર્યાદાઓ સંતુલિત થશે.

નિષ્કર્ષ: PLI 2.0 યોજના દ્વારા સ્થાનિક સોર્સિંગ પર વધારાનો ભાર મૂકાતાં, ડિક્સનની બેકવર્ડ ઈન્ટીગ્રેશન ક્ષમતા અને અંબરની એસેટ-લાઈટ મોડલ સાથેની નવી ક્ષમતાઓ બંને કંપનીઓને લાંબા ગાળે રોકાણકારો માટે આકર્ષક કેન્દ્ર બનાવે છે.