MSME ફાર્મા એકમોને અપગ્રેડ કરવા યુનિયન બજેટમાં વિસ્તૃત ક્રેડિટ ગેરંટી યોજના આપવાની માગણી કરી
- વિસ્તૃત ગેરંટી યોજનાથી કોલેટરલ વિના સરળતાથી લોન મળી શકશેઃ ઉત્પાદન સુવિધાઓ આધુનિક બનાવવી, ગુણવત્તા અને નિયમનકારી ધોરણોનું પાલન કરવામાં તથા સ્થાનિક અને નિકાસ બજારમાં સ્પર્ધાત્મકતા વધારી શકશે
અમદાવાદઃ ક્રેડિટ ગેરંટી અને પ્રોબાયોટિક્સ તથા ગટ હેલ્થ-પાચનતંત્રના ટ્રેકમાં માઈક્રો ઓર્ગેનિઝમની સમતુલાના ક્ષેત્રમાં આરએન્ડડી માટે ટેક્સ ક્રેડિટ MSME એકમોને ઓટોમેશન અપનાવવામાં મદદ કરશે. આ પગલાં મધ્ય પૂર્વ અને દક્ષિણ પૂર્વ એશિયાના બજારોમાં પ્રવેશ સરળ બનાવશે
ફાર્માસ્યુટિકલ ક્ષેત્ર યુનિયન બજેટ 2026 તરફ મોટી આશાઓ સાથે નજર રાખી રહ્યું છે. કેન્દ્રિય નાણાંમંત્રી નિર્મલા સીતારમણથી અપેક્ષા છે કે તેઓ ક્રેડિટ ગેરંટી યોજનાનો વ્યાપ વધારશે, જેથી માઇક્રો, સ્મોલ અને મિડિયમ એન્ટરપ્રાઇઝ (MSME) એકમો જરૂરી ટેકનોલોજીકલ અને ઇન્ફ્રાસ્ટ્રક્ચર અપગ્રેડ કરી શકવાની સમર્થ બની શકશે.
આવી વિસ્તૃત ગેરંટી યોજનાથી નાના ફાર્મા એકમોને કોલેટરલ વગર સરળતાથી લોન મળી શકે તેવી વ્યવસ્થા ઊભી થશે. તેનાથી ઉત્પાદન સુવિધાઓ આધુનિક બનાવવી, ગુણવત્તા અને નિયમનકારી ધોરણોનું પાલન કરવું તથા સ્થાનિક અને નિકાસ બજારમાં સ્પર્ધાત્મકતા વધારવી સરળ બનશે.
ECLGS (ઇમરજન્સી ક્રેડિટ લાઈન ગેરંટી સ્કીમ) જેવી વિસ્તૃત ક્રેડિટ ગેરંટી અને પ્રોબાયોટિક્સ તથા ગટ હેલ્થ ક્ષેત્રે આરએન્ડડી માટે ટેક્સ ક્રેડિટ MSME એકમોને ઓટોમેશન અપનાવવામાં મદદ કરશે. આ પગલાં મધ્ય પૂર્વ અને દક્ષિણ પૂર્વ એશિયાના બજારોમાં પ્રવેશ સરળ બનાવશે અને ‘વિકસિત ભારત 2047’ના લક્ષ્યમાં ન્યુટ્રાસ્યુટિકલ્સને મહત્વપૂર્ણ સ્થાન આપશે. ગયા વર્ષના યુનિયન બજેટે જીવનરક્ષક દવાઓ પર ડ્યૂટી છૂટ અને મેડિકલ એજ્યુકેશનમાં રોકાણ વધારીને દર્દીઓ માટે પહોંચ સુધારવાની દિશામાં મહત્વપૂર્ણ પ્રગતિ કરી બતાવી છે. છેલ્લા કેટલાક વર્ષોમાં જાહેર આરોગ્ય ખર્ચમાં સતત વધારો થયો છે, જેમાં કુલ આરોગ્ય ખર્ચમાં સરકારી ખર્ચનો હિસ્સો વધ્યો છે.
યુનિયન બજેટ 2026 તરફ આગળ જોતા, ફાર્મા આરએન્ડડી અને નવીનતા માટે નીતિ અને નાણાંકીય સહાય વધુ મજબૂત બને તેવી આશા છે. વધતી બીમારીઓને ધ્યાનમાં રાખીને સ્ક્રીનિંગ, ડાયગ્નોસ્ટિક્સ અને આરોગ્ય ઈન્ફ્રાસ્ટ્રક્ચરમાં બજેટ સહાય જરૂરી હોવાનું તેમણે જણાવ્યું હતું.
MSME આધારિત D2C બ્રાન્ડ્સ, ખાસ કરીને મહિલાઓ દ્વારા સંચાલિત વ્યવસાયોને નાણાંકીય સહાય આપવા માટે જરૂરી છે. વેલનેસ અને ન્યુટ્રિશન પ્રોડક્ટ્સ પર GST 5–12 ટકા સુધી ઘટાડવો, MSME ક્રેડિટ ગેરંટી સ્કીમને રૂ. 5 કરોડથી આગળ વધારવી અને મહિલાઓ માટે ઓછા વ્યાજે ઝડપી લોન ઉપલબ્ધ કરાવવાથી કેશ ફ્લો પરનો દબાણ ઘટશે. આરએન્ડડી, પ્રિવેન્ટિવ કેર અને ડિજિટલ હેલ્થ પ્લેટફોર્મ્સ માટે ટેક્સ પ્રોત્સાહન ઉત્પાદન વિકાસ અને ખર્ચ ઘટાડવામાં મદદરૂપ થશે. જરૂરી વેલનેસ અને હેલ્થકેર પ્રોડક્ટ્સ પર GST ઘટાડવાથી ઉત્પાદકો અને ગ્રાહકો બંનેને ફાયદો થશે. ઊચ્ચ ગુણવત્તાવાળા ઉત્પાદન, ટેકનોલોજી આધારિત નવીનતા અને સ્કિલ ડેવલપમેન્ટ પર સતત ભાર ભારતની ઔદ્યોગિક ક્ષમતા મજબૂત બનાવશે અને સમાવેશી આર્થિક વૃદ્ધિને ટેકો આપશે.
